Собранието на раб на кворум избра комисионери на АХВ

 Собранието на Република Македонија денеска го започна продолжението на 46. седница, откако успеа да собере доволен број пратеници за кворум.

Владејачкото мнозинство ги изгласа новите членови на Агенцијата за хартии од вредност - Лиле Делиџакова, Кирил Јовановски и Зоран Колев, а беа донесени и измените на Законот за лековите и медицинските средства, на Законот за царинска управа и за градежните производи, како и предлог одлуката за општите акти на Народниот правобранител. 

Голем дел од продолжението на 46. седницата мина во забелешки на претседателот на Собранието на Република Македонија Талат Џафери за необезбедувањето кворум и создавање услови за гласање на законите за кои претходно веќе беше завршена расправата, како и во процедуралните забелешки на координаторите на СДСМ и ВМРО-ДПМНЕ Томислв Тунтев и Драган Данев. Тие меѓусебно се обвинуваа за немањето кворум и одговорноста што како пратеници ја имаат пред граѓаните во однос на работата на Парламентот. 

Џафери поради немање кворум, најнапред го прекина продолжението на седницата свикувајќи итна координација која требаше да помогне за обезбедување кворум, а откако седницата повторно продолжи предупреди дека од следната седница пратениците кои не се во салата за време на пленарните седници, а се во зградата на Парламентот ќе ги именува јавно, за како што кажа, грѓаните да знаат кои се тие што не доаѓаат на седници. 

Координаторот на пратеничката група на СДСМ Томислав Тунтев одговарајќи на обвинувањата на опозицијата за необезбедување кворум од страна на владејачкото мнозинство, рече дека тактиката на ВМРО-ДПМНЕ како опозициска партија да не влегуваат во сала додека нема обезбедно кворум, не ја намалува нивната одговорност пред граѓаните кои ги гласале. 

Сомневајќи се дека во салата има кворум за гласање, координаторот на пратеничката група на ВМРО-ДПМНЕ Драган Данев побара листинг од гласањата за да може да се спореди со потписите за присуство на пратениците. 

Џафери го прифати барањето, но нагласи дека во салата има 61 пратеник и дека гласањата се полноважни. 

Сосема на почетокот на продолжението на 46. седница во процедурална забелешка пратеникот Ферид Мухиќ изрази личен протест за изјавата на еврокомесарот Јоханес Хан, во врска со односот на претседателот Ѓорге Иванов за договорот за името. Мухиќ рече дека бил иритиран бидејќи, како што наведе, никој не може да држи лекции на претседатели на држави без оглед каков став има и оти со тоа Хан покажал непочитување кон институциите на државата и кон државата Македонија. 

Собранието ја продолжи работата по точките од дневен ред на 47. седница. 

ВМРО-ДПМНЕ: Граѓаните на избори ќе ги поразат црнилата на оваа власт

Нема крај на понижувањата кои СДСМ му ги сервира на македонскиот народ.

 Писма, уставни измени, капитулантски договори со кои дел по дел аболицираниот Заев се откажува од се што е македонско, македонското вековно име, јазик, историја, култура. Заев го реализира до крај идентитетскиот атентат врз македонскиот народ, преку менување на уставниот карактер на државата и со Законот за двојазичност.

Се што кажа Заев, излажа, а се што вети заборави.

Заради неговите концесии, спротивно на волјата на повеќе од милион граѓани, со закани и уцени, спроведена е промената на уставното име. Благодарение на истите негови хипотеки и концесии Заев сега спроведува двојазичност на целата територија на Република Македонија.

За само две години владеење со Македонија Заев успеа да натера повеќе од 70 проценти од граѓаните да сакаат да ја напуштат својата татковина, своите родни огништа и фамилии.

Илјадниците граѓани кои побегнаа како резултат на криминалната и одродената власт предводена од аболицираниот Заев, доколку сега се вратат во државата нема да можат да ја препознаат својата држава. Нема да можат да ја препознаат државата од црнилата во кои е завиена, од црнилата олицетворени во одродената и криминална власт на аболицираниот Заев.

Граѓаните ја бараат зората, граѓаните бараат предвремени парламентарни избори на кои ќе го нанесат финалниот пораз на Зоран Заев и СДСМ, избори на кои ќе ги поразат црнилата. Зората ќе дојде, сонце пак ќе ја огрее нашата татковина, Република Македонија.

Центар за комуникации на ВМРО-ДПМНЕ

Авион принудно слетал во Констанца, Романија

Авион кој летал од Ларнака, Кипар кон Букурешт принудно слетал во романското пристаниште на Црното море Констанца, поради проблем со закрилцата, соопштиле официјални претставници.

Според наводите, авионот на романската авиокомпанија „Блу Ер“ во кој имало 109 патници и членови на екипажот безбедно слетал во Констанца.

Директорот на аеродромот во Констанца, Богдан Артада изјавил дека пилотот на авионот кој летал од Ларнака побарал  да го приземји авионот поради тоа што не можел да ги отвори закрилцата, пренесе АП.

Во Грција почнуваат парламентарните процедури за ратификација на Договорот од Преспа

 Комисијата за национална одбрана и надворешни работи во грчкиот Парламент, попладнево ќе го разгледа нацрт законот за ратификација и стапување во сила на Договорот од Преспа.

Претседателот на парламентот, Никос Вуцис, претходно ќе одржи состанок со потпретседателите за да се одреди парламентарната процедура, односно колку состаноци ќе одржи комисијата и кога ќе биде закажана пленарната седница.

Нацрт законот во саботата беше доставен до грчкиот Парламент, а се очекува да се изгласа до петок.

Како што во саботата објави МИА, нацрт законот од Министерството за надворешни работи на Грција, што е под наслов „Ратификација на конечниот договор за решавање на разликите кои што се објаснети во одлуките на Советот за безбедност на Обединетите нации 817 (1993) и 845 (1993), прекинување на Времената спогодба од 1995 година и воспоставување на стратешко партнерство меѓу страните", содржи три члена.

Првиот член е потпишаниот договор во целост, вториот член се однесува на покревање на нивото на Канцеларијата за врски во Скопје во амбасада и на Канцеларијата за конзуларни, економски и трговски работи во Битола на ниво на Генерален конзулат. Третиот член објаснува дека законот стапува на сила по објавувањето во Службен весник, а договорот по ратификацијата согласно членот 20.

Нацрт законот, со датум од 18 јануари 2019 година, е потпишан од грчкиот премиер Алексис Ципрас и министрите од неговата влада./МИА.

притисни ентер