Лажен саудиски принц “паднал“ поради сланината

Американски измамник, кој околу 30 години се претставувал како саудиски принц, го оддала неговата љубов спрема сланината, пишува „Дејли меил“.

Ентони Жињак, се родил во Колумбија, но го посвоило американско семејство и израснал во САД. За измамата бил осуден во 2008 година, бидејќи нанел штета на хотел и неколку компании во висина од 10 илјади долари. Уште тогаш се претставувал како принц и правел измами во околината.

Во текот на процесот откриено е дека мажот манипулирал со луѓето од 1991 година, со помош на лажниот идентитет. Тој веќе тогаш имал пентхаус во Мајами и голем број на раскошни автомобили. Во овој случај одлучено е да биде ослободен со кауција.

Последната епизода која довела до суд се случила во март 2017 година.

Еден од вработените кај Жињак се поврзал со американскиот претприемач Џефри Сафер.

Тој го известил дека принцот наследник на Саудиска Арабија сака да вложи 440 милиони долари во летувалиштето на Сафер.

Американецот поверувал и го повикал принцот на гости. Измамникот дошол во најново ферари со дипломатски таблички (купени на Ибеј). Во август самиот Сафер гостувал во пентхаусот на Жињак. За време на таа средба “принцот“ му покажал лажно писмо од банка во Дуба која гарантира 600 милиони долари.

Истиот месец тие се сретнале во Аспен. Таму Сафер за прв пат почувствувал дека нешто не е во ред. Тој забележал дека инвеститор од муслиманска земја јаде свинско. Инвеститорот побарал од службата за безбедност да го провери измамникот и тој веднаш бил откриен.

После жалбата на Сафер, полицијата во Флорида покренала сопствена истрага. Во ноември 2017 година Жињак е уапсен на аеродром на кој дошол под лажно име. Во неговиот пентхаус пронајдени се визиткарти со различни имиња, лажни дипломатски броеви, кредитни картички, илјадници долари.

Откриен кратер широк 31 километар под мразот на Гренланд

Голем кратер , широк 31 километар откриен е под 0,8 километри дебелиот лед на Гренланд.

Кратерот изгледа како да се формирал со пад на железен метеор , кој се забил со брзина од 19 километри во секунда . Според првите проценки до ударот дошло пред околу 12 000 години.

Ударот на вселенскиот камен произвел енергија поголема отколку од 47 нуклеарни бомби , фрлени 1945 врз Хирошима.

При тоа се стопиле големи количества мраз , слатката вода протекла во океаните , а парчињата мраз биле однесени во атмосферата.

,, Би морале да истражувате 40 милиони години наназад за да најдете кратер со иста големина , затоа ова е реткост во историјата на Земјата. “ , изјави професорот Курт Краер од Природнонаучниот музеј во Копенхаген.

Португалка родила бебе и две години го криела по багажници и подруми

Во Франција почна судењето на жена од Португалија , која родила бебе и две години го чувала изолирано од светот.

Нејзиниот партнер , како и сестра и изјавиле дека немале поим дека таа има бебе покрај трите други деца. Роса Мариа Да Круз и нејзиниот партнер се Португалци , кои живеат во централна Франција . Жената го криела ќеркичето  во нечист  багажник или во темен подрум, поради што судот ја обвинува дека бебето може да има последици по развојот.  

Роса Мариа има 50 години , а во 2013 ќеркичката Серена  била најдена во нечист багажник на стар автомобил. Бебето го нашол автомеханичарот , кому жената му го дала автомобилот на поправка. Бебето било голо , нечисто и дехидрирано , опкружено со црви и измет.

Според исакзите на членовите на нејзиното семејство , се чини дека жената била одлична мајка на другите три деца. Тие се навозраст од 9 , 14 и 15 години , но властите им забрануиле да имаат каков било контакт со Серена , запуштеното девојче , кое сега има седум години и живее со старатели.

Девојчето , како последица од лошите услови како бебе , сега има ментални проблеми , како и аутизам , за што докторите сметаат дека настанал како резултат на лишување од чувствата во раните месеци од животот.  

притисни ентер