Свечено отворање на 58. издание на Фестивалот „Охридско лето“

Охрид од вечерва се до 20 август ќе ги живее своите 40 дена возбуда што ги носи Фестивалот „Охридско лето“. 

Повеќе од 800 уметници од 27 земји од целиот свет по 58-ми пат наредните месец и половина ќе музицираат, глумат, творат на неколкуте фестивалски сцени во Охрид...

Во текот на престојните фестивалски вечери, „Охридско лето“ ќе донесе совршен спој на музиката, театрот и воопшто на уметноста. Ќе настапат звучни имиња од светот на музиката, но и најдобрите театарски продукции со извонредни драмски проекти. Предвидени се и три изложби,  ликовна, изложба на фотографии и на современ накит.

Свеченото отворање на нашата најзначајна музичко-сценска манифестација традиционално започнува на големата сцена на Античкиот театар. Овојпат сцената на Антички резервирана за големите оперски ѕвезди, сопранистката Елена Мошуц и тенорот Калин Братеску, под диригентската палка на Николае Молдовеану и во придружба на оркестарот на Македонската филхармонија.

Фестивалот за отворен ќе го прогласи покровителот на манифестацијата, претседателот на државата Ѓорге Иванов, а обраќање пред публиката на отворањето ќе има и министерот за култура на Република Македонија, Асаф Адеми. Уметничката порака годинава ќе ја пренесе познатиот македонски актер Никола Ристановски.

Уметниците Мошуц, Братеску и Молдовеану кои се веќе тука најавија масимално вложување и незаборавно искуство и концерт за паметење вечерва на Антички.

Оперската певица Елена Мошуц, која важи за еден од најразновидните и најекспресивните сопрани во светот, во обраќањето пред медиумите и јавноста во Македонија рече дека е благодарна што ќе биде дел од фестивал со долгогодишна традиција на кој настапувале светски познати уметнички имиња.

- Природата тука и луѓето се прекрасни, со нетрпение го очекуваме утрешниот концерт. Програмата ја избравме заеднички со колегата Братеску. Поради временските ограничувања односно должината на концертот од еден час, избравме оперски дела за поширока публика така што очекуваме добар прием кај публиката, рече таа.

Маестро Николае Молдовеану кој веќе имаше проби со уметниците од Македонската филхармонија, рече дека за отворањето на „Охридско лето“ е избрана програма во чиј репертоар се најубавите италијански и француски арии за сопран, тенор и дуо.

- Секој концерт на отворено не е само уметнички настан, туку културен феномен што остава можности за дополнително поврзување на уметниците со публиката. Во време на политички тензии на континентот, концертите на отворено носат радост и чувство на слобода како за публиката така и за нас уметниците. Благодарни сме што ни е дадена таа привилегија да бидеме тука за вас и со задоволство ве очекуваме, истакна Молдовеану, изразувајќи уверување дека и временските услови ќе придонесат за незаборавен концерт и неповторливо искуство.

Шефот на оркестарот на Македонската филхармонија, Горан Муратовски, изрази задоволство, но додаде дека е и голема чест што Македонската филхармонија е традиционален гостин на фестивалот „Охридско лето“.

- Оваа година ја имаме честа да го отвориме  фестивалот. Задоволство е да се соработува  со уметници од ваков калибар, со извонредниот диригент маестро Молдовеану, со оперската дива Мошуц и тенорот Братеску. На свечното отворање на Антички театар очекуваме голем спектакл, рече Муратовски.

Градоначалникот на Општина Охрид, Јован Стојаноски, вчера на прес-конференцијата по повод отворањето на „Охридско лето“ најави дека општината и натаму ќе ја дава безрезервната поддршка на фестивалот како голем македонски и европски културен бренд.

- На сите уметници коишто ќе присуствуваат во Охрид им посакувам топло добредојде, да си поминат убаво во нашиот град, и да придонесат за уште едно успешно издание на фестивалот „Охридско лето“. Како Локална самоуправа отсекогаш сме го поддржувале овој фестивал, а тоа ќе продолжи и понатаму заради тоа што НУ „Охридско лето“ е најпознатиот бренд којшто го претставува и го зацртува Охрид како културна дестинација во светот, рече охридскиот градоначалник Јован Стојаноски.

Како посебни доживувања на 58-то фестивалско издание се очекуваат концертите на пијанистот Николај Лугански, челистот Александар Књазев, виолинистот Сергеј Крилов, потоа пијанистот Александар Маџар, виртуозот на усна хармоника Антонио Серано, акапела-секстетот  „Д’Квин Сикс“  од Велика Британија,  како и неколку концерти што ќе се реализираат во соработка со амбасадите во Македонија. Традиционалната Полска вечер на фестивалот ќе донесе концерт на барокниот ансамбл „Вроцлав“, во рамки на Француската вечер ќе настапат светски познатиот пијанист Мишел Бурдонкле и неговиот син Николас, а во соработка со Амбасадата на Шпанија во Скопје ќе настапи сопранистката  Еугенија Боикс и пијанистката Ана Ферер.

Драмската програма започнува еден ден по свеченото отворање, а ќе понуди театарски креации од домашните театарски куќи, како и гостувања на театри од Србија, Хрватска и Словенија.

По традиција, во рамки на „Охридско лето“ ќе настапат и голем број домашни уметници од Македонската филхармонија, Македонската опера и балет и Музичката младина на Македонија.

Според в.д. директорката на „Охридско лето“ Сузана Вренцовска, сите сцени и простори каде што годинава ќе се одржуваат музичко-сценските настани на фестивалот се оспособени за уметниците, како и за посетителите кои секоја година ги има во голем број, а како што најави, од следната година е планирана  изградба на монтажно гледалиште кое ќе може да се поставува насекаде, со што ќе можат да се одржуваат настани на секое соодветно место во градот.

Фестивалот „Охридско лето“ се одржува со финансиска поддршка на Министерството закултура на Република Македонија, а помогнат од Општина Охрид, како и од бројни спонзори. 

Објавени нови страшни детали за убиството на новинарот Кашоги

Шприцови , електрошок уреди и воки – токи носеле во багажот саудискиот тим , кој бил испратен во Истанбул за да го убие новинарот Џамал Кашоги.

Убијците , кои дошле од Саудиска Арабија на денот на убиството и по неколку часа си заминале од Истанбул во куферите носеле страшна опрема.

Освен тоа , турските истражители уловиле комуникација во која еден од петнаесетината убијци на некого му вели да му каже на шефот дека операцијата е завршена. Не се знае името на шефот , но се претпоставува дека станува збор за престолонаследникот Михамад бин Салман. Новинарот бил задавен , а неговото тело распарчено , истопено во киселина и истурено во канализација.

По извршеното убиство , 15 мината отпатувале назад во Саудиска Арабија со два приватни авиони и со еден на редовна линија.

Според весникот Сабах, кој ги објави снимките на коферите на убијците кои патувале со приватните авиони , во нив имало десет мобилни телефони , пет воки – токи уреди, два шприца, два електоршокери , големи ножици , уред за пречки , три големи заварувачи и предмет што личи на скалпел.

Турскиот претседател Реџеп таип Ердоган во саботата потврди дека има аудио снимка од убиството , која ја испратил во вашингтон , Ријад , Париз, Берлин и Лондон.

,, Таа снимка е ужасна . Дури и членот на саудиската разузнувачка служба бил толку шокиран кога ја слушнал , па рекол дека тој што го правел ова морал да биде на хероин . Само некој кој зема хероин тоа би го направил.” , изјави Ердоган.

Приштинските медиуми за бегството на Груевски

Косовските медиуми даваат прилично голем публицитет на ситуацијата во Македонија, по повод јавувањето на поранешниот премиер Никола Груевски од Унгарија.

 Од каде што преку Фејсбук информира дека побарал политички азил, јави дописникот на МИА од Приштина.

Порталот „Газета Експрес" ги пренесува цело време информациите во врска со Груевски и од моментот кога се појави првата вест дека се јавил од Будимпешта, објави дека „Се огласи Груевски", „Груевски се јави преку фејсбук од Унгарија, побарал политички азил", „Груевски се јави од Унгарија, реагира Заев", „Унгарска партија пред една година најави дека Груевски ќе пребегне во таа држава", „ВМРО се уште не знае каде е Груевски"…

И другите косовски медиуми посветуваат големо внимание на ситуацијата околу потрагата по Груевски и неговото јавување од Унгарија. Така, покрај другите информации, порталите Инсајдери и Индексонлине прашуваат „Дали Србија помогна за бегството на Груевски", односно „Со каков пасош побегна Груевски". Овие и други медиуми пренесуваат дека поранешниот македонски премиер веројатно побегнал со бугарски пасош, но не се исклучува да имал и српски, бидејќи, како што наведуваат, тој некогаш бил советник на Владата во Белград.

Порталот Журнал, на страницата посветена на информациите од Македонија (zhurnal.mk), покрај информациите за бегството на Груевски и реакциите во земјата, објавува и коментар на правникот Ќенан Алиу, кој вели дека се работи за „оркестрирано бегство" и дека е можно да се работи за „кокетирање на власта со цел да се разрешат судии од високи инстанци".

Коха.нет, порталот на весникот „Коха Диторе" и на телевизијата КТВ, откако претходно во текот на денот информира дека „Груевски исчезна" и дека е објавена потерница по него, како и дека „Заев не верува оти Груевски побегнал", ја објави и информацијата дека „Груевски побара политички азил во Унгарија".

Овој портал објави и дека „министерот (за внатрешни работи, Оливер) Спасовски не мисли дека полицијата е одговорна за бегството на Груевски" и дека, споерд него, „одговорноста треба да го сноси судтството затоа што не му одреди притвор".

Овие и други информации во врска со ситуацијата околу Груевски ги објавија и останатите приштински медиуми, меѓу кои и телевизиите РТК, Т7 и Клан Косова./МИА.

CNN со обвинение против Трамп (ВИДЕО)

CNN објави дека покренува тужба протв американскот претседател Доналд Трамп поради одземената акредитација на нивниот новинар Џим Акоста .

Освен Трамп , CNN  тужи уште петмина функционери во Белата куќа – шефот на кабинетот Џон Кели , портпаролката Сара Сандерс , нејзиниот заменик Бил Шајн , шефот на тајната служба , Џозеф Кленси и службеникот кој на Акоста му ја одзеде акредитација , чиј идентитет засега не е познат.

Белата куќа во средата му ја одзеде акредитацијата на Акоста по прес конференцијата на која новинарот аргументираше со претседателот. Откако Акоста му постави серија непријатни прашања,

Трамп нареди да му биде одземен микрофонот , а откако новинарот не сакаше да се повлече без добиени одговори , доби навреди од Трамп.

притисни ентер