Во живо

последно ажурирање пред 2 месеци

Македонија ја доби поканата за членство во НАТО - Столтенберг и Заев повикаа на славје

На специјална церемонија во седиштето на НАТО во Брисел,Македонија денеска ќе биде  поканета како триесетта земја да и се приклучи на северноатлантската алијанса.

пред 2 месеци16:57

Премиерот Заев ја прими поканата од Генералниот секретар на Столтенберг и при тоа рече :,,Ова е ден за славење како признание за исполнети услови и вредности што ги делат НАТО партнерите”.

Претседателот на Владата на Република Македонија Зоран Заев, кој ја предводи владината делегација на Самитот на шефови и држави на НАТО, денеска на пригодна церемонија ја прими поканата за членство во алијансата што му ја врачи Генералниот секретар Јенс Столтенберг.

Во оваа прилика Генералниот секретар на НАТО,Столтенберг истакна дека граѓаните на Република Македонија треба да го прифатат денешниот како голем ден кој заслужува да биде славен, и дека оваа покана е резултат на исполнетите услови и НАТО стандарди, како и на историскиот договор за македонско-грчкиот прашање за името и за стратегиско партнерство.

Претседателот на Владата на Република Македонија Зоран Заев на заедничката прес конференција по овој повод истакна дека ова е историски ден за нашата земја и дека тој, Владата на Република Македонија и народот на земјата, се благодарни за одлуката на нашите сојузници да отпочне процесот за полноправно членство во Aлијансата.

„Тоа е историска одлука за иднината на мојата земја и за нашите граѓани. Оваа одлука е признание за нашата посветена работа повеќе од две децении. Ова е признание за работата на сите македонски политичари од независноста до денеска, признание за нашите институции и за сите политички партии. Ова е признание за сите наши граѓани, за целото граѓанско општество, и за сите останати кои трпеливо го чекаа овој ден“, рече премиерот Заев на заедничката конференција за медиумите со Генералниот секретар Столтенберг.

Во своето обраќање тој потенцираше дека одлука потврдува дека споделуваме евроатлантски вредности, и дека Република Македонија може да оствариме и да испорачаме учество во алијансата сооветно на НАТО стандардите.

Премиерот Заев уште нагласи дека НАТО Алијанса денеска, со отворањето на вратите за Република Македонија за полноправно членство, покажа зошто е толку витална и силна, и дека политиката на отворени врати е еден од најсилните механизми на Алијансата за постигнување на неопходните евроатлантски стандарди од страна на оние земји кои се подготвени да ги споделат.

„Република Македонија е пример за тоа. Република Македонија и досега активно учествуваше во НАТО мисиите. Заедно со Алијансата, нашата земја, активно придонесува во мисиите за сузбивање на глобалните закани, терористичките закани, како и заканите што доаѓаат од насилен екстремизам. Соодветно на стандардите и препораките на НАТО, ни ја подготвивме и нашата, Национална стратегија за одбрана“, нагласи премиерот Заев.

Говорејќи за значењето на поканата Република Македонија да стане членка на НАТО од аспект на регионот, Претседателот на Владата на Република Македонија, Зоран Заев, рече дека членството во алијансата уште повеќе ќе ја консолидира демократијата, ќе ја зголеми стабилноста и безбедноста и ќе служи како позитивен пример за земјите од Западен Балкан.

„Силната заложба на Владата за решавање на отворените прашања со сите наши соседи даде конкретни резултати. Изразувам посебна благодарност до моите колеги, премиерот на Република Грција, Ципрас и премиерот на Република Бугарија, Борисов, за споделување на истата визија со нас. Оваа визија ни донесе голем успех во Регионот и во Европа. Благодарност упатувам и до сите наши останати соседи и до нашите партнери ЕУ и САД, со кои развиваме силни билатерални и регионални партнерства за кои верувам дека ќе се продлабочуваат уште повеќе, во годините што доаѓаат“, истакна во своето обраќање премиерот Заев.

Претседателот на Владата на Република Мкедонија Зоран Заев подвлече дека следниот чекор за Република Македонија е организацијата на референдумот како највисок демократски израз на политичката волја на македонскиот народ и на сите граѓани во нашата земја – чин кога граѓаните на земјата ќе кажат „Да!“ за својата иднина.

пред 2 месеци16:41

"Пред малку потпишав писмо со кое го информирав премиерот Заев за одлуката на НАТО да ја покани неговата Влада во Скопје да ги почне разговорите за пристап во Алијансата", рече Столтенберг.

Церемонијата следуваше по  одлуката на лидерите на НАТО на Бриселскиот самит да ја поканат Владата во Скопје да ги започне разговорите за пристапување за членство во Алијансата, откако ќе бидат исполнети условите од договорот меѓу Атина и Скопје.

"Долги години припадниците  на вашите вооружени сили учествуваа во сојузничките мисии. Помагаа за  да се донесе мир и безбедност во Авганистан. НАТО покажа дека вратата за влез во Алијансата е и останува отворена ", рече генералниот секретар.

Тој истакна дека договорот за прашањето за името што го постигна владата во Скопје со Грција ја отстрани пречката за отворање на разговорите за пристап.

"Знам дека компромисите кои беа вклучени беа тешки за двете страни. Но, верувам дека договорот е во најдобар интерес на вашата земја и на поширокиот регион. Ви честитам Вам и на  сите оние кои се вклучени за нивната политичка храброст. И нивната посветеност кон подобра иднина ", рече тој.

Столтенберг истакна дека ова е круцијален чекор што го отвори патот за полноправно членство во НАТО. Тој најави дека сега ќе започнат детални разговори за пристап, за да и помогнат на земјата да ги направи последните подготовки за членство.

"Откако сите ваши национални процедури ќе бидат комплетирани, а сите сојузници на НАТО го ратификуваат вашето пристапување, ќе станете триесеттиот член на оваа Алијанса. Со место на нашата маса. Со еднаков глас во нашите дискусии. Еднаков глас во нашите одлуки. И безбедноста што доаѓа со тоа што е дел од најуспешниот воен сојуз на светот. Тоа ќе биде горд и важен ден за вашата земја. За вашиот регион. И за НАТО. Ние сакаме да ве видиме вас и вашата земја во срцето на стабилен, демократски и просперитетен регион ", рече генералниот секретар.

 Столтенберг рече дека денес е важна пресвртница во постигнувањето на таа цел и дека наредните месеци ќе бидат исклучително напорни.

"Но денес е ден за прослава. Значи, ви честитам, премиере Заев. И честитки до вашиот народ ", рече тој.

пред 2 месеци16:22

пред 2 месеци16:21

,,пред малку го информирав премиерот Заев дека неговата земја може да ги почне пристапбните преговори за членство во НАТО ", напиша генералниот секретар Стиолтенберг на неговиот профил на фејсбук.

пред 2 месеци15:48

Премиерот Зоран Заев се заблагодари за укажаната чест и доделувањето покана на Македеонија за членство во НАТО. Премиерот ги повика сите граѓани во сабота да излезат и да го прослават членството во НАТО . ,,Македонија оди напред " , заклучи премиерот Зоран Заев 

пред 2 месеци15:45

Ова е ден за гордост за вашата земја , за регионот и за НАТО , рече генералниот секретар Јенс Столтенберг , кој пред малку на премиерот Зоран Заев му ја додели поканата за пристап на Македонија во Алијансата . Столтеннберг на почетокот на обраќањењето ја нагласи значајната улога на Македонската армија во мировните мисии на НАТО. Тој рече дека сега е време за славје и му се заблагодари на премиерот Заев. 

пред 2 месеци14:38

Прес конференација на генералниот секретар на НАТО Столтенберг.

пред 2 месеци13:35

САД го има најдоброто оружје на светот и поради тоа членките на Алијансата треба што повеќе да купуваат такво оружје, истакна Трамп на прес конференцијата .

На прашањето на новинарите дали овој став ќе се промени кога ќе влезе во авионот, Трамп одговори:

Не, јас сум конзистентен по тоа прашање . Јас сум гениј.

пред 2 месеци13:20

Прес конференција на американскиот претседател Доналд Трамп.

пред 2 месеци13:01

Претседателот на САД, Доналд Трамп се врати во новата зграда на НАТО: 

пред 2 месеци12:58

Генералниот секретар на НАТО Јенс Столтенберг го отвори денешниот официјалниот дел од агендата на самитот, на состанокот на лидерите на земјите членки и партнери во формат РСМ „Решителна поддршка", на ниво на шефови на држави и влади.

пред 2 месеци12:53

Премиерот Зоран Заев пред работниот состанок  срдечно поздравен од претседателот на Турција Реџеп Таип Ердоган. 

пред 2 месеци12:34

Премиерот Заев и македонската владина ќе учествуваат на официјалниот дел од агендата на самитот, на состанокот на  земјите членки и партнери во формат РСМ „Решителна поддршка", на ниво на шефови на држави и влади, кој секој момент се очекува да започна во зградата на НАТО.

пред 2 месеци11:16

Грчката делегација предводена од премиерот Ципрас пристигна во зградата на НАТО: 

пред 2 месеци10:45

Заев: Македонските граѓани се најголемите поддржувачи на НАТО

Прослава по повод поканата од НАТО за членство на Македонија во алијансата, ќе има во 15 градови во земјава, истакна  првиот човек на Владата, Зоран Заев во Брисел.

Прославата ќе се случува в сабота.

„Ве повикувам да прославиме заедно на 14 јули низ градовите. Со домашна музика да си честитаме затоа што Македонија оди напред“, рече Заев и додаде дека тој лично се радува за поканата.

пред 2 месеци09:48

- Ова се луѓе што го водат светот, најголемите светски лидери – престедателот Трамп, канцеларката Меркел, претседателот Макрон.... да не зборувам за сите светски лидери. Јас сум многу среќен што го доживеав тој момент кога ги гледав среќни сите овие светски водачи заради Македонија. Сите на некој начин пријдоа, честитаа, посакаа успех, понудија помош и поддршка. Среќен сум што го доживеав моментот да ја водам извршната власт во Република Македонија кога на Македонија и се случуваат вака убави величествени работи, рече макеоднскиот премиер. 

Инаку премиерот Заев и македонската владина денеска ќе учествуваат на официјалниот дел од агендата на самитот, на состанокот на лидерите на земјите членки и партнери во формат РСМ „Решителна поддршка", на ниво на шефови на држави и влади.

пред 2 месеци09:45

Македонскиот премиер Зоран Заев пристигна во седиштето на НАТО во Брисел. Заев вчезе во новата зграда на НАТО додека претседателот на босанското претседателство даваше изјава. 

пред 2 месеци09:27

На Самитот во Брисел ќе учествува и Високата претставничка за надворешни работи и безбедносна политика на Европската Унија. 

пред 2 месеци09:22

Американската делагација предводена од претседателот Доналд Трамп пристигна во зградата на НАТО во Брисел каде денеска ќе продолжи Самитот  на алијансата. 

пред 2 месеци09:03

Премиерот Зоран Заев ќе ја прими поканата за пристапни преговори со НАТО од првиот човек на алијансата Столтенберг.

пред 2 месеци08:50

Заклучокот за Македонија денеска  ќе биде усвоен како дел од финалното комунике на НАТО од страна на дваесет и деветмината шефови на држави или на влади присутни на состанокот на врвот.

Вообичаено одлуката ја соопшти вчера  генералниот секретар кој уште нагласи дека зачленувањето ќе се случи откако земјава во целост ќе ги спроведе обврските од договорот со Грција.

Самитот на НАТО во Брисел започна  вчера.

Македонија

Започна НАТО самитот во Брисел, Македонија ја очекува поканата за членство во НАТО

Земјава е кандидатка за членство веќе 19 години, а зад себе има рекордни 17 акциски планови за чл...

Прочитај повеќе

Македонија

Македонија поканета од НАТО да стане 30-та членка на Алијансата

Заклучокот за Македонија кој претпоставува покана за старт на преговорите а зачленувањето&nbs...

Прочитај повеќе

Романците на референдум за забрана на геј браковите

Следниот месец во Романија ќе се одржи референдум , на кој граѓаните ќе се изјаснуваат дали во Уставот да се внесе забраната за истополови бракови.

Во Романија на 6 и 7 октомври ќе се одржи референдум , на кој граѓаните ќе треба да се изјасната дали забраната за истополови бракови да се внесе во Уставот. Поборниците на планот сакаат во Утавот да биде напишано дека бракот е заедница меѓу маж и жена , а не како што е сега – дека е заедница на двајца сопружници.

Според премиерката Виорика Данчила , овој референдум не е насочен против сексуалните малцинства. За да се обезбеди поголема излезност на референдумот Владата во Букурешт реши да го модифицира законот и референдумот да трае два дена.

Социјалдемократката Данчила ги критикуваше повиците на бојкот , упатени од опозиционерите од десниот центар и неколку невладини опрганизации , што би можело да доведе до пропаѓање на рефередумот.

За да биде важечки , на референдумот треба да излезат најмалку 30 проценти од 18,9 милионската популација со право на глас.

Референдумот е резултат на барањето на неколку невладини организации , блиски до Православната црква, кои велат дека собрале три милиони потписи за иницијативата.  

Трибина во Пробиштип : Излези ЗА европска Македонија

Коалицијата ЗА европска Македонија вечерва беше на средба со граѓаните  во Пробиштип.

Премиерот Зоран Заев кажа дека Македонија ќе биде сигурно 30 земја членка на НАТО алијансата.

Референдумот на 30 септември е важен како оној од 1991 година за да ја осигураме и обезбедиме Македонија. Да ја качиме на шините и да тргне конечно по 27 години.

Ова го порача премиерот Зоран Заев вечерва на трибина организирана од коалицијата „Излези ЗА европска Македонија“ во Пробиштип на која рече дека ова е историско време и историска одлука и оти околку ова прашање вреди да се обединиме.

- Отворивме душа, споделуваме она што е вистината. Зборуваме со нашиот народ и нема делби и поделби затоа што е историски момент и неповторлива шанса која треба да ја зграпчиме. Дефинитивно се работи за нашта татковина и за нашите деца. И затоа сме исправени пред вакво историско време и уживаме во честа што се падна на оваа генерација конечно Македонија да ја ставиме на шини и да киниса, рече премиерот.

Истакнувајќи дека народот мора да ги знае сите детали за да донесе исправна одлука рече дека нашата одлука на 30 септември ќе влијае секако на иднината на нашата земја и затоа може, како што рече, да избереме да бидеме горди или да чемрееме и да симнеме глава долу.

- Една таква одлука донесовме во 1991 година и иста е одлуката што треба да ја донесеме и на овој референдум. Знам дека и тогаш не му беше лесно на нашиот народ, кога се одделуваше од сојузот. И тогаш не знаевме. Имаше дебата дали ќе не биде или не. Дали имаме пари, дали може со немање валута да бидеме земја, немавме армија, полиција, институции, но нашиот народ на вакви дебати излезе и гласаше и 95 отсто гласаа за независност и денес сите се гордееме на тоа, потенцира Заев.

Оцени дека конечно дојде време да носиме храбри одлуки. - Го решивме прашањето со Бугарија, потоа со Грција. Имаме фер и праведно решение. Добивме разграничување, Грција го призна македонскикот јазик и идентитет и нема земја која не не признава како Македонци и која не го признава нашиот јазик и идентитет. Го добивме она за што се бореа нашите претци,  рече Заев.

Порача дека ова е шанса и оти одлуката е пресериозна и оти нема алтернатива.

- Ова е транспарентен процес. Нема ништо што е скриено. Ова е врв на демократијата. Ветивме реферндум и еве го да се изјаснат граѓаните. Ветувањето беше најпрво на опозицијата и затоа треба да зборуваме со сите граѓани и се обраќам до сите и до опозицијата и до пријателот Мицкоски. Размисли ова е и за твоите и за моите деца, ова е за нашта заедничка татковина. Ако има алтернатива стави ја на маса. Ако нема не можеш да се криеш без став. Должност е на лидерите на СДСМ, на ВМРО-ДПМНЕ и на големите партии да носат одлуки. Не може без одлуки. За твоја и моја Македонија се работи. Акција сака Македонија. Сака став. Затоа што граѓаните сакаат да знаат се и затоа наша обврска е да ја земеме судбијата во свои раце, потенцира премиерот Заев.

Порача дека 30 септември е историски ден и шанса што не смееме да ја пропуштиме, посочувајќи дека ваква шанса може да се повтори по 50 или 100 години.  

Претходно коалицијата одржа трибина и во Кратово. 

Ние во Европа велиме: „Ни требате", порача Хајко Мас на дебатата „Зошто Европа"

,,Отворено ви кажуваме би биле среќни кога би биле за ЕУ. Тоа е јасен став ние во Европа велиме „Ни требате“, рече шефот на германската дипломатија Хајко Мас.

Зошто Европа? - поради пристојна, средена, правна, држава која функционира, напредување во кариерата врз основа на заслуги, а не врз принципот на лојалност, квалитетно образование и здравство, поголеми економски можности, поради тоа што ЕУ е исто така заинтересирана земјава да стане дел од неа, како што и Македонија има такви аспирации, но и поради отворање на можностите за младите, кои тука во земјава ќе добиваат поквалитетно образование и можност да се вработат и сето тоа ќе ги поттикне да останат во земјата.

Ова се дел од заклучоците на дебата, која денеска се водеше во Даут Пашин амам во организација на германската Амбасада, а на која учествуваа шефот на германската дипломатија Хајко Мас, македонскиот министер за надворешни работи Никола Димитров, професорската Елизабета Шелева, активистот Артан Садику и Ирина Банишка, студентка и претставник на младите во земјава.

- Во пресрет на референдумот цврсто сме убедени дека европската перспектива на оваа држава е нешто што е важно и за самата ЕУ. Вие сами ќе ја донесете одлуката за тоа по кој пат ќе одите. Вие имате интерес за Европа, но и ние во Европа имаме интерес за вашата земја, им порача Мас на учесниците и нагласи дека Европа веќе 65 години е успешна приказна, која се базира на демократски вредности, владеење на правото, правна држава, почитување на човековите права.

- Имаме европски вредности и сакаме сите кои ги делат истите вредности да ја обликуваат иднината заедно со нас. Од вас зависи како ќе го продолжите патот понатаму, рече Мас.

Додаде дека првиот чекор на тој пат е референдумот, но потенцира дека не сака да влијае врз македонските граѓани.

- Но отворено ви кажуваме би биле среќни кога би биле за ЕУ. Тоа е јасен став ние во Европа велиме „Ни требате“, додаде Мас.

На прашањето да изнесе свое мислење за ставот на опозициската ВМРО-ДПМНЕ во однос на претстојниот референдум Мас рече дека како министер за надворешни работи не се осмелува да се меша во внатрешните работи на земјата и додаде дека секој во земјава има право да има свој став, да повика „за“, „против“ или на бојкот. 

Сепак, додаде Мас, народот е тој, што треба да одлучи и да го одбере патот на земјата.

Министерот Димитров истакна дека ние сме опкружени со Европа, се наоѓаме на европскиот контитент и сосема е нормално да сакаме да имаме европска држава.

- Јас лично како граѓанин кога мислам на Европа први асоцијации ми се среденост, пристојност, нормалност, функционални институции, силни инстиуции, но според ефикасност, а не по концентрација на моќ во еден човек или во рацете на мала група луѓе, еднакви шанси, натревар на способни, а не натпревар на лојални, просперитет, пристојно платена работа, образование, здравство, рече Димитров.

Нагласи дека Македонија прва, во Луксембург уште во 2001 година потпиша ССА.

- Оттогаш поминаа 17 години, многу време изгубиме и мислам дека не мислам дека има ниту еден граѓанин на кој му се допаѓа тоа што спорот што го имавме со Грција влијаше врз нашата перспектива за влез во НАТО и ЕУ, додаде Димитров.

Нагласи дека кризата не поттикнала на раст и учење и додаде на Европа можеме да и понудиме жед за одговорност, правна држава слобода на медиумите...се она што во текот на кризата фалело, а е нешто што во Европа се зема здраво за готово. 

Професорската Елизабета Шелева говореше за феноменот Балкан и како да се намали „стравот на Европа од балканизмот“. 

Таа нагласи дека пред околу 20 години бил промовиран поимот балканизам, како начин на кој не перцепира Западот и со кој се создала непријатна аура околу регионот. 

Изрази надеж дека сега ќе се менува односот кон Балканот, тој повеќе да не биде сираче на Европа, да му се даде шанса да ги покаже своите вистински потенцијали. 

Активистот Артан Садику напомена дека уште пред 12 години со порадикални, поеманципирани групи од Грција изработиле книга „Ајде“, збор кој се користи во двете земји за означување на почеток на нешто, а која била посветена на заедничка антинационалистичка историска нарација за територијата и историјата на Македонија и Грција.

Книгава ја шверцувале во Македонија, бидејќи нејзината содржина, како што рече, тогаш не била прифатлива. Сега, вели, во Договорот од Преспа, има дел со кој се отвора можноста за таква соработка. 

Садику нагласува вели Договорот не подготвува за механизмот врз кој функционира ЕУ, а тоа е да се постигне компромис.

Ирина Банишка, како претставник на студентите и на помладата генерација вели дека кога се говори за ЕУ сите некако како повеќе да се насочени кон минатото, каков бил процесот, што се случило, а помалку кон иднината, која, како што рече е суштинска за младите.

За нив, додаде таа, во однос на ЕУ важни се два аспекти - образованието, кое би го подобрило својот квалитет и можноста младите да најдат соодветна работа.

Со тоа, додава Банишка, младите во нивната родна земја ќе имаат повеќе можности дома и ќе се спречи нивниот одлив во странство. /MИА

притисни ентер