Трамп допатува во прва официјална посета на Британија

Американскиот претседател Доналд Трамп допатува во прва официјална посета на Велика Британија во текот на која ќе се сретне со премиерката Тереза Меј и кралицата Елизабета II.

На аеродромот во Лондон, Доналд Трамп и Меланија Трамп, во име на премиерката, ги доечка министерот за меѓународна трговија, Лијам Фокс.

„БиБиСи“ укажува дека Трамп додека одел кон хеликоптерот кој ќе ги однесе до центарот на Лондон, Меланија го држела за рака.

Ова е прва посета на Трамп на Велика Британија, откако станал претседател на САД. Во пресрет на доаѓањето изјавил дека не му сметаат протестите против него во Лондон.

„Мислам дека многу повеќе ме сакаат во Обединетото Кралство, мислам дека се согласуваат со мене по прашањето за миграција...“ – изјавил тој.

Трамп, како што е претходно најавено, денеска ќе присуствува на “вечерата на црните кравати“, чиј домаќин ќе биде британската премиерка во палата Бленхајм во близина на Оксфорд, родното место на Винстон Черчил.

Наредниот ден, Трамп и Меј ќе ја посматраат вежбата на британската војска, а потоа ќе отпатуваат во резиденцијата на премиерката во Бакингемшир, каде ќе имаат билатерални разговори.

Претседателот и првата дама на САД потоа ќе отпатуваат во замокот Виндзор, каде во петок попладне ќе се сретнат со британската кралица.

По завршувањето на турнејата, Трамп и Меланија ќе отпатуваат за Шкотска, каде планираат да поминат викенд, наведува „БиБиСи“.

Станарите се вратија дома,смрдеата била од пелени

Градоначалникот на Скопје , Пегтре Шилегов вечерва изјави дека непријатната миризба во зградата во Аеродром била од пелени во станот 11 , каде живееле две постари жени. 

Станот број 11 ќе се дезифицира ,а миризбата и штипењето на очите кај дел од станарите било од амонијак од пелените , кои биле чувани во станот. Службите за социјална заштита вечерва биле кај жените , така што ќе го преземат случајот , рече градоначалникот на Скопје , Шилегов доцна вечерва.

Освен противопжарните екипи , Итнатат помош, инспекциите  и полицијата , вечерва во зградата пристигнаа и припадници на Армијатта од АБХ единицата , за да утврдат од каде доаѓа загадувањето и колку е опасно.

За среќа , изворот на непријатната миризба е најден и зградата е безбедна , така што околу полноќ сите станари се вратија во своите домови. 

Ахмети: На 30 септември гласаме за НАТО и ЕУ

Лидерот на Демократската унија за интеграција Али Ахмети денеска порача дека на 30 септември се гласа иднината на оваа земја, ќе се гласа дали ќе имаме стабилна држава со развој и напредок.

- Бараме членство во ЕУ и НАТО. На 30 септември се гласа за Македонија, за иднината на оваа земја, изјави Али Ахмети, додавајќи дека ни останува да се мобилизираме 

На средбите со жителите од населбите Шуто Оризари, Бутел и Чучер Сандево, Ахмети беше придружуван од градоначалникот на општина Чаир Висар Ганиу, од поранешниот градоначалник на општина Чаир Изет Меџити и од пратениците Артан Груби и Ејуп Алими. 

Станари во Аеродром се евакуираа поради присуство на непознат гас

Поради остар мирис кој го отежнува дишењето вечерва беа евакуирани жителите од станбениот комплекс во ТЦ „Скопјанка“, во скопската Општина Аеродром.

На самото место се скопскиот градоначалник , Петре Шилегов , како и инспекциски служби , кои им се придружија на припадниците на Противпожарната бригада, на полицијата и на Итната помош.  

Таму е нашиот репортер Јован Ѓорговски.

притисни ентер