Пратеник со автомобил влета во демонстранти (ВИДЕО)

Двајца демонстранти се повредени , кога пратеник на Украинската Рада влетал во толпата .

Неколку дена траат протестите пред парламентот на Украина , каде пратениците го донесоа законот за царински давачки на автомобилите со европски таблички. Илјадници демонстранти со автомобили ги блокираа околните улици со барање да се повлече овој закон. Пратеникот Павел Пензаник со автомобил се обидел да се пробие до парламентот .

Тој влетал во толпата и повредил двајца , од кои едниот имал скршена нога . пензаник се правдал дека додека со него се возеле уште двајца пратеници , демонстрантите ги познале и почнале да удараат по автомобилот , го скршиле задното стакло и тогаш возачот се уплашил и почнал да вози со голема брзина низ толпата.

Куба на референдум – капитализам или социјализам

Над 8 милиони Кубанци утре излегуваат на референдум за новиот Устав , кој и покрај измените , го задржува социјалистичкото уредување на државата.

Новиот Устав на Куба би требало да го замени оној од 1976 , во кој ќе се признае приватната сопственост и странски вложувања. Граѓаните ќе треба да одговорат на прашањето ,,Дали ќе го ратификувате новиот Устав на Републиката”.

Власта , предводена од претседателот Мигел Дијаз Канел лобира како никогаш до сега за одговорот ,,да” , со реклами на сите ѕидови , автобуси , во медиумите и на социјалните мрежи.

Опозицијата , пак ги повикува луѓето да гласаат ,,не”. Според анкетите , 70 до 80 проценти од граѓантите се за измени на Уставот , а првите резултати ќе бидат познати в понеделник попладне.

Над 100 возила изгореа на аеромитинг (ВИДЕО)

Над 100 возила изгореа за време на одржувањето на авиомитингот во близина на индискиот град Бангалуру.

Возилата биле на паркингот , кога избувнал силен пожар , предизвикан најверојатно од цигара. Поради сувата трева и силниот ветар , пожарот набргу ги зафатил возилата , во кои за сега се наведува дека немало никој.

Сопствениците на возилата го следеле аромитингот ,,Аеро Индија 2019” , кој неколку дена се одржува на аеродромот во близина на Бангалуру.

Сплит на удар на ветришта на столетието (ВИДЕО)

Во хрватскиот град Сплит утрово во 4 часот е измерена најголема брзина на ветрот , што предизвика паѓање на дрвја и покриви.

Утрово во 4 часот во Сплит е измерен најсилен удар на бура во историјата на метеоролошките мерења од 176 км/час. Просечна брзина на ветрот беше 118 км/час , што предизвика откорнување на големи дрвја и покриви. Солни удари на веторот се забележани и во Макарска и Дубровник со брзина од 152км/час.

Полицијата соопштува дека имало голем број пријави од граѓаните , биле блокирани улици и патишта поради искорнати дрвја ,кои паѓале врз паркирани возила,  а пожарникарите работеле цела ноќ .

На подрачјето се случиле и осум големи пожари , што се разгорувале од ветрот. Поради силните ветришта дел од главните патишта се затворени за сообраќај , а на дел е дозволен сообраќај само на автомобили.

притисни ентер