Десет години подоцна, кога моделот требаше да стане бестселер во Индија тој не ги оправда очекувањата.
Пред една деценија кога стартуваше неговото производство, производителите се надеваа дека Тата Нано како мал градски автомобил благодарејќи и на малата цена ќе се продава „како алва“.Посебно во држава како Индија.
Како втората земја на светото според бројот на население во која безбедносните стандарди во сообраќајот не се толку високи се чинеше дека Индија е идеална за мал автомобил со 4 врати.
Нано требаше да биде замена за мотоциклите скутери кои многу се возат во Индија. Но, пресметките кои се далеку од очекувањата покажуваат нешто друго. Според „Аутомотиве Њуз“ продажбата на Тата Нано е далеку под очекувањата, и најверојатно овој мал автомобил ќе престане да се произведува и продава во овој облик најдоцна до 2020 година.
Дури и унапредената верзија на Нано Ген Х лансирана во 2015 по цена од 3125 долари , што и понатаму е евтина цена за автомобил не ги даде посакуваните резултати.
Индијците кои имаа средства да си купат Нано најверојатно не сакаа да бидат поврзувани со нешто што се рекламира како „најевтиниот автомобил на светот“.