Трибина во Пробиштип : Излези ЗА европска Македонија

Коалицијата ЗА европска Македонија вечерва беше на средба со граѓаните  во Пробиштип.

Премиерот Зоран Заев кажа дека Македонија ќе биде сигурно 30 земја членка на НАТО алијансата.

Референдумот на 30 септември е важен како оној од 1991 година за да ја осигураме и обезбедиме Македонија. Да ја качиме на шините и да тргне конечно по 27 години.

Ова го порача премиерот Зоран Заев вечерва на трибина организирана од коалицијата „Излези ЗА европска Македонија“ во Пробиштип на која рече дека ова е историско време и историска одлука и оти околку ова прашање вреди да се обединиме.

- Отворивме душа, споделуваме она што е вистината. Зборуваме со нашиот народ и нема делби и поделби затоа што е историски момент и неповторлива шанса која треба да ја зграпчиме. Дефинитивно се работи за нашта татковина и за нашите деца. И затоа сме исправени пред вакво историско време и уживаме во честа што се падна на оваа генерација конечно Македонија да ја ставиме на шини и да киниса, рече премиерот.

Истакнувајќи дека народот мора да ги знае сите детали за да донесе исправна одлука рече дека нашата одлука на 30 септември ќе влијае секако на иднината на нашата земја и затоа може, како што рече, да избереме да бидеме горди или да чемрееме и да симнеме глава долу.

- Една таква одлука донесовме во 1991 година и иста е одлуката што треба да ја донесеме и на овој референдум. Знам дека и тогаш не му беше лесно на нашиот народ, кога се одделуваше од сојузот. И тогаш не знаевме. Имаше дебата дали ќе не биде или не. Дали имаме пари, дали може со немање валута да бидеме земја, немавме армија, полиција, институции, но нашиот народ на вакви дебати излезе и гласаше и 95 отсто гласаа за независност и денес сите се гордееме на тоа, потенцира Заев.

Оцени дека конечно дојде време да носиме храбри одлуки. - Го решивме прашањето со Бугарија, потоа со Грција. Имаме фер и праведно решение. Добивме разграничување, Грција го призна македонскикот јазик и идентитет и нема земја која не не признава како Македонци и која не го признава нашиот јазик и идентитет. Го добивме она за што се бореа нашите претци,  рече Заев.

Порача дека ова е шанса и оти одлуката е пресериозна и оти нема алтернатива.

- Ова е транспарентен процес. Нема ништо што е скриено. Ова е врв на демократијата. Ветивме реферндум и еве го да се изјаснат граѓаните. Ветувањето беше најпрво на опозицијата и затоа треба да зборуваме со сите граѓани и се обраќам до сите и до опозицијата и до пријателот Мицкоски. Размисли ова е и за твоите и за моите деца, ова е за нашта заедничка татковина. Ако има алтернатива стави ја на маса. Ако нема не можеш да се криеш без став. Должност е на лидерите на СДСМ, на ВМРО-ДПМНЕ и на големите партии да носат одлуки. Не може без одлуки. За твоја и моја Македонија се работи. Акција сака Македонија. Сака став. Затоа што граѓаните сакаат да знаат се и затоа наша обврска е да ја земеме судбијата во свои раце, потенцира премиерот Заев.

Порача дека 30 септември е историски ден и шанса што не смееме да ја пропуштиме, посочувајќи дека ваква шанса може да се повтори по 50 или 100 години.  

Претходно коалицијата одржа трибина и во Кратово. 

Жестоки протести против Орбан во Будимпешта (ВИДЕО)

Полицијата употреби солзавец за да ги растера демонстрантите , кои протестираа во центарот на Будимпешта.

Веќе втора вечер во Будимпешта се одржуваат жестоки протести против Владата на премиерот Виктор Орбан.

Протестите почнаа вчера по донесувањето на ,,робовладетелскиот закон” од страна на пратениците од партијата на Орбан , кои имаат двотретинско мнозинство во Парламентот. Со законот значително се зголемува бројот на прекувремени работни часови , што може да ги побара работодавачот од работникот.

Полицијата употереби солзавец за да ги растера демонстрантите , кои на специјалците фрлаа со камења , јајца и други предмети.

Интересно е што некои од демомнстрантите носеа солзавец , со  кој ги прскаа полицајците. За време на протестите е скрпен еден прозорец на зградата на Парламентот.

На протестите имало околу три илјади демонстранти , кои извикуваа пароли против премиоерот Орбан и неговата влада.

Полицијата го уби терористот од Стразбур (ВИДЕО)

Француските специјалци го неутрализираа напаѓачот , кој пред два дена уби три лица и повреди 12 на Божикниот саем во центарот на Стразбур.

Чериф Чекат завчера вечер изврпи терористички напад и од тогаш е во бегство . Во потрагата по него се уапсени пет лица, а претходно беа приведени членовите на неговото семејство. 

Тој е пронајден во населбата Неудорф , каде полицијата од попладнево спроведе голема акција за негово пронаоѓање , а специјалци врпеа претрес во куќите.

ЕУ го продолжи санкциите кон Русија поради состојбата на истокот на Украина

Првите луѓе на Европската Унија се договорија за повторно да ги проголжат санкциите кон Русија поради кризата на истокот на Украина и на Крим , објави претседателот на Европскиот Совет , Доналд Туск.  

,,Со одлуката на ЕУ , донесена едногласно , продолжуваат економските санкции кон Русија , зашто енма напредок во имплементирањето на договорот од Минск.” , објави Туск на  Твитер.

Со договорот од Минск во 2015 , Русија и Украина заедно со Германија и Франција договорија меркиз а ставање крај на војната на остокот на Украина.

притисни ентер