Втор „Drim Short Film Festival" во Струга

– Во Центарот за култура „Браќа Миладиновци“ од денеска до недела ќе се одржува второто издание на фестивалот „Drim Short Film Festival“ Струга.

Годинашното издание се одржува под мотото „Еден јазик, илјада приказни“, а целта е да се доближи кратката филмска форма до публиката, зајакнување на филмската култура во градот и да се придонесе Струга да стане регионално филмско јадро.

Покрај стандардната национална програма, ќе има и регионална селекција на кратки филмови, како и студентска програма, во која студентите од Македонија ќе имаат можност да ги претстават своите дела. Истовремено можност ќе имаат и сценаријата, ќе бидат избрани пет најдобри идеи на млади автори од Македонија, кои ќе се натпреваруваат за симболична награда, што ќе претставува мотив за нивната понатамошна работа и однос кон филмот.

Струга ќе биде домаќин и на познати филмски имиња од Македонија и регионот. Тие ќе ја збогатат филмската програма со своето искуство поврзано со филмот и ќе го пренесат пред младите автори и студенти.

Во рамките на националната вечер ќе бидат прикажани кратките филмови „Доаѓаат од центарот на светот“ во режија на Дина Дума, „Мишко“ во режија на Ханис Багашов, „Долорес“ на Радован Петровиќ и „Почеток“ на Агим Абдула...

Дел од регионалната програма се „O noapte in Tokoriki“ во реежија на Роксана Строе и „Пупање“ на Дора Шустиќ. Во рамки на студентската програма ќе бидат прикажани „Тишина“ на Батухан Ибрахим, „Red ribbon“ на Џовани Рустанто и „The Bar“ на Горан Томиќ...

Пендаровски – Маас: Потврдена силната поддршка од Германија за европската интеграција на Република Северна Македонија

Претседателот на Република Северна Македонија, Стево Пендаровски, во рамки на официјалната посета на Сојузна Република Германија, денеска се сретна со германскиот министер за надворешни работи Хајко Маас.

На средбата, како што соопшти Кабинетот на Пендаровски, биле разменети мислења за севкупните билатерални односи меѓу Република Северна Македонија и Сојузна Република Германија, при што било констатирано дека двете земји имаат изградено односи на пријателство, исполнети со доверба и взаемно почитување.

Претседателот Пендаровски оценил дека Сојузна Република Германија е клучен политички партнер и најголем трговски партнер на Република Северна Македонија, држава која постојано дава поддршка за нашите аспирации за членство во Европската Унија и во НАТО. Претседателот Пендаровски изразил задоволство за ратификацијата на Протоколот за пристапување на Република Северна Македонија во НАТО во германскиот Бундестаг.

Пендаровски и министерот Маас размениле мислења за последните случувања поврзани со европската интеграција на Република Северна Македонија. Претседателот Пендаровски посочил дека Република Северна Македонија во изминатиот период вложи многу напори во исполнување на европските критериуми и истакнал дека ќе продолжи реализацијата на реформската агенда. Во таа насока, претседателот Пендаровски го реафирмирал очекувањето за одредување на датум за почеток на пристапните преговори со Европската Унија. /МИА

„Само Вистина“ со Александар Даштевски и Сафет Бишевац

Во вечерашната „Само Вистина“ дебатираа Александар Даштевски и Сафет Бишевац.

- Само слепите поддржувачи на Заев ќе кажат дека ваквата реконструкција не е разочарувачка, вели Бишевац. - Владината „чистка“ во пакет со недобивањето на датумот доволно ги искомплицира работите, смета Даштевски.

- Факт е дека економијата е она што е „камен околу врат“ на оваа влада, можеби Тевдовски е сменет затоа што имало политики околу кои не се согласувале со Заев, смета Бишевац. - Во економијата мора да има видливи резултати и стабилност за гаранција, ние ништо во моментов не гледаме од тоа, дециден е Даштевски.

- Пролонгирањето на датумот не е страшна работа, туку пострашно е ако не поработиме на целокупниот политички систем и создавање на здрави институции, смета Бишевац. - Димитров ја имаше улогата на name issue министер, за актуелната ситуација сметам дека нема политичка егзекутивна моќ подетално да преговара, заклучува Даштевски.

Повеќе детали погледнете во најновото издание на „Само Вистина".

Во Брисел уапсен маж кој планирал напад на Амбасадата на САД

Белгиското федерално обвинителство соопшти попладнево дека е уапсено едно лице за кое постои сериозен сомнеж дека планирало напад врз американската амбасада во Белгија.

Лицето М.Г. е лишено од слобода во саботата во центарот на Брисел од страна на федералната полиција на Белгија и се сомничи за терористички напад врз Амбасадата на САД. Според судски извори кои ги пренесуваат белгиските медиуми, осомничениот одамна работел за приватни безбедносни служби.

Осомничениот ги отфрла обвинувањата, а денеска бил сослушан од страна на истражен судија во рамки на предметот што се води против него „обид за терористички напад“.

Пред три години, аеродромот во Брисел и една метро станица беа мета на терористички напади во кои загинаа 32 лица, а повредени над триста.

притисни ентер