Македонски државјанин уапсен во фудбалскиот скандал во Белгија

 Драган Сиљаноски, агент на хрватскиот тренер Иван Леко од белгискиот клуб Бриж, е уапсен за перење пари и корупција во скандалот со наместените фудбалски натпревари.

Иван Леко, пред два дена, исто така, беше однесен на распит, но против него не беше издаден налог за апсење.

Информацијата за апсењето на Сиљаноски утринава беше потврдена од белгиското федерално обвинителство.

Сиљаноски (44) е поранешен македонски фудбалер, кој во текот на кариерата играл за белгискиот клуб Антверп. Во оваа полициско-обвинителска операција, исто така, се уапсени и Моги Бајат и Дејан Вељковиќ. Вељковиќ по потекло е од Србија и според белгиските медиуми е поврзан со повеќе белгиски клубови од Првата „Жупилер“ лига, каде сместил голем број фудбалери и тренери.

Првиот дел од оваа огромна судска истрага за корупција во фудбалот е фокусирана токму на Вељковиќ, кој е осомничен за трансфери на играчи од кои задржувал значајни провизии за себе и за играчите кои ги застапувал. Фондовите транзитирале преку судски ентитети во Србија, Црна Гора и Кипар, објаснија обвинителите.

Од друг дел на истрагата излегува дека Вељковиќ во договор со четири членови на административниот одбор на клубот „Малин“ влијаел врз резултатите на два натпревари, што веројатно вклучува договор со судијата Барт Вертентен.

Покрај тоа, има индиции дека бил воспоставен контакт со двајца новинари за да се влијае врз медиумската покриеност на перформансите на судијата Вертентен.

Овој скандал ја тресе белгиската јавност веќе втор ден. Во средата беше обелоденото дека широка европска истрага утврдила корупција, перење пари и обид за местење натпревари во 1А лигата во Белгија. Истрагата вклучува повеќе европски земји вклучително и Македонија. /МИА.

Фото: Мајкл Даглас веќе 5 години ја продава луксузната вила во Шпанија

Холивудската актерска ѕвезда Мајкл Даглас од 2014 година се обидува да ја продаде својата исклучително луксузна вила во Шпанија.

Славниот актер сега вели дека е подготвен и на очаен потег само да ја продаде   луксузната недвижнина.

Вилата  од 100 хектари на самиот брег  во Шпанија, Мајкл Даглас  досега ја продавал по цена од 50 милиони евра, но популарниот актер никако не може да најде купец.

Поради тоа тој е принуден, како што вели самиот  да преживее ноќна мора и да ја спушти продажната цена на луксузната вила на 37,5 милиони долари.

Инаку, сопствеништвото над вилата Мајкл го дели со својата поранешна сопруга Дијадра Даглас.

На имотот на Мајкл и Дијадра има 7 независни градби, со 5 апартмани и 10 спални соби.

Целиот имот е луксузно опремен со сите можни содржини за забава , вклучувајќи и голем вински подрум.

Леди Гага го теши Бредли Купер??

Во екот на разделбата на најубавата двојка во Холивуд, Ирина Шајк и Бредли Купер, популарниот актер се обидува да најде утеха во рацете на мегапопуларната пејачка Леди Гага со која играше во филмот „Ѕвездата е родена“.

-Бредли и се обраќа на Леди Гага секогаш кога му е потребен совет, иако знае дека во овој момент тоа не е добро. Едноставно не може да се запре, наведува извор близок на ѕвездата.

Иако шпекулациите за нивната наводна љубов и понатаму кружат  во таблоидите, двете ѕвезди наводно барем засега одржуваат  врска на „платонско ниво“.

-Тој е целосно восхитен од неа и мисли дека таа е најпаметната и најпрекрасната личност на целиот свет, дополнил истиот извор.

Видео - Фото: Уживање во џакузи, Кристијано и Георгина во страсна прегратка

Еден од најдобрите светски фудбалери, асот на Јувентус Кристијано Роналдо во друштво на убавата Георгина Родригез ужива на летниот одмор во Грција.

По напорната и долга сезона Кристијано е на заслужен одмор на кој според фотографии вистински ужива во луксузот.

Роналдо на својот профил на Инстаграм објави фотка од џакузи која ги воодушеви неговиот милионски фанови.

Колку вистински ужива Роналдо надвор од теренот најдобро покажува неговата најнова фотка.

Во описот под фотографијата Роналдо напиша:

-Мојата љубов!

Кристијано Георгина и децата летниот одмор го минуваат на супер луксузната јахта Африка со која крстосуваат низ Егејот.

 
 
 
 
 
 
 
 
 
 
 
 
 

Enjoy the view 🧜🏼‍♂️😉👌🏻

A post shared by Cristiano Ronaldo (@cristiano) on

притисни ентер