САД ја приземји флотата со најскапи борбени авиони

По бројните грешки , на борбениот авион F-35 , беше најден и проблем со дотокот на гориво , поради што е приземјена целата флота.

Американската војска провремено ја приземји флотата авиони F35 по несреќата во Јужна Каролина. На сите авиони ќе им биде преконтролиран дотокот на гориво , поради сомневање дека има проблеми со доводната цевка. На почетокот на годинава , на овие борбени авиони беше извршена детална контрола по што беа утврдени низа грешки.

F-35 е најголемиот и најскап проект за вооружување од тиј вид во светот. Се очекуваше да трае неколку децении и низ целиот свет дас е продадат околу 3 000 од овие авиони, кои се невидливи за радарите.

Во несреќата во Јужна Каролина учествуваше моделот F-35 B , кој има способност за вертикално полетување и слетување и чини околу 100 милиони долари. Пилотот се катапултира , но авионот е уништен .

Се судрија два германски воени авиони, едниот пилот загина

Два воени авиони еурофајтер на германските вооружени сили се судрија во североисточната германска држава Мекленбург-Западна Померанија, при што еден пилот загина.

Пилот од трет авион, кој исто така учествувал во маневрите, видел како двајцата пилоти се катапултирале, по што го пријавил инцидентот. Падобранот на едниот пилот се закачил за стебло и откако го пронашле спасувачите укажана му е потребната медицинска помош.

Портпаролот на германската војска за „Билд“ изјави дека другиот пилот не го преживеал падот.

Пендаровски – Маас: Потврдена силната поддршка од Германија за европската интеграција на Република Северна Македонија

Претседателот на Република Северна Македонија, Стево Пендаровски, во рамки на официјалната посета на Сојузна Република Германија, денеска се сретна со германскиот министер за надворешни работи Хајко Маас.

На средбата, како што соопшти Кабинетот на Пендаровски, биле разменети мислења за севкупните билатерални односи меѓу Република Северна Македонија и Сојузна Република Германија, при што било констатирано дека двете земји имаат изградено односи на пријателство, исполнети со доверба и взаемно почитување.

Претседателот Пендаровски оценил дека Сојузна Република Германија е клучен политички партнер и најголем трговски партнер на Република Северна Македонија, држава која постојано дава поддршка за нашите аспирации за членство во Европската Унија и во НАТО. Претседателот Пендаровски изразил задоволство за ратификацијата на Протоколот за пристапување на Република Северна Македонија во НАТО во германскиот Бундестаг.

Пендаровски и министерот Маас размениле мислења за последните случувања поврзани со европската интеграција на Република Северна Македонија. Претседателот Пендаровски посочил дека Република Северна Македонија во изминатиот период вложи многу напори во исполнување на европските критериуми и истакнал дека ќе продолжи реализацијата на реформската агенда. Во таа насока, претседателот Пендаровски го реафирмирал очекувањето за одредување на датум за почеток на пристапните преговори со Европската Унија. /МИА

„Само Вистина“ со Александар Даштевски и Сафет Бишевац

Во вечерашната „Само Вистина“ дебатираа Александар Даштевски и Сафет Бишевац.

- Само слепите поддржувачи на Заев ќе кажат дека ваквата реконструкција не е разочарувачка, вели Бишевац. - Владината „чистка“ во пакет со недобивањето на датумот доволно ги искомплицира работите, смета Даштевски.

- Факт е дека економијата е она што е „камен околу врат“ на оваа влада, можеби Тевдовски е сменет затоа што имало политики околу кои не се согласувале со Заев, смета Бишевац. - Во економијата мора да има видливи резултати и стабилност за гаранција, ние ништо во моментов не гледаме од тоа, дециден е Даштевски.

- Пролонгирањето на датумот не е страшна работа, туку пострашно е ако не поработиме на целокупниот политички систем и создавање на здрави институции, смета Бишевац. - Димитров ја имаше улогата на name issue министер, за актуелната ситуација сметам дека нема политичка егзекутивна моќ подетално да преговара, заклучува Даштевски.

Повеќе детали погледнете во најновото издание на „Само Вистина".

притисни ентер