Пандев: Би ги заменил моите трофеи за пласман на македонската репрезентација

Капитенот на македонската фудбалска репрезентација, Горан Пандев, пред утрешниот натпревар против Лихтенштајн во Лигата на нации истакна дека посакува да се реализира сонот и Македонија да игра на едно Европско првенство.

Македонската репрезентација утре одбележува 25 години од првиот натпревар во историјата, а капитенот очекува јубилејот да биде прославен со нова победа.

- Одбележуваме 25 години репрезентативен фудбал и големиот јубилеј се надеваме дека ќе го прославиме со победа. Атмосферата во репрезентацијата никогаш не била подобра, владее големо другарство во тимот. Се надеваме дека и публиката ќе дојде во поголем број отколку на претходниот меч и ќе се создаде добар амбиент кој ќе не понесе кон нова победа, истакна капитенот на македонската репрезентација.

Пандев, кој освои многу трофеи на клупски план, меѓу кои и најголемата титула во Лигата на шампионите, наведе дека негов неостварен сон останува пласман на големо натпреварување со македонската репрезентација.

- Успех со репрезентацијата е мој неостварен сон и се надевам дека сега ќе го остварам. Освоив многу трофеи во кариерата на клупски план, ама би ги заменил за пласман на македонската репрезентација. Тоа е е нешто посебно. Се надевам дека сега преку овие квалификации ќе го оствариме тоа и дека ќе ја израдуваме цела Македонија со пласман на ЕП 2020, наведе Пандев.

Натпреварот меѓу Македонија и Лихтенштајн се игра утревечер (сабота) од 20:45 часот на арената „Филип Втори“

Дани Алвеш повторно ќе соработува со Пеп

Бразилецот Дани Алвеш дефинитивно го напушти богатиот ПСЖ , по две години на „Паркот на принцовите“ во Парис, поранешниот ас на Барселона одлучи да ја промени средината.

36 годишниот Алвеш одлучи да направи уште еден чекор во  долгата и богата кариера и да заигра во англиската Премиер лига.

Иако веќе долго е навлезен во четвртата деценија од живото Алвеш  реши по истекот на договорот да се раздели со богатиот Пари Сен Жермен и по Шпанија, Италија и Франција да се проба и во Англија.

Новиот клуб на извонредниот десен бек би требало да биде шампионот Манчестер Сити каде Алвеш повторно ќе соработува со Пеп Гвардиола.

Нејмар ќе стори се само да се врати во Барселона

Најскапиот светски фудбалер, Бразилецот Нејмар е подготвен да направи сѐ што е потребно за да се врати во Барселона во лето.

Бразилската  фудбалскска ѕвезда  за да се врати на „Камп Ноу“ е подготвен и јавно да се извини на навивачите, информира порталот „Спорт.ес“.

Претходно беше објавено дека Нејмар сака да го напушти ПСЖ и да се врати во Каталонија која ја напушти во 2017 година.

Сепак, за да се случи тоа потребна е дозвола и од францускиот шампион ПСЖ кој се уште не е подготвен да го ослободи Бразилецот и покрај неговата желба. 

Србија по тешка борба ја победи Хрватска во Белград (ВИДЕО)

Во тензична атмосфера и со исвиркување на хрватската химна на почетокот на мечот , во Белград се одржа финалниот меч на Светската лига во Ватерполо.

Со погодок на 17 секунди до крајот , Србија ја победи хрватската екипа , која е актуелен светски првак. Српските ватерполисти се олимписки и европски шампиони.

Во базенот на Ташмајдан се водеше вистинска битка , како и на трибините , каде навивачите на двете екипи беа одвоени со силно полициско обезбедување.

На крај со резултат од 12 : 11 победија српските ватерполисти , по што хрвбатските навивачи набрзина беа изнесени од салата за да се избегне инцидент.

притисни ентер