Заев до опозицијата: Не сме далеку, размислете што може да нѐ сплоти и да ја преземеме одговорноста за Македонија во ЕУ и НАТО

Премиерот Зоран Заев се обрати пред Комисијата за уставни прашања во Собранието и на денешното продолжение на седницата, во дебатата за Предлогот за пристапување кон измени на Уставот на Република Македонија.

Премиерот Заев ги повика пратениците да се фокусираат на можноста за консензус и единство, да се изгласаат уставните измени и да се овозможи евро-атлантска иднина на Македонија.

-Разговарам со пратениците, и на огромен број пратеници од опозицијата им паѓа тешко ако се изгуби оваа шанса. Да го зацврстиме делот со јазикот и идентитетот во уставните измени, да разговараме, повика премиерот Заев.

Претседателот на Владата, Заев посочи дека "НАТО и ЕУ 'не држат заедно", како и дека не само што не е можен подобар договор, туку не е возможен друг договор со јужниот сосед.

-НАТО и ЕУ се реткост, во политичка, етничка, религиска смисла коишто 'не обединуваат. Никој не го чепка името, името се појаснува. Јас знам и дека никој од нас нема територијални претензии. Знам и дека сите ја сакаме Македонија и сакаме да е признаена од сите, рече премиерот Заев.

Тој објасни и дека со договорот се зацврстува грижата за дијаспората и граѓаните автохтони Македонци кои до денес се соочуваат со забрани за влез дома.

Претседателот на Владата, Заев, упати апел до пратениците од опозицијата.

-Ајде да се носиме со одговорноста, наша е. Кажете, има ли нешто што може да 'не сплоти. Имаме време и на оваа Комисија и на пленарната седница. Апелирам,  размислете. Граѓаните ќе бараат одговорност, дали сме биле на ниво на историската одговорност. Ајде оваа држава да ја обезбедиме заедно, порача премиерот Заев на Комисијата за уставни прашања во Собранието каде е во тек дебата по Предлогот за пристапување кон измени на Уставот на Република Македонија.

Премиерот Заев, во репликите до пратеници од опозицијата констатираше дека "не сме далеку" алудирајки на заедничка одлука, "ако ја ставиме одговорноста пред себе", а и сите генерации до сега се обидувале да изнајдат решение на проблемот.

Во врска со исходот од референдумот, премиерот Заев рече дека тоа што одлуката не е донесена значи дека институциите треба да ја донесат одлуката, а референдумот затоа бил консултативен, за граѓаните да се изјаснат дали се За, или Не.

Тој повтори дека нема промена на името, туку само допрецизирање. Премиерот Заев рече дека повеќе од 20 пратеници од опозицијата се свесни за одговорноста што ја имаат пратениците во овој процес.

По искажани конструктивни предлози од опозицијата, премиерот Заев рече дека е подготвен со сите пратеници да разговара за секој предлог во насока на зацврстување на содржината на уставните анандмани. Додаде и дека со изборите ќе се изгубат 2-3 месеци, а од ситуацијата трпи економијата. Премиерот Зоран Заев во реплицирањето повика да се мисли на државата и да се донесат одлуките за иднината на државата, се наведува во соопштението од Владата.

Протест во Романија против измените на Законот за правда

Низ цела Романија протестираа судските службеници против измените на Законот за правда.

Измените во Законот биле донесени со итен декрет од Владата , што го довело во прашање почитувањето на владеење на правото. За следната недела штрајк и проптести најавуваат и обвинителите.

Владиниот декрет на предлог на министерот за правда Тудорел Тоадер го менува начинот на избор на државните обвинители и ги отстранува повеќето надзорни органи задолжени за општинските судови.

ЕУ и американскиот Стејт Департмент веќе оценија дека со оваа измена се нарушува независноста на правосудството и владеењето на правото.

Во Хрватска продаваaт магла и тоа во тегли (ФОТО)

Во хрватскиот град Карловац се продаваат тегли со магла , што се нудат како сувенир.

Во пордавниците за сувенири во карловац почна продажбата на теглички со магла за 20 куни (2,69 евра) . Авторката на сувенирот Морана Рожман гарантира дека во секој тегличка од 450 грама има 100% магла од Карловец.

Вели дека не е многу оригинален производ , зашто во Лондон со децении се продава спакувана магла , но е изненадена од интересот.

Рожман вели дека поради четирите реки , во Карловец има доволно магла и за да остане и за да се продаде.

МНР објави прирачник за медиуми за употреба на новото име

Министерството за надворешни работи на својата веб страница објави прирачник за медиумите за употреба на новото име, Република Северна Македонија, согласно Договорот од Преспа.

Официјалното име, како што се наведува во прирачникот, е Република Северна Македонија, скратено Северна  Македонија.

Националноста (државјанството) е македонско/граѓанин на Република Северна Македонија, официјалниот јазик е македонски јазик, кодовите се МК и МКД, а придавката македонски се употребува во однос на етничкиот и културниот идентитет, јазикот, историјата, културата, наследството, територијата и останатите атрибути.

Овие термини во тој контекст се сосема различни во однос на оние кои се користат за означување на регионот Македонија во Грција.

Во прирачникот се наведуваат примери за точна и неточна примена на придавката.

Правилно: македонски етнички идентитет, македонски јазик, македонска култура, македонска територија, македонски граѓани, македонска историја, македонски планини, македонска литература, македонско кирилско писмо, македонска храна, македонски цркви…

Неточно: придавки како „северно македонски", „с. македонски" и „северномакедонски".

Во прирачникот се дава појаснување и за употребата на придавката во однос на државата, нејзините органи, јавни и приватни институции и се што е поврзано со државата, основано согласно закон и финансирано од државата за активности во странство. Придавката тука треба да гласи „од Република Северна Македонија" или од „Северна Македонија".

Правилно: Влада на Република Северна Македонија, претседател на Северна Македонија, министер за надворешни работи на Република Северна Македонија, Универзитетот „Свети Кирил и Методиј" на Северна Македонија.

Неточно: „северно македонски", „македонски", „с. македонски" и „северномакедонски".

Во однос на активностите, придавката може исто така да гласи „македонски".

Правилно: македонска економија, здравствениот сектор на Република Северна Македонија, македонска уметност, македонска музика, македонско земјоделство, македонска артихтектура, прехранбена индустрија на Северна Македонија.

Неточно:  „северно македонски", „с. Македонски" и „северномакедонски".

притисни ентер