СДСМ: Граѓаните и пратениците го победија антизападниот пион Христијан Мицкоски

Кон успехот да се приклучат сите кои се за ЕУ и НАТО без разлика на партиската припадност, реагираат од СДСМ на прес конференцијата на портпаролот на ВМРО- ДПМНЕ , Наум Стоилковски.

Антизападното раководство на ВМРО-ДПМНЕ и антизападниот пион, Христијан Мицкоски се спречени во намерите да ја закочат македонската иднина.

Мицкоски и антизападното раководство на ВМРО-ДПМНЕ се поразени, не успеаја да го блокираат патот на Македонија кон ЕУ и НАТО и остануваат единствени кои дејствуваат спротивно на наципналните и државни интереси.

Граѓаните и пратениците го победија антизападниот пион Христијан Мицкоски. 80 пратеници во Собранието слободно, по сопствено убедување гласаа за иднина во ЕУ и НАТО и ја испочитуваа јасно изразената волја на над 80 отсто од сите граѓани и над 90 отсто од граѓаните кои излегоа на референдумот на 30 септември.

Македонија се обденини околу врвните национални и државни интересе. Сега, кон таквиот историски успех треба да се приклучат сите кои се за НАТО и ЕУ без разлика на на нивната партиска припадност.

Македонија ќе биде членка на ЕУ и НАТО без разлика колку тоа да не му се допаѓа на Мицкоски и антизападните марионети во врвот на ВМРО-ДПМНЕ, се наведува во реакцијата на СДСМ. .

Просечната плата во март 24.590 денари

 Просечната месечна исплатена нето-плата по вработен во март годинава во земјава изнесувала 24.590 денари и е за 3,8 отсто повискока од март лани, покажуваат податоците на Државниот завод за статистика.

Ваквото зголемување, посочуваат од ДЗС, се должи, пред сѐ, на порастот на нето-платите во секторите: дејности на здравствена и социјална заштита (11.4 %), земјоделство, шумарство и рибарство (8.2 %) и транспорт и складирање (7.8 %).

Зголемување на нето-плата по вработен, во однос на претходниот месец, е забележано во секторите: финансиски дејности и дејности на осигурување (9.5 %), информации и комуникации (8.5 %) и рударство и вадење на камен (6.0 %).

Според податоците на ДЗС, пак, просечната месечна исплатена бруто-плата по вработен во март 2019 година изнесувала 36.476 денари. 

Велосипедист тешко повреден на патот Куманово-Табановце

 Шеснаесетгодишно момче, велосипедист, вчера се здобил со тешки телесни повреди откако во него удрил автомобил, соопштија денеска од СВР Куманово.

Според полицијата, несреќата се случила вчера околу 16:30 часот на локалниот пат Куманово-село Табановце, кога 57-годишниот Џ.Х управувајќи автомобил „опел вектра" удрил во 16- годишниот велосипедист од Куманово.

Момчето, кое се здобило со тешки телесни повреди, било пренесено во кумановската болница, а потоа и во комплексот клиники „Мајка Тереза" во Скопје.

Увид на местото извршила увидна екипа од СВР Куманово.

Бизнис форум за зајакнување на капацитетите на МСП и искористување на ЕУ фондовите

Бизнис форумот е дел од третата компонента и веќе е потпишан Меморандум за соработка меѓу МСП, јавните и образовните институции, стопанските комори и бизнис секторот .

Зајакнување на капацитетите на малите и средните претпријатија (МСП) за искористување на расположливите ЕУ фондови и преку тоа да се зајакне нивната конкурентност, како на национално, така и на меѓународно ниво, е целта на бизнис форумот „Подобрување на соработката и интеракцијата помеѓу клучните актери во процесот на развој на конкурентоста на националната економија" што се одржа денеска во Скопје.

Како што посочи Александра Каракашова Сачкарска, тим лидер на проектот „Јакнење на локалните бизниси за глобалните предизвици" во чии рамки се организира форумот, проектот се состои од неколку компоненти. Првата е зајакнување на капацитетите за искористување на фондовите од ЕУ програмите преку реализирање на тренинзи и обуки, втората е примена на стекнатите знаења во пракса, а третата компонента е зајакнување на соработката меѓу МСП, невладините организации, бизнис секторот, јавните и образовните институции.

– Бизнис форумот е дел од третата компонента и веќе е потпишан Меморандум за соработка меѓу МСП, јавните и образовните институции, стопанските комори и бизнис секторот за подобрување на нивна соработка за заедничко планирање на активности и настап на ЕУ фондовите, информира Каракашова Сачкарска.

Прашана зошто домашните компании тешко ги користат ЕУ фондовите, таа посочи дека во текот на овој проект, како проблем ги увиделе комплексните апликации што ги нудат програмите и капацитетот на нашите МСП.

– Многу често тоа се мали претпријатија кои имаат само неколку вработени и тие немаат доволно ниту човечки рисурси, ниту капацитети за да земат и да го истражат подобро, да спремат предлог проект, а од друга страна се комплексните критериуми, технички, финансиски, кои тие треба да ги исполнат за да можат да ги задоволат бараните критериуми во таква една спецификација, вели Каракашова Сачкарска.

Додаде дека државата им помага на МСП преку Фондот за иновации и технолошки развој, Агенција за поддршка на претприемаштвото и низа други програми и проекти што се финансирани од ЕУ.

Професорот на Машинскиот факултет во Скопје, Радмил Поленаковиќ истакна дека е факт оти без иновативност нема конкурентност, а нашите мали и средни компании во изминатите години поинтензивно се фокусирале на оваа проблематика.

– Нашите мали и средни компании во измантиве неколку години поинтензивно се фокусираат и на оваа проблематика бидејќи и самиот екосистем во државата полека зрее и мислам дека со формирањето на неколку институции, пред се Фондот за иновации, каде се фокусирани големи пари за развој на иновативноста кај МСП, допрва ни претстои еден „бум" кој ќе ја зголеми конкурентноста кај нашите фирми, вели професорот Поленаковиќ.

Вели дека она што недостасува е врската со универзитетите, односно дека многу мал број на факултетите имаат директна соработка со стопанството.

– Решението како тоа да се надмине има два начина. Ние на Машински факултет сме можеби позитивен пример каде самите компании доаѓаат, лоцираат проблем и колегите заедно со студентите работат во проектни тимови за решавање на тој проблем. Веќе неколку комапнии имаат донирано и средства и опрема во насока на развој на нови производи кои заедно, нашите студенти, професори, со ментори од стопанството ги развиваат, вели Поленаковиќ.

Прашан дали младите што си заминуваат имаат влијание врз развојот на конкурентноста на малите и средните компании кај нас, тој посочи дека искуствата покажуваат дека прво најдобрите си заминуваат.

– Тоа е лошо. За да се задржат младите има начини, прво да се покачат платите кај нас во компаниите особено кај странските инвеститори кои вработуваат многу инжинерски и среднотехнички кадар и уште повеќе да се форсира самовработувањето, развојот на претприемачкиот дух и младите да започнуваат сопствен бизнис. Без тие две насоки на движење на развој нема перпсеткива за нашата држава, рече професорот.

Имено, проектот е финансиран од Европската Унија, а се спроведува од страна на „Милиеуконтак Македонија", во партнерство со „CEIPIEMONTE S.c.p.a." од Торино, Италија, во времетраење од 18 месеци. 

притисни ентер