Култура

Концерт во чест на Никола Бадев во Кавадарци

Концерт во чест на доајенот на македонската народна песна, Никола Бадев, се одржа синоќа во Домот на културата "Иван Мазов-Климе" во Кавадарци. 

Настанот беше во рамките на одбележувањето на стогодишнината од неговото раѓање.

-Бадев е еден од најпознатите пеачи на изворни македонски песни. Амбасадор на нашата убава македонска песна, која со неговиот кадифен глас ја проширил надвор од нашите граници. Никој не можел да остане рамнодушен кога ги слушал неговите песни кои допирале длабоко до срцата и душата на секој, кој знаел да ги почуствува. Освен како пеач, Никола Бадев бил познат и како собирач на народни песни, а во 2006 година е издадена и збирка, промовирана на концерт одржан во чест на големиот великан на народната песна, рече Марија Михова, историчар во Музејот.

Првиот настап го имал во Радио Скопје во 1948 година.

-Оттогаш, тоа ретко грло ги испеало познатите најлирски песни, пеел за копнежот на вљубените, оживувал ликови и војводи. За своите 58 години живот, стана вистински народен уметник, кој самиот рекол "Песната е мојот живот". "Параходот" стана негова лична карта и химна на Кавадарци. Во 1976 година Никола Бадев замина од овој свет, а со својата интерпретација остави неизбришливи траги во нашето творештво, ги испеа најлирските песни, ги разбуди најдлабоките чувства на слушателите и како птица го прелета светот на кој му раскажа дека на Балканот постои еден народ, мал по бројност но голем по своето културно, уметничко и историско богатство, нагласи Михова.

Сето она што во животот, додаде, не можело слободно да се каже, што требало да се премолчи и што морало да се преживее во себе, го нашло своето место во песната. "Песната, за Македонија е молитва, огледало на нејзината душа, нејзината воздишка".

На концертот настапија професорот Радица Костадинова со "Ми заплакало селото Ваташа", Трио Гранде со "Параходот" и "Тешка беше нашата разделба", групата "Мањифико" со песните "Мајка на Марика думаше" и "Многу е тешко верно да љубиш", Пензионерскиот хор "Елегија" општина Центар- Скопје со песните "Праша ли Тимке мајка ти" и "Не се бели Маре мори", пејачката група "Лоза" при Здружение на пензионери од Кавадарци со песните "Вино пијам ем ракија" и "Ах мори Маро девојче", Блаже Богев со "Деспа стои на Дунава", Петре Пењушков со "По фабриките на Германија", Марјан Ѓорѓиовски со "Ацано млада невесто", Трајче Спанџов со "Гина,Гина". На самиот крај настапи КУД "Никола Бадев" – Цвета Спанџова и сите учесници ја изведоа песната "Никола Бадев , легендо славна".

Чествувањето беше реализирано на иницијатива и во соработка на музејот со градоначалникот Митко Јанчев, локалната самоуправа, Домот на културата, пензионерското здружение, најблиските на Бадев. Претходно, во новиот музеј беше отворена Спомен соба за Бадев. /МИА

Живот

Под камен пронашле грне со злато, по што почнале критики дека лажат- ги издала змија (ВИДЕО)

Корисникот на Инстаграм @felezyabie неодамна објави интересно видео кое предизвика големо внимание, и ги подели мислењата на корисниците.

На профилот стои дека сакал археологија, а нуди совети за купување детектор за метал и „толкување на антички симболи“.

Во споменатото видео гледаме група луѓе кои со голема мака ја поместуваат карпата од земја, користејќи трактор и синџири, а потоа почнуваат да копаат.

Потоа вадат старо грне, во кое што ги чека големо изненадување, пренесува Times Now News.

Садот е полн со злато, а на врвот ги чекала жива змија!

По првичниот страв, луѓето го превртеле грнето, а внатре имало куп монети и други вредни предмети. Навистина, сè изгледало како неверојатно откритие додека не се појавил еден „ситен“ детал.

Имено, многу корисници се посомневале дека видеото е монтирано, односно лажно. Најмногу им пречело тоа што во закопаното грне имало жив рептил.

И додека коментарите се нижат, сопственикот на профилот проговори и објасни:

„Почитувани пријатели, ова видео има за цел да ја запознае јавноста со процесот на истражувачот. Никој не рече дека е реално, зошто сите навреди и пцовки“.

Македонија

Европски фронт: ВМРО формира сојуз со проруски и антиалбански партии

ВМРО и Мицкоски официјално прогласуваат коалиција и со партијата Левица на Апасиев и ЗНАМ на Димитриевски, две партии тесно поврзани со Москва и разни проруски кругови, а познати по своите антиалбански позиции.

Мицкоски на митинг во Охрид побара македонско национално единство, без други етникуми во државата, за, како што рече, да се тргне државата од рацете на Албанците.

Европскиот фронт го потсетува Мицкоски дека Северна Македонија од поодамна го изоде патот на рамноправност, демократија и членство во големото европско семејство.

ДУИ и Европскиот фронт, како мултиетнички фронт во Северна Македонија, нема да дозволат земјата да се врати во меѓународна изолација, а тоа ќе биде запечатено на 24 април и 8 мај, кога за претседател ќе биде избран д-р Бујар Османи, а Европскиот фронт ќе биде клучот за формирање на идната Влада.

Истовремено, ја повикуваме албанската опозиција да се освести и да се престрои со про-европејците и да не стане орудие на руските кругови во земјава, се наведува во соопштението.

Свет

Фон дер Лајен: Русија хибридно ја напаѓа Финска преку испраќање мигранти на границите

Претседателката на Европската комисија, Урсула фон дер Лајен денеска изјави дека Русија концентрирала хибридни напади врз Финска со испраќање мигранти, сѐ со цел да ја дестабилизира таа земја.

Претседателката на Европската комисија, Урсула фон дер Лајен денеска изјави дека Русија концентрирала хибридни напади врз Финска со испраќање мигранти, сѐ со цел да ја дестабилизира таа земја, која цврсто ја поддржува Украина и која влезе во НАТО пред една година.

Финска ја затвори границата во средината на декември 2023 година по приливот од 1.000 илегални мигранти од руска територија од средината на август. Двете земји имаат заедничка граница долга 1.340 километри, а Хелсинки ја обвинува Москва дека систематски испраќа мигранти во Финска. Русија ги отфрла обвинувањата.

„Од хибридниот напад на Белорусија во ноември 2021 година врз Литванија, Полска и Латвија, сите знаеме дека Путин и неговите сојузници ги инструментализираат мигрантите за да ја тестираат нашата одбрана и да нѐ дестабилизираат“, рече шефицата на Европската комисија.

„Сега Путин се фокусираше на Финска“, додаде таа.

Претседателката на ЕК се сретна со финскиот премиер Петри Орпа во градот Лапеенранта во југоисточниот дел на земјата, на околу 30 километри од руската граница и разговараа што „ЕУ и Финска можат да направат за да ја спречат инструментализацијата на финската граница.“

Во април Финска одлучи граничните премини да останат затворени. Односите меѓу Хелсинки и Москва се влошија по руската инвазија на Украина. По приемот на Финска во НАТО, Москва најави „контрамерки“.

Финска исто така подготвува закон за спротивставување на пристигнувањето на мигрантите.

притисни ентер