И МАСИТ е за одлагање на даночните реформи за 5 години

Работа на црно и иселување на квалификуван кадар ќе предизвика воведувањето на прогресивен данок, алармираат од најзасегнатата стопанска комора за информатички и комуникациски технологии МАСИТ.

 Даночната реформа е директен удар врз ИКТ индустријата, вака тие гледаат на реформите во даночниот систем кои ги најави Владата.

- Колку вие повеќе им ги качувате даноците на приватниот сектор на бизнис заедницата, толку тие повеќе и повеќе ќе бидат мотивирани да бараат дополнителни патеки по кои ќе можат да ги избегнат тие плаќања, а во ИКТ индустријата имате еден сегмент на популација која е навистина екстремно интелигентна, информирана, интегрирана во светските трендови и тие начини за избегнување на плаќањето дополнителни даноци и те како можат да се избегнат, вели Анита Никова Бундовски, извршен директор на МАСИТ.

Сугерираат државата најпрво да се фокусира на справување со сивата економија. Се уште се на ставот – одложување на реформата на 5 години. Велат дека воопшто не биле консултирани и вклучени во процесот иако нуделе свои забелешки. „Промените не може да се најават само два месеци пред истек на годината, а да се применат од 01.01.2019та, вели Никова. Потребни се повеќе мерења и анализи.

- Ваква измена не смее да настапи во рок од 2 месеца најава, а да стане валидна од 01.01. Компаниите се во една состојба во која долго време беа во разна економско политичка криза  и ние додека си мислиме дека можеби се избавуваме од кризата, доаѓаме во состојба во која сме во една нестабилна економска и повторно политичка ситуација, меѓутоа економска пред се каде измени по разно разни сегменти настапуваат секој ден. Во сабота на ручек не се најавуваат вакви промени. Тоа воопшто не е во ред.

За платите во најбрзорастечката индустрија да растат – бараме намалување на даноците и изземање од даночниот систем. Овие компании ги исполнуваат сите стандарди на таканареченото бело работење, не фер со реформите токму тие да бидат најопфатени, децидна е Никова. Вели, анализи на експерти кажуваат дека рамниот данок се покажал како поефикасен за собирање финансии во државната каса.

Косово издаде меѓународна потерница по српски националист за убиство на Ивановиќ

Косово издаде меѓународна потерница по српскиот националистички лидер Милан Радојчиќ поради вмешаност во убиството на политичарот Оливер Ивановиќ , соопшти денеска министерот за правда.

Оливер Ивановиќ беше убиен во јануари 2018 пред канцеларијата на својата партија во Косовска Митровица ,во делот на градот населен со српски жители.

Судот во Приштина денеска издаде потерница по главниот осомничен Милан Радојчиќ, соопшти министерот за правда, Абелард Тахири.  

Радојчиќ живее во Србија и често може да се види во друштво со српскиот претседател Александар Вучиќ. Тој негираше каква било вмешаност со убиството на Ивановиќ.

Косовските власти лани уапсија двајца полицајци , Срби по националност, во рамки на истрагата за убиството на Ивановиќ.

Ќе има ли забрана за одржување на првата геј парада во Сараево?

Министерот на полицијата на кантонот Сараево соопшти дека собирот не добил одобрение за одржување.

Првата парада на городста во Сараево , најавена за почетокот на септември би можела да биде забранета , најави денеска министерството за внатрешни работи на кантонот, поради тоа што властите биле подфелени по ова прашање.

Министерот за внатрешни на кантонот Сараево, Адмир Катица рече дека собирот нема дозвола за одржување , а појасни и дека може да биде издадена забрана за одржување на парадата на гордоста.

Во исто време , премиерот на кантонот Сараево , Един Форто порача дека ќе направи се за парадата да се одржи.

И политичките партии во БиХ се поделени во врска со одржување на собирот , така што дел порачуваат дека  тоа уште повеќе би ја вжештило политичката состојба во земјата , додека дел од партиите се залагаат за прв пат да се одржи Прајд во Сараево.

Царовска на маалска средба во Јурумлери: Гази Баба ќе добие нова градинка

Потпретседателката на СДСМ Мила Царовска, придружувана од градоначалникот на Општина Гази Баба денеска беше на маалска средба со граѓаните на населеното место Јурумлери, општина Гази Баба.

Според соопштението на СДСМ, пред граѓаните Царовска порача дека Гази Баба наскоро ќе добие нова градинка, а преку инвеситрањето во нови објекти на градинки, опфатот на деца во градинките ќе порасне на 50 отсто.

- Владата предводена од СДСМ постојано инвестира во проширување на капацитетите на детските градинки и зајакнување на кадарот во градинките. Сето тоа е со цел да се врати достоинството на воспитувачите да се зголемуваат платите, како и да се подобруваат условите за работа, но и да се зголеми опфатот на деца во градинките, порача потпретседателката Царовска.

Царовска истакна дека преку успешните економски политики позитивно се влијае на зголемување на просечната плата. 

- Податоците на Државниот завод за статистика кои излегоа неодамна и според кои просечната месечна исплатена нето-плата по вработен, во јуни 2019 година, изнесува 25 205 денари се потврда дека СДСМ дава напори да го реализира ветеното пред граѓаните. Покрај зголемувањето на платите, преку субвенциите за земјоделците, повратот на дел од Данокот на додадена вредност за граѓаните, намалувањето на ДДВ за парно греење и зголемената финансиска поддршка за отворање на нови фирми парите ги насочуваме директно кон граѓаните, истакна Царовска.

СДСМ ги реализира потребите на граѓаните и се менува во нивен интерес. Маалските средби како нов концепт на делување на СДСМ продолжуваат и во следниот период.

притисни ентер