Љупчо Зиков и Стевчo Јакимовски во Само Вистина

Драги сограѓани, секој петок е исклучок, но дали ќе биде исклучително и вечерва , ќе знаеме од нашитедвајца гости кои изгледа имаат две вистини. 

Која е таа , вистинската вистина, онаа на Љупчо Зиков или таа на Стевчо Јакимовски, погледнете во вечерашното издание на Само Вистина.

Зошто опозицијата и ГРОМ не се согласуваат со речиси ниедна одлука на оваа Влада? Зарем беше толку розово претходните 10 години?

Како и зошто ВМРО-ДПМНЕ стана главна тема последниве неколку недели, наместо актуелните случувања во државата?

На кои министри им се ниша столчето во Влада, и дали ќе има Парламентарни заедно со Претседателски избори

Каде заглави телото за помирување на пратениците, а во чии раце е мандатот на екс-лидерот Груевски? Можеа ли нашите гости да поверуваат дека еден ден ќе се бара „Правда за Груевски“?

За Зиков, Македонија конечно тргна во вистинка насока, онаму каде не се движеше изминатите 27 години. Но како без Европски менталитет, може да влеземе во ЕУ?

Јакимовски пак е на став дека власта оди од „шупливо во празно“ освен Преспанскиот договор нема економска агенда,  граѓаните останаа на последно место. Но како до подобра економија, без стабилно политичко тло?

Дали Панчо Минов ќе биде следниот „просветлен“ за уставните амандмани?

За првпат на Конгрес на ЕПП од ВМРО-ДМНЕ пристигнаа две делегации, со која цел  „втората“ опозициска постава на Конгресот на ЕПП беше лично поканета од Жозеф Дол?

Зошто Дол се сретна со „лично поканетите“ екс претставници на опозицијата а не и со делегацијата на ВМРО-ДПМНЕ?Кој ќе биде „спасител“ на опозициската ВМРО-ДПМНЕ?

Каква е разликата помеѓу одлуките и прогласот на АСНОМ, Кој доживеа гордост а кој пак срам на меѓународна сцена, за монтажите и реалните состојби на македонската политичка сцена, вечерва во Само Вистина со Љупчо Зиков и Стевчo Јакимовски, на Канал 5 Телевизија.

Договорот од Преспа една од темите на средбите на Кумуцакос во Вашингтон

Одговорниот за надворешна политика во грчката опозициска Нова демократија, Јоргос Кумуцакос, оствари низа средби со високи американски функционери при неговата посета на Вашингтон.

 Освен за билатералните односи и состојбата во регионот, станало збор и за Договорот од Преспа, јави дописничката на МИА од Атина.

Кумуцакос, имал средби со новиот помошникот државен секретар Филип Рикер, со заменик помошникот државен секретар за Европа и Евроазија Метју Палмер, како и со Јури Ким, шефот на Директоратот на Стејт департментот за Југоисточна Европа.

Во однос на Договорот од Преспа, според грчката новинска агенција АНА-МПА, Кумуцакос на средбите ја повторил цврстата позиција на Нова демократија дека станува збор за штетен договор и истакнал дека не е урамнотежен затоа што Република Северна Македонија е единствената страна што има конкретна корист преку интеграцијата во НАТО и почеток на преговори со ЕУ.

-За жал не постои нешто конкретно и материјално, што грчките граѓани ќе го видат како позитивен резултат од овој договор. И ова треба да се излечи и е еден од големите залози за следната влада на Нова демократија, за да се справи со негативните последици и да создаде конкретна политика во корист на интересите на земјата, рекол Кумуцакос./МИА.

ДКСК отвори предмети за Матка и за предизборни вработувања во АВМУ

Државната комисија за спречување на корупција отвори два нови предметa по кој ќе постапува по допрен глас.

 Случајот Матка и корупцијата во политиката која се однесува на вработување двајца правници во Агенцијата за аудио и аудиовизуелни медиумски услуги (АВМУ) за време на изборен процес.

Претседателката на ДКСК, Билјана Ивановска на денешната седница истакна дека за двата отворени предмета ќе бараат информации односно документи од општината Сарај односно од АВМУ. Во однос на случајот Матка одлучиле да постапуваат бидејќи, како што рече, институциите се прогласиле за ненадлежни.

Ивановска најави дека можно е да отворат предмет и за случајот со плажите во Струга.

На новинарско прашање до каде со 18 предмети за судир на интереси отворени на 18 јануари годинава, информира дека два предмета се затворени. Во првиот случај за вработувањето на ќерката на пратеничката Емилија Александрова во Фондот за иновации и технолоши развој добиле инфромација дека таа воопшто не конкурирала таму. Во вториот случај – за сопругата на поранешниот градоначалник на Берово, Звонко Пекевски, истакна дека добиле информации оти таа била ангажирана со договор на дело како наставник во основно училиште две години, по што по автоматизам и се трансформирал работниот однос во редовен работен однос.

За вработувањето на ќерката на претседателот на Парламентот, Талат Џафери во ЕЛЕМ, Ивановска истакна дека тие добиле информации од компанијата, но ги сметаат за недоволни. Појасни дека според стручноста, ќерката на Џафери има завршено Правен факултет, магистрирала со 10 и поседува правосуден испит, но дека не се знае по кој критериум била избрана на конкурсот за вработување, и нема информации за останатите кандидати кои се пријавиле на конкурсот.

Запрашана за тоа дали со распишаните тендери во Собранието за време на избори се крши Изборниот законик, таа нагласи дека се што е во рамки на редовно извршување на работите не се смета за прекршување.

Најави дека ДКСК планира да спроведе поопсежна анализа во однос на систематизацијата на вработувањата во јавните компании.

Џафери на студиска посета во Единбург организирана од Вестминстер фондацијата

Претседателот на Собранието на Република Северна Македонија, Талат Џафери, од 20 до 22 март е на студиска посета во Единбург, Шкотска.

Претседателот на Собранието на Република Северна Македонија, Талат Џафери, претседателката на Комисијата за финансирање и буџет, Лилјана Кузмановска и генералниот секретар на Собранието, Цветанка Иванова, од 20 до 22 март се на студиска посета во Единбург, Шкотска.

Студиската посета е организирана од Вестминстер фондацијата за демократија и е во рамките на потпишаниот Меморандум за соработка за воспоставување на буџетска парламентарна канцеларија во Собранието на Република Северна Македонија, соопшти собраниската прес-служа.

притисни ентер