Која е Кејт Мари Бурнс, новата амбасадорка на САД?

Белата куќа и официјално ја номираше Кејт Мери Бирнс за нов американски амбасадор во земјава. 

Но пред од Атина да пристигне во Скопје, каде од лани е заменик амбасадор, нејзината номинација ќе треба да биде одобрена од Сенатот на САД.

Пред да ја преземе функцијата во Грција, Бирнс кој е дипломат од кариера со 24 годишен стаж, беше заменик шеф на мисијата на САД во ОБСЕ. Па додека беше во Виена често го пренесуваше ставот на САД во врска со аферата со прислушувањето, Пржинските преговори, формирањето и работата на Специјалното јавно обвинителство и менувањето на власта во земјава. Откако во 2016та ОБСЕ објави финален извештај за набљудуваниот предизборен период околу предвремените парламентарни избори кои беа закажани за јуни па одложени, Кејт Бирнс како одговор напиша:

Актуелната политичка криза во Македонија беше предизвикана од наводите за злоупотреба на власта и можното криминално однесување, како и обвиненија за мешање на извршната власт во судските и обвинителските работи. Овие наводи ја истакнаа клучната важност на Македонија за зајакнување на својот правен систем и владеењето на правото со цел да ги оствари своите евроатлантски цели да стане членка на ЕУ и НАТО.

Лани во март Бирнс упати и жестоки критики до претседателот Ѓорѓе Иванов кој првично одби да го даде мандатот за состав на влада на претседателот на СДСМ Зоран Заев. Истата порака следуваше и до тогашниот министер за надворешни Никола Попоски кој присуствуваше на министерскиот состанок на земјите членки на ОБСЕ во Виена. Бирнс на почетокот на мај лани побара и расчистување на собраниските насилства.

Нема прстор за насилство во демократскиот процес. Изразуваме длабока солидарност со повредените пратеници и другите повредени. Бараме од властите да гарантираат безбедност за пратениците, темелно да ги истражат нападите и секој кој извршил, организирал или наредил напад, да одговара.

Со номинацијата на Кејт Бирнс се става крај на шпекулациите дека на местото на Бејли доаѓа американскиот заменик-помошник државен секретар за Европа и Евроазија, Хојт Брајан Ји. Џес Бејли функцијата амбасадор ја извршува од 2014 година.

ДКСК отвори предмети за Матка и за предизборни вработувања во АВМУ

Државната комисија за спречување на корупција отвори два нови предметa по кој ќе постапува по допрен глас.

 Случајот Матка и корупцијата во политиката која се однесува на вработување двајца правници во Агенцијата за аудио и аудиовизуелни медиумски услуги (АВМУ) за време на изборен процес.

Претседателката на ДКСК, Билјана Ивановска на денешната седница истакна дека за двата отворени предмета ќе бараат информации односно документи од општината Сарај односно од АВМУ. Во однос на случајот Матка одлучиле да постапуваат бидејќи, како што рече, институциите се прогласиле за ненадлежни.

Ивановска најави дека можно е да отворат предмет и за случајот со плажите во Струга.

На новинарско прашање до каде со 18 предмети за судир на интереси отворени на 18 јануари годинава, информира дека два предмета се затворени. Во првиот случај за вработувањето на ќерката на пратеничката Емилија Александрова во Фондот за иновации и технолоши развој добиле инфромација дека таа воопшто не конкурирала таму. Во вториот случај – за сопругата на поранешниот градоначалник на Берово, Звонко Пекевски, истакна дека добиле информации оти таа била ангажирана со договор на дело како наставник во основно училиште две години, по што по автоматизам и се трансформирал работниот однос во редовен работен однос.

За вработувањето на ќерката на претседателот на Парламентот, Талат Џафери во ЕЛЕМ, Ивановска истакна дека тие добиле информации од компанијата, но ги сметаат за недоволни. Појасни дека според стручноста, ќерката на Џафери има завршено Правен факултет, магистрирала со 10 и поседува правосуден испит, но дека не се знае по кој критериум била избрана на конкурсот за вработување, и нема информации за останатите кандидати кои се пријавиле на конкурсот.

Запрашана за тоа дали со распишаните тендери во Собранието за време на избори се крши Изборниот законик, таа нагласи дека се што е во рамки на редовно извршување на работите не се смета за прекршување.

Најави дека ДКСК планира да спроведе поопсежна анализа во однос на систематизацијата на вработувањата во јавните компании.

Џафери на студиска посета во Единбург организирана од Вестминстер фондацијата

Претседателот на Собранието на Република Северна Македонија, Талат Џафери, од 20 до 22 март е на студиска посета во Единбург, Шкотска.

Претседателот на Собранието на Република Северна Македонија, Талат Џафери, претседателката на Комисијата за финансирање и буџет, Лилјана Кузмановска и генералниот секретар на Собранието, Цветанка Иванова, од 20 до 22 март се на студиска посета во Единбург, Шкотска.

Студиската посета е организирана од Вестминстер фондацијата за демократија и е во рамките на потпишаниот Меморандум за соработка за воспоставување на буџетска парламентарна канцеларија во Собранието на Република Северна Македонија, соопшти собраниската прес-служа.

Возило „пајак" од понеделник ќе врши транспорт на хаварисани и на непрописно паркирани возила во Кавадарци

 Возило „пајак" на ЈП Паркинг- Кавадарци од понеделник ќе врши транспорт на хаварисаните возила до депото на „Северен булевар" во градот, информираа од локалната самоуправа.

Исто така, како што посочија, ќе се интервенира и на непрописно паркираните возила и возила паркирани во зелени површини. Од локалната самоуправа апелираат граѓаните прописно да ги паркираат своите возила на веќе обележаните паркинг места.

Оваа одлука важи се до почнувањето со работа на  ЈП Паркинг – Кавадарци, информираат од локалната самоуправа. За непрописно паркираните возила ќе следат и казни од надлежните служби. 

притисни ентер