Објавени нови страшни детали за убиството на новинарот Кашоги

Шприцови , електрошок уреди и воки – токи носеле во багажот саудискиот тим , кој бил испратен во Истанбул за да го убие новинарот Џамал Кашоги.

Убијците , кои дошле од Саудиска Арабија на денот на убиството и по неколку часа си заминале од Истанбул во куферите носеле страшна опрема.

Освен тоа , турските истражители уловиле комуникација во која еден од петнаесетината убијци на некого му вели да му каже на шефот дека операцијата е завршена. Не се знае името на шефот , но се претпоставува дека станува збор за престолонаследникот Михамад бин Салман. Новинарот бил задавен , а неговото тело распарчено , истопено во киселина и истурено во канализација.

По извршеното убиство , 15 мината отпатувале назад во Саудиска Арабија со два приватни авиони и со еден на редовна линија.

Според весникот Сабах, кој ги објави снимките на коферите на убијците кои патувале со приватните авиони , во нив имало десет мобилни телефони , пет воки – токи уреди, два шприца, два електоршокери , големи ножици , уред за пречки , три големи заварувачи и предмет што личи на скалпел.

Турскиот претседател Реџеп таип Ердоган во саботата потврди дека има аудио снимка од убиството , која ја испратил во вашингтон , Ријад , Париз, Берлин и Лондон.

,, Таа снимка е ужасна . Дури и членот на саудиската разузнувачка служба бил толку шокиран кога ја слушнал , па рекол дека тој што го правел ова морал да биде на хероин . Само некој кој зема хероин тоа би го направил.” , изјави Ердоган.

Чавушоглу: Ние сме природни сојузници, а сега веќе ќе бидеме партнери и во НАТО

Со Македонија уште пред да биде поканета во НАТО имавме природно сојузништво и во сите официјални документи на НАТО каде се споменуваше Македонија беше истакнато дека ја признаваме земјата под уставното име. 

Ние сме природни сојузници, а сега веќе ќе бидеме партнери и во НАТО, истакна шефот на дипломатијата на Република Турција, Мевлут Чавушоглу на денешната заедничка прес-конференција со неговиот домаќин министерот за надворешни работи Никола Димитров.

-Со Македонија уште пред да биде поканета во НАТО имавме природно сојузништво и во сите официјални документи на НАТО каде се споменуваше Македонија беше истакнато дека ја признаваме земјата под уставното име. И во понатамошниот период нашата поддршка ќе продолжи. Националното Собрание на Турција го ратификува Пртоколот за членство во НАТО пред мојата посета и затоа сме особено среќни. Поради изборите имавме доцнење, но сега тој процес е завршен, а откако ќе продолжи и во другите земји се надевам дека Македонија и официјално ќе биде членка на НАТО што е од суштинско значење за регионот, рече Чавушоглу.

Тој изрази поддршка и за евроинтеграцијата на земјата и кажа дека се надева оти Македонија во октомври ќе ги започне преговорите за членство во ЕУ. Ја најави и посетатата на турскиот претседател Реџеп Таип Ердоган на нашата земја која е во подготовка.

Министерот Димитров се заблагодари на Турција за ратификацијата на Протоколот за  членство во НАТО.

-Тоа не менува ништо суштиски бидејќи ние сме сојузници уште од првиот ден на нашата независност, но сега и формално, а наскоро како идна членка на Алијансата ќе станеме и во таа смисла сојузници со пријателска Турција, рече Димитров.

Тој се заблагодари на Турција и за проектот за дигитализација на архивот на нашето МНР реализиран со поддршка од турската агенција за соработка и развој – ТИКА, кој денеска во просториите на Министерството беше пуштен во употреба. Со дигитализацијата ќе се овозможи пристап до архивите и нивна достапност за научни истражувања.

Во однос на економската соработка Чавушоглу оцени дека трговската размена континуирано расте, но потребни се уште напори да се постигне зацртаната цел таа да дистигне вредност од една милијарда долари, а во тоа помагаат, додаде и околу 100 турски компании кои инвестирале во земјава. ТИКА нагласи тој во земјава досега реализирала 900 проекти со вредност од околу 100 милиони долари.

Чавишоглу вчера во Скопје присуствуваше на одбележувањето на тригодишнината од неуспешниот обид за државен удар во Турција. Во тој контекст турскиот министер за надворешни работи се заблагодари на народот на Македонија, за  поддршката и солидарноста со Турција во тој период. Нагласи дека ФЕТО е терористичка организација, која со својата мрежа во 160 држави во светот е закана и за нашата земја и рече дека очекува конкретни чекори во насока на нивните барања за ФЕТО.

Во рамки на дводневната официјална посета на Македонија, министерот Чавушоглу се сретна и со вицепремиерот задолжен за европски прашања Бујар Османи, а треба да има средба и со премиерот Зоран Заев.

ДКСК: Фирма што е во сопственост на лицето Нефи Усеини не може да воспостави деловни односи со Општина Охрид

Фирма што е во сопственост на членот на Советот на Општина Охрид, Нефи Усеини или е во сопственост на негови блиски лица, не може да воспостави деловни односи со Општина Охрид, укажуваат од Државната комисија за спречување на корупцијата.

 Во врска со објавениот тендер за избор на фирма која треба ги руши дивоградбите во Охрид.

Во однос на информациите дека меѓу двете фирми кои доставиле понуди на тендерот е и фирмата во сопственост на Усеини, кој е сопственик и на пицеријата – дивоградба кај Чинарот во Охрид, од ДКСК укажуваат на ограничувањата кои се однесуваат на службените лица во соработка со правни лица, што се во нивна сопственост или во сопственост на нивни блиски лица.

Во соопштението ДКСК посочува на член 51 од Законот за спречување на корупцијата и судирот на интереси каде е предвидено дека „службено лице во вршењето на својата функција, јавни овластувања или должности не може да воспостави деловни односи со правно лице кое е во негова сопственост или во сопственост на член на неговото семејство или во кое тој или член на неговото семејство поседува акции или удели или кое го основал тој или член на неговото семејство или во кое одговорното лице е член на неговото семејство".

Во насока да превенира потенцијален судир на интереси што ќе настане доколку не се почитуваат тие ограничувања, ДКСК укажува дека фирма што е во сопственост на лицето Нефи Усеини или во сопственост на негови блиски лица, не може да воспостави деловни односи со Општина Охрид, каде истото лице е член на општинскиот Совет.

– Доколку, службеното лице постапи спротивно на овој член, на склучениот договор се применуваат одредбите за ништовност на договорот од Законот за облигационите односи, се вели во соопштението од ДКСК.

Од утре постабилно време и пораст на температурата

Пораст на температурите и стабилно време најавуваат метеоролозите во наредните денови.

Од УХМР информираат дека нестабилно со локален пороен дожд и грмежи ќе биде в петок и сабота во попладневните часови.

Утре температуата ќе достигне до 31 степен, в четврток од 26 до 33, петок од 25 до 33, сабота од 26 до 35 и недела од 28 до 36 степени. 

притисни ентер