Димов: Никогаш ниту сум бил осуден, ниту сум бегал од изрекување на каква било казна

Македонија до сега имаше низа примери на бегство на високи функционери кои беа обвинети или осудени. Екс министерот за здравство Владо Димов реагира на вчерашниот прилог на Канал 5 .

Никогаш не сум бил осуден ниту сум бегал од изрекување на каква било казна, вели Димов.

„Контекстот во кој е спомнато моето име е апсолутно неадекватен од причина што никогаш ниту сум бил осуден ниту сум бегал од изрекување од било каква казна. Напротив, во мојот случај постапките кои се водени против мене се завршени со одбивателна пресуда и со запирање на постапката за наводно неплатен данок,па оттаму жртвите на режимот не можете да ги поистоветувате и да ги ставате во ист кош со креаторите на истиот. Ова дотолку повеќе што одлуките за мојот случај се јавно достапни и сте имале обврска истите да ги проверите. Останатите лица кои ги споменавте се осудени со правосилни судски пресуди, реагира Владо Димов.

Куба на референдум – капитализам или социјализам

Над 8 милиони Кубанци утре излегуваат на референдум за новиот Устав , кој и покрај измените , го задржува социјалистичкото уредување на државата.

Новиот Устав на Куба би требало да го замени оној од 1976 , во кој ќе се признае приватната сопственост и странски вложувања. Граѓаните ќе треба да одговорат на прашањето ,,Дали ќе го ратификувате новиот Устав на Републиката”.

Власта , предводена од претседателот Мигел Дијаз Канел лобира како никогаш до сега за одговорот ,,да” , со реклами на сите ѕидови , автобуси , во медиумите и на социјалните мрежи.

Опозицијата , пак ги повикува луѓето да гласаат ,,не”. Според анкетите , 70 до 80 проценти од граѓантите се за измени на Уставот , а првите резултати ќе бидат познати в понеделник попладне.

Над 100 возила изгореа на аеромитинг (ВИДЕО)

Над 100 возила изгореа за време на одржувањето на авиомитингот во близина на индискиот град Бангалуру.

Возилата биле на паркингот , кога избувнал силен пожар , предизвикан најверојатно од цигара. Поради сувата трева и силниот ветар , пожарот набргу ги зафатил возилата , во кои за сега се наведува дека немало никој.

Сопствениците на возилата го следеле аромитингот ,,Аеро Индија 2019” , кој неколку дена се одржува на аеродромот во близина на Бангалуру.

Сплит на удар на ветришта на столетието (ВИДЕО)

Во хрватскиот град Сплит утрово во 4 часот е измерена најголема брзина на ветрот , што предизвика паѓање на дрвја и покриви.

Утрово во 4 часот во Сплит е измерен најсилен удар на бура во историјата на метеоролошките мерења од 176 км/час. Просечна брзина на ветрот беше 118 км/час , што предизвика откорнување на големи дрвја и покриви. Солни удари на веторот се забележани и во Макарска и Дубровник со брзина од 152км/час.

Полицијата соопштува дека имало голем број пријави од граѓаните , биле блокирани улици и патишта поради искорнати дрвја ,кои паѓале врз паркирани возила,  а пожарникарите работеле цела ноќ .

На подрачјето се случиле и осум големи пожари , што се разгорувале од ветрот. Поради силните ветришта дел од главните патишта се затворени за сообраќај , а на дел е дозволен сообраќај само на автомобили.

притисни ентер