Доделени наградите „Најдобри спортски качувачи за 2018“

Со многу гости и вљубеници во спортското качување, Болдербар – Скопје беше местото каде што се одржа церемонијата на прогласување на најдобрите спортски качувачи за 2018 година.

Претседателот на Спортско качувачката федерација на Р. Македонија, г. Владимир Трповски и неговиот тим, ги наградија најдобрите натпреварувачи во конкретни категории од Националната спортско качувачка лига, во дисциплините болдер и водство на вештачка карпа, но и најдобрите качувачи на природна карпа. Меѓу другото, беа доделени дипломи и на новите инструктори по спортско качување.

За најдобри натпреварувачи во категорија јуниори беа прогласени: Игнат Санев – Астибо Штип, Доротеа Иваноска - Златоврв Прилеп, Михаела Санева – Астибо Штип, Васил Караѓозов – Астибо Штип и Цвете Јандреоски – Златоврв Прилеп.

Наградата „Спортски качувачи во категорија болдер на природна карпа“, им припадна на сениорите Марио Минчевски и Наталија Ристевска - СКК Вертикал Битола.

Најдобри спортски качувачи во категорија „Водство на природна карпа“, за 2018 се: Марија Тасева - СКК Матерхорн Охрид и Томи Јордановски - СКК Екстрем Скопје.

Исто така, претседателот на Спортско качувачката федерација на Р. Македонија, г. Владимир Трповски, ѝ додели благодарница и признание и на монахињата Ефимија од манастирот „Свети Георгиј Победоносец“ – Рајчица, како на поранешен истакнат член на македонскиот Национален спортско качувачки тим. На церемонијата на доделувањето на наградите беше упатена посебна благодарност и до Архимандрит Партениј и целото братство од Бигорскиот манастир, како и сестринството од манастирот во Рајчица, кои се големи поддржувачи на спортот. Спортистите се чести гости во нивните манастири.

Самсоненко се повлекува од РК Вардар

Рускиот бизнисмен Сергеј Самсоненко преку пишано соопштение најави дека од следната сезона нема да биде во можност да продолжи со финансирањето на Ракометниот клуб „Вардар“.

Тој ги повикува македонските бизнисмени да се приклучат кон финансирањето на ракометниот клуб.

– Од седуммте години поминати во ракометот за жал изминува веќе третата година како јас лично се борам од ден за ден за издржување на клубот, со постојано задолжување и земање на кредити. Покрај оваа борба која ја водам секој ден зад мене има повеќе од 5000 вработени во моите компании кои ги издржувам со нивните семејства и кои не сакам да ги загрозувам, а веќе тоа се одразува со моето постојано задолжување за спортот – пишува Самсоненко.

Тој вели дека добил ветувања дека за кратко ќе добие помош за ракометот, но дека помошта ја нема.

Судијата на натреварот меѓу Јувентус и Ајакс е вплеткан во мафијашка мрежа

Францускиот судија Клемент Турпин , кој го судеше натпреварот во Лигата на шампионите меѓу Јувентус и Ајакс ,доживеа кражба на идентитетот.

Според полицијата , криминалци пренеле големо количество дрога со автомобил Рено Лагуна , регистриран на Клемент Турпин.

Извесен дилер Мунир А. бил уапсен на 10 декември во Париз со уште три лица и обвинет за поседување големи површини под канабис. Кај нив било најдено и големо количество оружје , меѓу кои и ракетен фрлач и калашникови.

Најдени биле и 650 000 евра во кеш , како и скапи часовници и облека. Истрагата за мафијашите дошла и до судијата.

Турпин за француските медиуми изјави дека нема никаква врска со нив.

,,Јас не живеам во Ноис–ле-Сек, немам станови или палати, немам ништо со овој случај “ , изјави судијата и се пошегува дека неговата професија е опасна.

„Време е за прва жена во НБА лигата”

Пред десет години првиот човек на НБА лигата, Дејвид Стерн предвиде дека во наредното десетлетие жените би можеле да заиграт во НБА лигата.

Неговата прогноза не се исполни, но затоа има кандидатки. Поранешната ѕвезда на женската НБА кошарка, Линдзи Хардинг, денеска е една од шесте жени кои работат како помошници тренери во НБА лигата.

„Зошто да не? Има неколку врвни кошаркарки. На пример, Диана Таураси. Сите ја знаат како најдобра кошаркарка во историјата. Шутира подобро од кого било, дали е маж или жена во НБА. Би сакала да проба. Не велам дека е врвна одбранбена кошаркарка, но поради начинот на кој се движи, лесно би доаѓала до слободни фрлања.”

Таураси е најдобрата американска кошаркарка, која има освоено четири олимписки и три светски злата. Има 36 години и следната година ќе игра во 15 сезона на женската НБА.

Сепак, се поставува проблемот на силата и тежината на женските и машките играчи. До сега имало три обиди за жени да играат во машката НБА лига и тоа во шеесетите, седумдесетите и осумдесетите години на минатиот век.

Последен пат Пејсерси во 1980 се обиделе во тимот да ја донесат Ен Мајерс, но таа стигнала само до пробните натпрервари.

притисни ентер