Најдобрата досега , фантастичната „Златна Бубамара“ вечерва во 20.00 часот на Канал 5 ТВ

Годинешново издание беше кулминација на се што можевме да замислиме. Хумор во неограничени количини, фантастична музика и единствениот - Сашко Коцев

Политиката беше најголема инспирација за неповторливиот хумор на годинешната Златна Бубамара, нешто што е за жал , спротивно во реалноста...политика и смеа.

Гламурозна сцена која потсетуваше на американските шоу програми наменети за доделување на награди, дефиле на најпознатите и најзначајните лица од музиката , културата, ТВ екраните, социјалниот живот, не само од Македонија туку и од регионот. Нормално , наградите беа наместени :)

Вечерва во 20.00 час, на Канал 5 Телевизија ќе го видите шоуто од „Борис Трајковски“кое траеше цели 4 часа, и кое изгледа ги „уплаши“ пред се претставниците од власта но и од опозицијата, поради тоа што не беа баш во голем број присутни во салата, а и сигурно не им беше до смеење.

Не смеете да ја пропушти сатирата, која не е далеку од вистината, на адреса на Скопските власти, но и да видите зошто едно место во салата останало празно – билетот заминал за Будимпешта!

Во 20.00 часот бидете со нас, Канал 5 Телевизија и бидете со настапите на Мики Јовановски Џафер, Владо Јаневски, Влатко Стефановски, Петар Грашо, Танец, Марко Пејчиновски и др.

За крај, во духот на паролата на годинешнава Златна Бубамара - „ Драги наши отруени и запоставени граѓани, доколку сè уште верувате дека има останато некој нормален во нашата држава, доаѓа денот кога можеме да се собереме и заедно да провериме, да се проветриме и да уживаме во најновото издание на Златна бубамара на популарноста“

Заев оптимист, за Дескоска се е можно во преговорите за СЈО

 Премиерот Зоран Заев денеска изрази оптимизам дека е можно деновиве пред објавување на извештајот од ЕК да се дојде до решение за статусот на СЈО, во рамки на предлог законот за Јавното обвинителство. 

Според министерката за правда Рената Дескоска, која информира дека се уште нема закажано нова средба, многу работи во нашата држава се решавале во последен момент така што, потенцира, се е можно.

– Мислам дека можеме овие денови пред објавување на извештајот на 29 мај да го заокружиме овој процес и двете условно кажано страни  во преговарачкиот процес да објават дека е постигнат договор, изјави Заев по денешната дебата за нацрт текстот на Националната стратегија за развој на коцептот за едно општество и мултикултурализам.

Додаде дека знае оти во одредени моменти има приближувања, па, како што рече, за некои детали ќе застанат, но процесот, оцени, се движи кон успешно завршување

– Тоа е важно заради тоа што и самиот извештај ќе биде позитивен, но не би требало да оставиме како држава каков било аргумент на Економскиот совет, кој е претставен од земјите членки. Да не дозволиме да имаме каква било дамка или причина за кој било и било што да одоговлекува, порача претседателот на Владата.

Министерката Дескоска изрази надеж дека ќе успеат да изградат консензус со почитување на принципите кои се зададени од ЕУ, а се многу битни за градење на владеење на право во нашата држава.

Таа верува дека веќе созрева свеста кај сите политички партии дека она што значи барање за амнестија не смее и не може да помине.

– Нашето инсистирање  да бидат застапени сите принципи на владеење на право, а тоа значи да нема никаква можност за скриена амнестија е принциипот од кој не смееме и не можеме да отстапиме бидејќи закон што ќе содржи квалитетни решеније соодветни на стандардите на ЕУ, е закон што ќе биде позитивно оценет, истакна Дескоска по дебатата за нацрт текстот на Националната стратегија за развој на коцептот за едно општество и мултикултурализам.

Одговарајќи на новинарско прашање за истрагите кои ги води СЈО, Дескоска информира дека се разговара околу користење на постојната законска рамка, решенијата кои се во сегашниот закон за СЈО, во сегашниот закан за кривична постапка и решенија кои произлегуваат од праксата.

– Ние имаме веќе судски случаи во кои има користење на прислушувани или снимени материјали, кои се  користени во други предмети кои не се поврзани со СЈО и тоа е во согласност со други закони. Тука се водат тие дебати, појасни таа, додавајќи оти можни се решенија во кои реално судиите се тие што ќе ги решат прашањата околу истраги, докази, околу се, подвлече, согласно Законот за кривична постпка.

Премиерот Заев информира дека за сите детали на законот во кој е инкорпориран и СЈО имало средба и со Зијадин Села и со Биљаљ Хасами.

– Тоа не е условено со судски процеси. Никој и не го бара реално заради тоа што тоа не е под владата, ниту под парламентот. Можеби преку тоа сакале да испратат порака до правосудниот систем за одредени барања за правичност или слично. Верувам  дека како што стига по многу процеси и предмети правдата, така и по овие предмети кои албанската опозиција ги зборува ќе се дочека правда транспарентна и јасна за сите, изјави Заев.

Просечната плата во март 24.590 денари

 Просечната месечна исплатена нето-плата по вработен во март годинава во земјава изнесувала 24.590 денари и е за 3,8 отсто повискока од март лани, покажуваат податоците на Државниот завод за статистика.

Ваквото зголемување, посочуваат од ДЗС, се должи, пред сѐ, на порастот на нето-платите во секторите: дејности на здравствена и социјална заштита (11.4 %), земјоделство, шумарство и рибарство (8.2 %) и транспорт и складирање (7.8 %).

Зголемување на нето-плата по вработен, во однос на претходниот месец, е забележано во секторите: финансиски дејности и дејности на осигурување (9.5 %), информации и комуникации (8.5 %) и рударство и вадење на камен (6.0 %).

Според податоците на ДЗС, пак, просечната месечна исплатена бруто-плата по вработен во март 2019 година изнесувала 36.476 денари. 

Велосипедист тешко повреден на патот Куманово-Табановце

 Шеснаесетгодишно момче, велосипедист, вчера се здобил со тешки телесни повреди откако во него удрил автомобил, соопштија денеска од СВР Куманово.

Според полицијата, несреќата се случила вчера околу 16:30 часот на локалниот пат Куманово-село Табановце, кога 57-годишниот Џ.Х управувајќи автомобил „опел вектра" удрил во 16- годишниот велосипедист од Куманово.

Момчето, кое се здобило со тешки телесни повреди, било пренесено во кумановската болница, а потоа и во комплексот клиники „Мајка Тереза" во Скопје.

Увид на местото извршила увидна екипа од СВР Куманово.

притисни ентер