Погребот на Шаулиќ се одржа денеска во 15 часот во Алејата на заслужните граѓани на белградските гробишта. Покрај семејството на Шаулиќ , сопругата Гордана , ќерките Санела и Илда , синот Михајло и внукот Лука , цело време беше и сперскиот министер за надворешни работи Ивица Дачиќ.
На комеморацијата трогателен говор одржа неговата долгогодишна колешка Зорица Брунцлик , која му беше и кума.
,,Мој куме толку многу минавме заедно во овие четириесет години – раѓање на децата , слави , свадби , секој товј и мој успех...Но , ја делевме и тагата кога ги испраќавме родителите на вечна почивка. Ќе останат нашите песни за вечни времиња , но со кого сега јас да ги пеам? “ , рече меѓу другото фолк ѕвездата.
Сопругата на Шаулиќ реши од саканиот сопруг да се раздели со песната ,,Не плачи душо” , која тој и ја посветил во 1984 година.
На комеморацијата , покрај стотиците јавни личности , се појавија и Жељко Јоксимовиќ и Светлана Цеца Ражнатовиќ.