Упатство за гласање на изборите

Избирачот добива едно гласачко ливче за избор на претседател, а во трите општини и едно ливче само за избор на градоначалник, со оглед дека  советите се конституирани на редовните локални избори.

За шестите претседателски избори и предвремените локални избори во Охрид, Дебар и Ново Село што треба да се одржат утре, избирачот може само еднаш да се појави на гласачкото место за остварување на своето избирачко право. Избирачот добива едно гласачко ливче за избор на претседател, а во трите општини и едно ливче само за избор на градоначалник, со оглед дека  советите се конституирани на редовните локални избори.

Во општините Охрид и Дебар изборите за градоначалник се распишани поради ненадејната смрт на градоначалниците Јован Стојаноски и Ружди Љата, а Во Ново Село ќе се избира нов градоначалник, бидејќи поранешниот Боро Стојчев поднесе оставка откако беше осуден на затворска казна за обид за шверц на цигари.

За гласањето на локалните избори, избирачот се потпишува во изводот од Избирачки список наменет за локалните избори.

Гласачкото ливче се откинува од кочанот на блокот по нумерички редослед, му се става печат на предната страна и потоа му се дава на избирачот. Гласањето се врши тајно, зад параван.

Преклопеното гласачко ливче избирачот го става во соодветно обележаната кутија за гласање.

Гласање за друго лице е забрането, освен во случаите предвидени во членот 112 од Изборниот законик, односно избирачот кој има физички недостаток или е неписмен и поради тоа не може да гласа на начин утврден со овој Законик, со себе има право да доведе лице кое ќе му помогне при гласањето. Ако избирачот не доведе со себе лице кое ќе му помогне при гласањето, тогаш избирачкиот одбор ќе определи друго лице од редот на избирачите.

Лицето кое ќе му помага на друго лице при гласањето не смее да биде од редот на членовите на избирачкиот одбор, претставниците на подносителите на листите или од редот на набљудувачите. Лицето не смее да влијае врз одлуката на избирачот, а при гласањето може да помогне најмногу на двајца избирачи кои се со физички недостаток или се неписмени. Овој начин на гласање се забележува во записникот број 16.

Заради обезбедување на тајноста на гласањето, на денот на изборите на гласачките места, овластените претставници на подносителите на листите, овластените набљудувачи, членовите на изборните органи и избирачите не смеат да користат мобилни апарати, фотоапарати и други средства за снимање на изборниот материјал и на избирачите кога гласаат. 

Презентирана програмата за штипската „Пастрамајлијада"

 Штипската „Пастрамајлијада", што по 13 пат ќе се одржи во организација на Општина Штип годинава ќе се одржи од 20 до 22 септември, објави на денешната прес-конференција Кирил Панајотов советник во Општина Штип.

Истакна дека годинава на сцената ќе доминираат македонските пејачи и групи. На 20 септември ќе настапат групите Кентаур, Аре брадерс бенд, Агушеви и Нокаут и Игор Џамбазов. Додека во сабота ѕвезда на вечерта е српската пејачка Цеца, а пред неа ќе настапат Мартинијан Кириловски и Антониа Гиговска, а во недела публиката ќе ги забувавуваат „Но енд", Викторија Лоба, Тропико бенд и Данијела Мартиновиќ.

Панајотов потенцира дека настапите на музичките артисти и оваа година ги финансираат спонзорите, а генерален спонзор и оваа година е „Скопско". Општина Штип од сопствениот буџет, како и лани за оваа манифестација има предвидено околу 2.500.000 денари. Средства кои ќе се потрошат печатење на материјали, поставување на бина, струја и храна за изведувачите.

– Цената на штипската пастрамајлија се уште не е утврдена, тоа ќе се направи заедно со угостителите. Очекуваме и оваа година да имаме над 30 штандови, на коишто ќе се продава нашиот брендиран специјалитет, вели Панајотов.

Тој забележа дека во организација на манифестацијата ќе бидат вклучени локалните институции, со цел да се обезбеди простор за паркинг, но и да се регулира сообраќајот. 

Анкета: Граѓаните половично информирани за работата на Собранието, најчест извор е телевизијата

Од темите кои се дискутирале граѓаните најмногу се запознаени со уставните промени и со дискусијата за Договорот од Преспа, а најмалку со јавните расправи кои се случија во Парламентот во посочениот период. 

 Граѓаните се поделени во однос на нивната запознаеност со работата на Собранието, покажуваат наодите од теренската анкета за перцепциите на граѓаните за работата на Собранието за периодот јуни 2018 – април 2019 година, спроведена од Институтот за демократија „Социетас Цивилис" (ИДСЦС) во периодот од 12-26 мај, годинава на 1.000 испитаници

Како што истакна на денешната средба со новинари Влора Речица проектен менаџер во ИДСЦС, речиси половината или 49 проценти од испитаниците се изјасниле дека се делумно или целосно запознаени со работата на Собранието, а 50 проценти одговориле дека малку или воопшто не се запознаени со неговата работа.

-Од темите кои се дискутирале граѓаните најмногу се запознаени со уставните промени и со дискусијата за Договорот од Преспа, а најмалку со јавните расправи кои се случија во Парламентот во посочениот период. На прашањето дали сметаат дека Собранието е отворено, за жал, само една третина од испитаниците смета дека Собрането е отворено за јавноста. Оценката, пак, која Инситутот секоја година ја дава за Собранието, а која произлегува од перцепциите на граѓаните на скалата од 1 до 5, каде 5 е најдобро, оваа година е 2,9 што е зголемување од 2018 година, вели Речица.

При тоа, додава, речиси две третини или 59 проценти од испитаниците одговориле дека најчесто се информираат преку телевизија, 15 проценти се информираат од интернет преку социјални медиуми, девет проценти информациите ги добиваат преку инетренет поиртали за вести, само три проценти одговориле дека информациите ги добиваат од Собранискиот канал, додека ниеден не се информира од веб страницата на Собранието. Од анкетираните девет проценти одговориле дека не сакаат да се информираат за работата на Собранието, односно дека не ги интересира.

Перцепцијата на граѓаните е и, вели Речица, дека партениците секогаш ги претставуваат личните, партиските или бизнис интересите во носењето на закони. Имено, над две третини (72%) од испитаните граѓани сметаат дека пратениците во Собранието секогаш ги застапуваат интересите на нивните политички партии и своите лични интереси (78%). Речиси половина од испитаниците (46%) сметаат дека пратениците никогаш не ги застапуваат интересите на граѓаните.

Од испитаните 62 отсто сметаат дека Владата има контрола врз Собранието,  17 отсто дека Собранието има  контрола врз Владата (како што е предвидено според Уставот), а 20 отсто од анкетираните немаат мислење по оваа прашање.

Извештајот за квалитетот на дебатата, пак, истражување кое Институтот го спроведува од 2014 година, покажува дека во првата половина од годинава Собранието ја добива оценката 6, на скала од 1 до 10, што за жал, вели Речица, е само преодна оценка за да го помине испитот и покажува дека дебата е сеуште на ниско ниво.

-Загрижувачки е што во 32 проценти од дебатите пратениците немаат ниту еден аргумент, а во повеќе од 40 проценти има слабо аргументирање. Само во еден процент од дискусијата пратениците користеле повеќе од  два аргумента. Добар податок е тоа што во 28 проценти од дискусијата имало соодветно адресирање на аргументите од претходните говорници, што е пораст од 2018 година, вели Речица.

Се препорачува во наредниот период да се работи на информираноста на граѓаните за работата на Собранието, каде медиуите велат имаат многу важна улога, бидејќи 59 отсто од нив се информираат преку телевизијата. За поаргументирано дискутирање во Собранието се нагласува, потребно е во иднина да се работи со пратениците на нивните реторички вештини, што зависи од нивната волја, а медиумите и граѓанското општетство може да помогнат со обезбедување податоци од истражувања. /МИА.

Германија ја заврши постапката за ратификација на протоколот за НАТО

Заменик-амбасадорот на Сојузна Република Германија во САД, вчера го предаде официјалниот документ за ратификација на протоколот за пристапот на Македонија во НАТО.

– Со тоа, во Германија постапката за ратификација за пристапување на Македонија во НАТО е завршена, стои во денешното соопштение од Германската амбасада во Скопје.

Германскиот Буденстаг го ратификуваше пртоколот за члеснтво во НАТО на 6 јуни годинава.

притисни ентер