Надлежности на претседателот

 Претседателот на Македонија го изразува државното единство и ја претставува земјата на меѓународната политичка сцена, а своите права и должности ги врши врз основа и во рамките на Уставот и законите.

Претседателот се избира на општи и непосредни избори, со тајно гласање. Претседателскиот мандат трае пет години, почнувајќи од свеченото положување заклетва во Собранието . За претседател на Републиката исто лице може да биде избрано најмногу два пати.

Претседателот мора да биде државјанин на Македонија, на изборите да има најмалку 40 години живот. За претседател на Републиката не може да биде избрано лице кое до денот на изборите не било жител на Македонија најмалку десет години во последните 15 години.

Уставот предвидува кандидат за претседател на Републиката да можат да предложат најмалку 10.000 избирачи или најмалку 30 пратеници.

За претседател на Републиката е избран кандидатот кој добил мнозинство гласови од вкупниот број избирачи.

Ако во првиот круг ниту еден кандидат за претседател не го добил потребното мнозинство гласови, во вториот круг се гласа за двајцата кандидати кои во првиот круг добиле најмногу гласови.

Вториот круг на гласање се одржува во рок од 14 дена од завршувањето на првиот круг на гласањето. За избран во вториот круг се смета кандидатот кој добил мнозинство гласови од избирачите кои гласале, под услов на гласање да излегле најмалку 40 отсто од запишаните избирачи. Тоа е потребниот цензус.

Доколку и во вториот круг на гласање ниту еден од кандидатите не го добил потребното мнозинство гласови, се повторува целата изборна постапка. Тоа значи дека претседателот на Собранието, во чија надлежност е распишувањето на изборите, треба да ја почне постапката со донесување одлука за распишување избори за претседател на Републиката.

Изборниот законик предвидува државјаните на Македонија кои се на привремена работа или престој во странство, односно дијаспората како што популарно се нарекува, да гласаат на изборите за шеф на државата.

Изборната кампања на кандидатите за претседател на Македонија почнува 20 дена пред денот на изборите, а и во првиот и во вториот круг на гласање не смее да трае 24 часа пред денот на изборите и на самиот ден на изборите.

Изборот за претседател на Републиката, како што предвидува Уставот, се врши во последните 60 дена од мандатот на претходниот претседател. Во случај на престанок на мандатот на претседателот на Републиката од кои и да е причини, изборот за нов претседател се врши во рок од 40 дена од денот на престанокот на мандатот.

Пред преземањето на должноста, претседателот на Републиката дава свечена изјава пред Собранието, со која се обврзува на почитување на Уставот и законите.

Во случај на смрт, оставка, трајна спреченост да ја врши функцијата или престанок на мандатот по сила на Уставот, до изборот на нов претседател на Републиката, функцијата претседател на Републиката ја врши претседателот на Собранието.

Настапувањето на условите за престанок на функцијата претседател на Републиката го утврдува Уставниот суд на Република Македонија по службена должност.

Во случај на спреченост да ја врши функцијата, претседателот на Републиката го заменува претседателот на Собранието.

Кога претседателот на Собранието ја врши функцијата претседател на Републиката, тој учествува во работата на Собранието без право на одлучување.

Права и должности на шефот на државата

Според утврдените права и должности со Уставот и законите на Македонија, претседателот го определува мандаторот за состав на Владата, ги поставува и ги отповикува со указ амбасадорите и пратениците на Македонија во странство, ги прима акредитивните и отповиковните писма на странските дипломатски претставници, склучува меѓународни договори во име на Републиката, доделува одликувања и признанија и дава помилувања.

Указот за прогласување на законите го потпишуваат претседателот на Републиката и претседателот на Собранието. Претседателот на Републиката може да одлучи да не го потпише указот за прогласување на законот, доколку смета дека не е во согласност со Уставот или е во спротивност со потврдените меѓународни договори, и да го врати на повторно разгледување во Собранието. Доколку притоа Собранието го усвои со мнозинство гласови од вкупниот број пратеници, претседателот на Републиката е должен да го потпише указот. Претседателот на Републиката е должен да го потпише указот, доколку според Уставот, законот се донесува со двотретинско мнозинство гласови од вкупниот број пратеници.

Во рамки на надлежностите на претседателот на Републиката е и да предлага двајца судии на Уставниот суд , двајца членови на Судскиот совет , а предлага и двајца членови на Советот за радиодифузија. Претседателот го предлага и гувернерот на Народна банка, кој потоа го именува Собранието.

Претседателот на државата е врховен командант на вооружените сили на Републиката, го поставува и го разрешува началникот на Генералштабот на АРМ, поставува и разрешува генерали. Тој е и претседател на Советот за безбедност и именува тројца од членовите на Советот. Претседателот, исто така, го именува и го разрешува директорот на Агенцијата за разузнавање.

Титулата национален уметник ја доделува претседателот на Македонија, врз основа на предлог од министерот за култура, а по претходно мислење на комисија.

Одредбите што се однесуваат на претседателот на Македонија се сместени во Уставот (III дел – глава 2 и во други делови и глави) Преглед на должностите и овластувањата на Претседателот на Република Македонија според Уставот и законите, како и во определени закони.

Постапка за утврдување одговорност на претседателот на Републиката поведува Собранието со двотретинско мнозинство гласови од вкупниот број пратеници. За одговорноста на претседателот одлучува Уставниот суд со двотретинско мнозинство гласови од вкупниот број судии.

Ако Уставниот суд утврди одговорност на претседателот на Републиката, функцијата му престанува по сила на Уставот.

Ковачевски: СДСМ креира мерки за силна економија, ликвидни компании и европски животен стандард

Претседателот на Социјалдемократскиот сојуз на Македонија, Димитар Ковачевски денеска учествуваше и дискутираше на панел дискусијата насловена „Креираме развој преку поддршка на инвестиции“. 

Денешната трибина, како што посочи Ковачевски е добра можност да се сублимираат досегашните преземени мерки и резултатите од нив, во делот на поддршката на инвестициите и економијата, но истовремено и да се види што е она што треба да се преземе за уште подобри резултати.

Ковачевски посочи дека за силна економија е потребен ликвидно и силно стопанство, нови фабрики, раст на инвестициите, капитални инвестиции во инфраструктурата, развиено земјоделство, подобар животен стандард преку повисоки плати и пензии, пристап до ЕУ пазарите.

Справувањето со предизвици, поддршка на домашната економија и компаниите преку правилни таргетирани мерки, финансиска поддршка, раст на платите, беа во фокусот на дискусијата, кои воедно се и дел од столбовите во новата програма на СДСМ.

Ковачевски потенцираше дека правилните политики на Владата предводена од СДСМ, овозможија континуиран раст на платите и во време на криза.

"Минималната плата порасна на 22.500 денари, за само две години. Да не заборавиме дека во 2016 година беше само 8.000 денари, значи имаме неколкукратно зголемување на минималната плата. Во однос на просечната плата, нашето ветување беше дека ќе биде 500 евра просечна плата во 2024, денес гледаме дека е 650 евра. Тоа е резултат на целиот економски амбиент, иако бевме во време на криза. Невработеноста ја преполовивме од 25% на 12,8%. Значи преполовена невработеност, зголемена вработеност, во краток период. Просечната плата во 2028 година ќе достигне рекордни 1.100 евра, а минималната палта ќе достигне рекордни 600 евра", подвлече Ковачевски.

При тоа, Ковачевски посочи дека во новата програма за 2024-2028 година предвидени се уште поголеми инвестиции, уште поголема поддршка за граѓаните, уште поголемо зголемување на минималната плата, на просечната плата и секако намалување на невработеноста, како дел од можностите кои што ги даде ЕУ.

„Прво економијата и поддршката на компаниите, инвестициите беа високо на агендата на Владата која јас ја предводев и на претходната Влада, природно доаѓа тоа бидејќи јас сум економист. Но уште поприродно доаѓа во време на криза кога мора да работите прво на спасување на ликвидноста на компаниите, второ спас на работните места и трето одржување на животниот стандард на граѓаните со оглед на тоа дека секој е погоден од кризата и компаниите и граѓаните и оние што се најзасегнати а тоа се ранливите категории на граѓани. И затоа во изминатите 7 години ние генерално имавме многу силен акцент ставено на економијата." – истакна Ковачевски.

Во наредниот 4 годишен период со новата програма на СДСМ планирани се 180 милиони евра директна финансиска поддршка на домашните компании за инвестиции во производство, 3,5 милијарди евра капитални инвестиции, особено во инфраструктурни проекти, од кои 2,7 ќе бидат само во патна инфраструктура а тоа значи вработување за македонската економија, зголемување на бројот на вработеност, а со тоа и раст на платите и раст на пензиите.

Со 100 милиони евра Владата предводена од СДСМ поддржа 919 компании, за разлика од пред 2017 година, кога имаше нула поддршка за домашните компании. Во последниот деветти пакет антикризни мерки, во вредност 662 милиони евра, 492 милиони евра се предвидоа за поддршка на приватниот сектор, преку мерки за одржување на ликвидноста на компаниите, конкурентноста, поддршка за инвестиции во обновливи извори, зачувување на работните места, поволни заеми за мали и средни претпријатија во износ од вкупно 2,6 милијарди евра преку антикризни мерки се вратија назад кај граѓаните и стопанството.

Ковачевски потенцираше дека секоја стратешка одука има стратешка цел, а тоа е развој на економијата, развој на приватниот сектор, нови вработувања и подобро платени работни места. Овие цели се исполнуваат со продолжување по европскиот пат и со обезбедување на европската иднина за граѓаните и државата.

Целта која ја застапува СДСМ и Коалицијата значи интеграција и европска иднина.

"Се друго се сценарија кои немаат економска логика, зад кои не стои никаква ниту политичка ниту економска калкулација и коишто ќе значат само враќање во некои неизвесни времиња. СДСМ нуди извесност, нуди надеж и напорна работа за да може да го оствари она што го заслужува Македонија, како земја која културолошки, економски и по секој друг основ и припаѓа на Европската Унија", рече Ковачевски, се наведува во партиското соопштение.

Папата им ги изми и им ги бакна нозете на 12 затворенички во Рим (ВИДЕО)

Папата Франциск им ги изми и бакна нозете на 12 затворенички во римски затвор, во симболичен обред на понизност и служба на Велики четврток.

Аргентинецот попладнево го посети женскиот затвор Ребибија, кој се наоѓа во североисточниот дел на италијанската престолнина.

Седејќи во инвалидска количка, 87-годишниот папа им ги изми нозете на сите 12 затворенички, од кои некои беа во солзи, пред да ги избрише со крпа и да ги бакне.

Светиот Отец се чинеше дека е во добра форма, иако во последните денови во медиумите се шпекулираше за неговата здравствена состојба поради честите инфекции кои во неколку наврати го спречуваа да ги заврши своите говори.

„Сите ние доживуваме мали и големи неуспеси“, рече Франциск во импровизирана проповед за време на миса одржана во срцето на затворот каде што се притворени 370 жени.

Неколку минути претходно Франциск се насмевна и се ракува со затвореничките. Во христијанската традиција, Велики четврток го означува денот кога Исус им ги измил нозете на апостолите за време на Тајната вечера.

Од неговото именување во 2013 година, Франциск е чест гостин на затворите или прифатните центри за бегалци, каде што им ги миел нозете на поранешните мафијаши, болни или маргинализирани луѓе.

Се очекува тој да ги води станиците на Крстот во Колосеумот во петок навечер.

Муцунски: Централниот комитет на ВМРО-ДПМНЕ ги усвои победнички листи за парламентарните избори

Извршниот комитет на ВМРО-ДПМНЕ одржа седница, а во овие моменти привршува и седницата на Централниот комитет на ВМРО-ДПМНЕ каде се усвоени пратеничките листи на ВМРО-ДПМНЕ и Коалицијата за наредните парламентарни избори.

Ова се победнички листи и се надеваме на мнозинската поддршка од граѓаните на Република Македонија.

Овие избори се всушност одлука за тоа каква Македонија сакаме. Нивната, таа на власта, затворена, омаловажена, криминализирана, или онаа Македонија каква народот ја сака, и за каква се бориме. Македонија со надеж, иднина и сигурност.

Македонија која ќе биде повторно на народот, институциите ќе бидат функционални, системот ќе биде нормализиран.

Народот бара и очекува одговорност, бара и очекува принципи и враќање на вредностите во политиката.

Ова се победнички пратенички листи, а при нивното составување се водеше сметка за гласот на народот, нивните барања и потреби.

Носителите на овие победнички листи се:

Во првата изборна единица е лидерот на ВМРО-ДПМНЕ Христијан Мицкоски каде очекуваме огромна поддршка и огромна победа.

Втората изборна е мојот колега и пријател Владо Мисајловски.

Третата изборна единица е Драган Ковачки.

Четвртата изборна единица е потпретседателот Александар Николоски.

Петата изборна единица генералниот секретар на ВМРО-ДПМНЕ Ѓорѓија Сајкоски.

И шестата изборна единица каде очекуваме исто така убедлива доминација во однос на СДС е Дафина Стојановска.

ИЕ 1

1. Христијан Мицкоски

2. Гордана Кочовска Димитриевска

3. Коалиција

4. Синиша Стојановски

5. Бети Стаменковска

6. Тони Јаревски

7. Иван Живковски

8. Љупчо Пренџов

9. Марија Митева

10. Иванка Василевска

11. Коалиција

12. Велика Стојкова Серафимовска

13. Сергеј Попов

14. Јане Мицески

15. Бисера Златеска

16. Катерина Димитровска

17. Игор Никовски

18. Мартин Стојановски

19. Александра Николовска

20. Тодор Коневски

ИЕ 2

1. Владо Мисајловски

2. Жаклина Пешевска

3. Коалиција

4. Бобан Николовски

5. Бојан Стојановски

6. Каролина Насковска

7. Зоран Коцевски

8. Бране Петрушевски

9. Дијана Илиевска

10. Емилија Ангелова

11. Коалиција

12. Ерџан Демири

13. Весна Додевска

14. Зоран Бајовски

15. Ивица Димковски

16. Дени Милевски

17. Габи Калкова

18. Никола Стојковски

19. Мартина Ристовска

20. Валентина Петровска

ИЕ 3

1. Драган Ковачки

2. Никола Мицевски

3. Рашела Мизрахи

4. Игор Здравковски

5. Коалиција

6. Благица Ласовска

7. Миле Лефков

8. Даниела Христова

9. Марија Петрушевска

10. Душко Иванов

11. Александар Јамалов

12. Драгана Бојковска

13. Емил Спасовски

14. Драгана Арсова

15. Столе Кракутовски

16. Љупчо Спиров

17. Гордана Барбашка

18. Јорданчо Костадинов

19. Мартин Ефремовски

20. Анкица Анакиева

ИЕ 4

1. Александар Николоски

2. Антонијо Милошоски

3. Ели Панова

4. Дејан Проданоски

5. Зоран Јованчев

6. Ангелинка Петкова

7. Петар Ристески

8. Златко Пенков

9. Моника Ристеска

10. Јулија Тушева

11. Жан Дрвошанов

12. Петар Марков

13. Билјана Кузмановска

14. Весна Ѓорѓиева

15. Мито Андонов

16. Јадранка Поцкова

17. Наталија Димитриева

18. Гоце Дединец

19. Сашо Граороски

20. Никола Златески

ИЕ5

1. Ѓорѓија Сајкоски

2.Олга Лозановска

3.Сашо Донев

4. Пеце Милевски

5. Јован Јаулески

6. Лидија Петковска

7. Мевмед Џафери

8.Кире Божиновски

9. Силвана Ангелевска

10. Грација Бакрачевска

11. Лазе Јакимовски

12. Ѓорѓи Влајкиновски

13. Благица Крстеска

14. Никола Дранговски

15. Леон Мерсовски

16. Менче Марковска Андреева

17. Билјана Стефановска

18. Жанета Петреска

19. Мартин Иваноски

20. Ѓорѓи Шопоски

ИЕ 6

1. Дафина Стојаноска

2. Александар Велјановски

3. Валентина Марчевска

4. Коалиција

5. Верица Апостоловска

6. Ванчо Милевски

7. Алишериф Синани

8. Анета Ќироска

9. Анита Бошкоска Јованоска

10. Мишо Маринковски

11. Бране Стојчевски

12. Верица Тофиловска

13. Ивана Савеска

14. Даниела Апостоловска

15. Деан Трпески

16. Марина Петровска

17. Горан Зафировски

18. Тања Сибиновска

19. Лилјана Спиревска

20. Александра Спироска

Драги пријатели,

Ова се луѓе со кредибилитет. Искусни и енергични. Луѓе кои и требаат на Македонија, луѓе кои ќе се борат за решенија, за решавање на проблемите. Имаме тешка задача пред нас да ја кренеме Македонија и да ја вратиме надежта. Само заедно ќе успееме,рече Тимчо Муцунски, потпретседател на ВМРО-ДПМНЕ.

притисни ентер