УНЕСКО препорачува Охрид да се стави на листата на загрозено светско наследство

УНЕСКО го вклучи алармот - во својот најнов извештај препорачува Охрид и регионот да бидат ставени на листата на загрозено светско наследство.

Охридските дивоградби и малиот напредок во решавањето на проблемите се најдоа под лупа на УНЕСКО. Организацијата на ООН во последниот извештај со препорака Охрид да биде ставен на листата на загрозено светско наследство. Од земјава во следниот период меѓудругото се бара да воспостави мораториум на градби до езерото, но и да ги урне веќе постоечките дивоградби кои се опасност за подрачјето.

Мораториум на какви било урбани трансформации на брегот сè додека не се финализираат и усвојат ефективни законски решенија за заштита и механизми за нивно спроведување.

Проценка на нелегалните градби и да се утврди нивното влијание на заштитеното подрачје и потоа да се срушат сите кои претставуваат опасност за подрачјето. Строго да се спроведуваат законите правилниците да се спречат понатамошни дивоградби.

Во извештајот кој треба да биде разгледан кон крајот на идниот месец исто така се нотира дека охридското крајбрежје е погодено со несоодветна градба, урбано развивање и експлоатација на брегот, како и зголемено загадување и уништување на животната средина, предизвикано од силниот притисок на туризмот. Од опозициската ВМРО-ДПМНЕ побараа свикување на итна седница на комисијата за култура на која што би се дискутирало за Охрид и листата на УНЕСКО.

Градот веќе некој период го бранува и изградбата на минарето од Али-пашината џамија, за кое охриѓани вчера протестираа, барајќи од премиерот да изнајде решение, за кое тој денеска им одговори дека очекува да го пронајде преку дијалог.

Организаторите на протестите побараа и од локалната власт да се заложи за решавање на случајот, и најавија дека во спротивно протестите ќе продолжат се додека институциите не постапат согласно законите.

Тешка несреќа во Индија – најмалку 42 загинати кога автобус падна во бездна длабока 500 метри (ВИДЕО)

Најмалку 42 патници загинаа во индиската држава Химачал Прадеш , кога автобус , кој превезувал над 70 патници се преврте во река на дното на бездна длабока 500 метри. 

Голем број од патниците се возеле на покривот на автобусот. Повеќе од 30 патници се повредени кога автобусот се превртел во река во планинскиот предел Кулу.

Бројот на загинати може да се зголеми , зашто не се знае колкумина од оние што седеле на покривот на автобусот настрадале во несреќата.

Автобусот пропаднал во бездна длабока 500 метри во планински предел на 60 километри од градот Кулу.

Почна самитот на ЕУ – Се очекува потврда на заклучокот за Македонија

Без поголеми очекувања дека може да дојде до пресврт и промена на заклучците  што пред два дена ги освија министерите за надворешни работи, лидерите на Европската Унија го почнаа дводневниот самит во Брисел..

Темата на проширувањето, според очекувањата, не е високо на денешната ангенда на Европскиот Совет.

Александар Видиновски е во Брисел..

Потпишан Меморандум за соработка на граничните премини меѓу Владата и „Макам Транс“

Целта на Меморандумот е подобрување на условите за меѓународен транспорт на стоки придонесува за зголемување на растот и продуктивноста и е во насока на спречување на корупција и криминал

Националниот координатор за гранично управување при Владата на Република Северна Македонија, Владимир Пивоваров и Билјана Муратовска, генерална секретарка на Асоцијацијата на превозници „Макам Транс“- Скопје, денеска во присуство на заменикот на претседателот на Владата и министер за внатрешни работи, Оливер Спасовски и директорот на Царинската управа, Ѓоко Танаскоски потпишаа Меморандум за заедничка соработка, во борбата против корупцијата на граничните премини при влез и излез во земјата, како и граничните премини во странство.

Во воведното обраќање, Националниот координатор за гранично управување, Владимир Пивоваров истакна дека најважно средство во борбата против криминалот е информацијата за направени незаконити дејствија, навремено да стигне до надлежните институции кои понатаму ќе дејствуваат.

„Добивањето на првичната информација за корупција и криминално однесување обезбедува навремено почнување со реалната борба против корупцијата и овој Меморандум обезбедува ние да бидеме сервис за споделување на информации во Северна Македонија и надвор од неа. Соработката со „Макам Транс“ предвидува, превозниците на кои на граничните премини ќе им биде побарано мито од страна на цариник, полицаец или инспектор за храна и ветерина, таквата информација да ја достават до нивната централа, која потоа ќе биде проследена до Дежурниот Оперативен Центар при Национален Координативен Центар за Гранично Управување. Центарот ќе има обврска таа информација веднаш да ја сподели до надлежната институција за понатамошно постапување“, рече Националниот координатор за гранично управување, Пивоваров додавајќи дека за бројот на примените и дистрибуирани информации, Координативниот Центар ќе доставува месечен извештај до Владата на Република Северна Македонија.

Министерот за внатрешни работи Спасовски подвлече дека Меморандумот за заедничка соработка на граничните премини е од исклучителна важност за одржување на континуитетот во воспоставувањето потесна, оперативна и ефективна соработка меѓу институциите и граѓаните  при обезбедувањето на проток на патници и трговска стока.

„Овој Меморандум ќе обезбеди и навремено детектирање и анулирање на сите пречки за обезбедување на безбеден и слободен транспорт. Меморандумот обезбедува практично следење и конкретна размена на информации, кои превозниците ќе имаат можност преку Информатичка Технологија (ИТ) да ја пријават и истовремено очекуваме намалување на ризиците и реално намалување на криминалот и корупцијата. Ве охрабруваме, Вас превозниците, а и полицајците, цариниците и сите институции на системот, заедно да застанеме во борбата со корупцијата на границите“, истакна во своето обраќање министерот за внатрешни работи, Спасовски.

Подетално за апликацијата, која ќе биде бесплатна и ќе ја има на веб страницата на Асоцијацијата „Макам Транс“ и ќе биде достапна и за корисниците на мобилни телефони, говореше генералната секретарка Муратовска.

„Апликацијата ќе може да ја користи било кој превозник, не мора да биде член на нашата Асоцијација“, рече Муратовска нагласувајќи дека пријавувањето на незаконските дејности ќе биде анонимно. Муратовска се заблагодари на Владата за вклучувањето во борбата со корупцијата и за залагањето за надминување на пречките со кои се соочуваат превозниците.

Според директорот на Царинската Управа, Танаскоски, мерките и соработката кои се регулираат во Меморандумот ќе обезбедат подобри услови за внатрешен и меѓународен транспорт на стока и проток на патници и со тоа директно ќе се влијае на олеснување и зголемување на трговијата и подобрување на економската соработка и раст.

Учесниците на денешниот настан упатија порака за охрабрување и подигнување на  свеста и совеста на сите кои се соочуваат, да ги пријават незаконските дејствија со цел намалување и на крајот и искоренување на корупцијата и криминалот во земјата.

притисни ентер