Потпишан Меморандум за соработка на граничните премини меѓу Владата и „Макам Транс“

Целта на Меморандумот е подобрување на условите за меѓународен транспорт на стоки придонесува за зголемување на растот и продуктивноста и е во насока на спречување на корупција и криминал

Националниот координатор за гранично управување при Владата на Република Северна Македонија, Владимир Пивоваров и Билјана Муратовска, генерална секретарка на Асоцијацијата на превозници „Макам Транс“- Скопје, денеска во присуство на заменикот на претседателот на Владата и министер за внатрешни работи, Оливер Спасовски и директорот на Царинската управа, Ѓоко Танаскоски потпишаа Меморандум за заедничка соработка, во борбата против корупцијата на граничните премини при влез и излез во земјата, како и граничните премини во странство.

Во воведното обраќање, Националниот координатор за гранично управување, Владимир Пивоваров истакна дека најважно средство во борбата против криминалот е информацијата за направени незаконити дејствија, навремено да стигне до надлежните институции кои понатаму ќе дејствуваат.

„Добивањето на првичната информација за корупција и криминално однесување обезбедува навремено почнување со реалната борба против корупцијата и овој Меморандум обезбедува ние да бидеме сервис за споделување на информации во Северна Македонија и надвор од неа. Соработката со „Макам Транс“ предвидува, превозниците на кои на граничните премини ќе им биде побарано мито од страна на цариник, полицаец или инспектор за храна и ветерина, таквата информација да ја достават до нивната централа, која потоа ќе биде проследена до Дежурниот Оперативен Центар при Национален Координативен Центар за Гранично Управување. Центарот ќе има обврска таа информација веднаш да ја сподели до надлежната институција за понатамошно постапување“, рече Националниот координатор за гранично управување, Пивоваров додавајќи дека за бројот на примените и дистрибуирани информации, Координативниот Центар ќе доставува месечен извештај до Владата на Република Северна Македонија.

Министерот за внатрешни работи Спасовски подвлече дека Меморандумот за заедничка соработка на граничните премини е од исклучителна важност за одржување на континуитетот во воспоставувањето потесна, оперативна и ефективна соработка меѓу институциите и граѓаните  при обезбедувањето на проток на патници и трговска стока.

„Овој Меморандум ќе обезбеди и навремено детектирање и анулирање на сите пречки за обезбедување на безбеден и слободен транспорт. Меморандумот обезбедува практично следење и конкретна размена на информации, кои превозниците ќе имаат можност преку Информатичка Технологија (ИТ) да ја пријават и истовремено очекуваме намалување на ризиците и реално намалување на криминалот и корупцијата. Ве охрабруваме, Вас превозниците, а и полицајците, цариниците и сите институции на системот, заедно да застанеме во борбата со корупцијата на границите“, истакна во своето обраќање министерот за внатрешни работи, Спасовски.

Подетално за апликацијата, која ќе биде бесплатна и ќе ја има на веб страницата на Асоцијацијата „Макам Транс“ и ќе биде достапна и за корисниците на мобилни телефони, говореше генералната секретарка Муратовска.

„Апликацијата ќе може да ја користи било кој превозник, не мора да биде член на нашата Асоцијација“, рече Муратовска нагласувајќи дека пријавувањето на незаконските дејности ќе биде анонимно. Муратовска се заблагодари на Владата за вклучувањето во борбата со корупцијата и за залагањето за надминување на пречките со кои се соочуваат превозниците.

Според директорот на Царинската Управа, Танаскоски, мерките и соработката кои се регулираат во Меморандумот ќе обезбедат подобри услови за внатрешен и меѓународен транспорт на стока и проток на патници и со тоа директно ќе се влијае на олеснување и зголемување на трговијата и подобрување на економската соработка и раст.

Учесниците на денешниот настан упатија порака за охрабрување и подигнување на  свеста и совеста на сите кои се соочуваат, да ги пријават незаконските дејствија со цел намалување и на крајот и искоренување на корупцијата и криминалот во земјата.

Трамп: Оставката на Моралес е значаен момент за демократијата

Претседателот на САД Доналд Трамп рекол дека оставката на претседателот на Боливија Ева Моралес е значаен момент за демократијата во западната хемисфера.

„За еден чекор сме поблиску до целосна демократска, напредна и слободна западна хемисфера“, рекол претседателот на САД.

Трамп рекол дека САД им аплаудира на народот во Боливија затоа што се избориле за слобода и на војската која ја почитува заклетвата дека ќе го штити Уставот на својата земја.

Тој рекол дека Боливија пратила силен сигнал на Венецуела и Никарагва дека демократијата и желбата на народот секогаш преовладуваат.

Моралес вчера поднесе оставка откако војската го повика да го направи тоа по повеќенеделните протести предизвикани од спорните изборни резултати.

Макрон го пречека Претседателот Пендаровски

Претседателот на Република Македонија Стево Пендаровски беше пречекан во Париз од страна на Францускиот претседател Емануел Макрон.

Претседателот Пендаровски на Фејсбук објави фотографии од ракувањето со Марон.

„Вечерва имав чест да присуствувам на вечерата во пресрет на Парискиот мировен форум, на покана на францускиот претседател Емануел Макрон, заедно со шефовите на држави и учесници на Форумот, на кој ќе дискутираме за потребата од заеднички решенија за справување со глобалните предизвици“, напиша Пендаровски во објавата.

Инаку официјалната средба на Макрон и Пендаровски е закажана за утре.

Димкоски: ВМРО-ДПМНЕ ги понижи земјоделците

СДСМ се грижи, само минатата година 424 млади земјоделци користат грант од 10.000 евра

Откако СДСМ ја презеде одговорноста се соочи со громорозна слика во земјоделието. ВМРО-ДПМНЕ на принципот во четири и очи и прв дојден-прв услужен ги делеше неправедно субвенциите и доделуваше неповратни грантови. Наместо кај вистинските земјоделци, ги понижи земјоделците. Со СДСМ има неселективност и секој земјоделец има фер и еднаква шанса - рече членот на ЦО на СДСМ и Министер за земјоделство, водостапнство и шумарство, Димкоски, на граѓанската трибина на СДСМ „На прав пат" во Свети Николе.

Димкоски потенцираше дека само минатата година 424 млади земјоделци користат грантови од 10.000 евра и дека веќе во Собранието е поднесен предлог за зголемување на субвенцијата на млад земјоделец од 10.000 евра на 20.0000 евра.

притисни ентер