Македонија

Дали некој намерно го кочи судењето за „Монструм“?

Повторното одложување на „Монструм” одново ги актуелизираше дилемите дали зад овој предмет стои некој кој не сака случајот за петкратното убиство кај Смилковското езеро да добие судска разрешница.

Неодржувањето на закажаното рочиште предизвика револт кај родителите на убиените момчиња, кои повторно побараа од судот да се декласифицираат пет телефонски броеви кои биле прислушувани со пим мерки, за кои тие тврдат дека се на функционери од ДУИ.

Горан Наќевски , татко на убиениот Александар и денеска истакна дека додека е ДУИ на власт случајот нема да се реши и ќе се одложува со години.

– Дајте ни го класерот со државна тајна. Ние веќе и ги знаеме функционерите на ДУИ, Сафет Незири, Бујар Османи, Невзат Бејта, Беким Незири, рече Наќевски.

Вицепремиерот за европски прашања Бујар Османи ги отфрли овие обвинувања. Тој рече дека од ДУИ уште од почетокот на судењето побарале поголема транспарентност во процесот. Тој рече дека во јавноста има одредено чувство кај етничките заедници дека имаме етничка пристрасност, односно наклонетост при носење на судските одлуки во зависност од етничкта припадност на сторителот на дејството,

“ Немам апсолутно никакви сознанија. Веројатно уште некој ден ќе ме спомнуваат и за убиството на претседателот Кенеди. Тоа прашање и тој предмет е веќе во судски инстанции и очекуваме што побрзо да се разрешат сите дилеми бидејќи очигледно јавноста е сензитивна на епилогот од тоа прашање. ДУИ уште од почеток побара поголема транспарентност на тој процес, бидејќи очигледно не беше доволно транспарентен штом граѓаните не се убедени во доказите и побаравме поголема вклученост на меѓународните институции за да гарантираат кредибилитет во процесот. Очигледно е дека во јавноста имаме одредено чувство кај етничките заедници дека постои етничка наклонетост при носење на судските одлуки во зависност од етничката припадност на сторителот на дејството. И за да ги потврдиме научно или да ги отфрлиме ваквите перцепции во јавноста со ОБСЕ почнуваме иницијатива за научно потврдување на евентуален етнички бајаз во судството преку одбирање на рандомни случаи од минатото на слични дела кои што ги вршеле сторители од различна етничка припадност за да видиме дали одлуките на судот се засноваат односно се наклонуваат во зависност од припадноста на граѓаните. Очекуваме да видиме дали ова е перцепција или навистина тоа е така, доколку е така претстои сериозен процес на ветинг во судството. “,вели Бујар Османи – вицепремиер за европски прашања.

Денешното рочиште беше одложено поради необезбедено присуство на двајцата сведоци кои требаше да дадат исказ. Судијата Осман Шабани на судењето телефонски побара информација од полициските станици Бутел и Гази Баба зошто сведоците не се донесени во судница, на што доби одговор дека едниот сведок бил недостапен, односно куќата која била наведена во неговата адреса била продадена. Додека другиот сведок веќе еднаш сведочеше пред судот и наметна теза дека автомобилот “опел омега” со кој се превезувале извршителите на убиството е во сопственост на МВР.

Овој сведок треба да се појави повторно заради повторување на постапката откако врховниот суд во 2017-тата ги укина пресудите и го врати предметот на повторно одлучување, кој пак сега го води специјалното јавно обвинителство.

Следното рочиште за овој предмет е закажано за први јули.

Свет

Ужас во Бразил: Најмалку 20 полураспаднати тела се најдени во чамец

Најмалку 20 тела во фаза на распаѓање се пронајдени во чамец во близина на брегот на североисточниот дел на Бразил, соопштија официјални лица.

Бродот бил пронајден во близина на брегот на Браганца, североисточно од Паро, на 13 април.

Оттогаш се покренати две истраги.

Официјални лица изјавија дека најмалку 20 тела биле пронајдени во чамецот, но поради распаѓањето на телата, не е познато колкумина загинале во чамецот.

Се претпоставува дека починатите не се од Бразил, туку најверојатно од Карибите, изјавиле истражувачите за CNN Brasil.

Локалните власти соопштија дека немало неодамнешни извештаи за исчезнати Бразилци.

Свет

Новинар е убиен во трговски во Колумбија, зашто пишувал за корупција- десет луѓе немо посматраа

Новинарот Хаиме Васкез (54) е убиен во неделата во североисточниот колумбиски град на границата со Венецуела, а се претпоставува дека причината поради која бил нападнат е тоа што главно пишувал и истражувал случаи поврзани со корупција.

Тој бил адвокат, новинар и активист познат по „разоткривањето на корупцијата“ во регионот, изјави колумбискиот претседател Густаво Петро на социјалната мрежа Х, поранешна Твитер.

Претседателот наредил „детална истрага“ за да се фатат сторителите на ова ужасно злосторство.

Доказите, во форма на видео снимки, објавени од колумбиските медиуми потврдуваат дека Хаиме Васкез бил убиен во неделата во продавница во Кукута пред најмалку десет сведоци.

Хаиме бил љубител на „истражување и истакнување во јавните дебати каде што даваше одговори на прашања за кои многу луѓе не сакаат да зборуваат“, рече Џонатан Мохика, пријател на Хаиме Васкез.

Новинарот правел емисии на социјалната мрежа Фејсбук во кои јавно зборувал за незаконитости во јавниот сектор и злоупотреба на овластувањата од страна на локалните власти.

„Постојано добиваше закани поради неговите откритија“, рече Мохика.

Колумбиската фондација за слобода на печатот го осуди убиството и повика на „брза и темелна истрага“.

„Работата на Хаиме Васкез, која откри неправилности во јавните договори и коруптивни практики, го направи многу познат“, соопшти Фондацијата.

Според нивните податоци, дури 163 новинари добиле закани во текот на 2023 година.

Автомобилизам

Новиот електричен Maserati GranCabrio Folgore за целосно визуелно уживање (ФОТО)

Убавицата на Maserati вози на струја, нуди врвни перформанси и целосно визуелно задоволство.

Новото Maserati е доказ дека дури и електричниот погон може да поигрува со емоциите и на најжестоките љубители на суперспортски автомобили. Кога автомобилот изгледа како новото Maserati, тогаш може да му се прости отсуството на соодветна звучна сцена, некогаш V8 мотор, а денес подеднакво импресивен V6 Nettuno.

GranCabrio ја доби верзијата Folgore, што значи дека прекрасниот кабриолет доби електричен погон. Се состои од конфигурација со три електромотори (3x300 kW) и максимална моќност од 830 КС и 1350 Nm. До 100 km/h стигнува за 2,8 секунди, а максималната е 290 km/h.

Во споредба со класичниот GranCabrio, електричната опција има малку изменет преден дел, а со тоа и поаеродинамична форма. Да го додадеме малку неочекуваниот избор на гуми со помал отпор на тркалање, сè со цел да го доведеме дофатот до попристојни вредности. Возат од 419 до 447 km со капацитет на батерија од 92,5 kWh (нето 83,5 kWh), кој може да се полни со моќност до 270 kW.

Некои модерни времиња и во кабината. Дигиталниот кокпит со 12,2-инчен екран е надграден со 12,3-инчен инфозабавен екран и дополнителен 8,8-инчен екран. Аудио системот е потпишан од Sonus, се нуди телеметрија, а опремата е првокласна.

И она што е важно, при брзина до 50 km/h, покривот се отвора за 14 секунди, по што можете да уживате во тивкото крстарење по кривулестите патишта. Истовремено, вратовите на патниците ќе се загреваат со оптимизираната клима.

притисни ентер