Заев: Не се прифатливи партиски ултиматуми кои имаат за цел да кријат криминал

Владата предлага целокупниот тим на СЈО да премине во постоечкото Јавно обвинителство за гонење на организиран криминал и корупција.

Со независност и слични привилегии какви што досега ги имаше СЈО и да се преименува во обвинителство за гонење на организиран криминал и висока корупција. Со оглед на тоа дека мандатот на обвинителите истекува на 15 септември, тие ќе имаат право да конкурираат или не да бидат или не избрани да продолжат да работат во Обвинителството на Рускоска, каде ќе бидат преземени целокупната структура, ресурси, опрема материјали и архива на СЈО, но не и „бомбите“.

Според членот 106 од денот на примената на законот, надлежностите на СЈО преминуваат во Обвинителството за гонење на организиран кимнал и висока корупција, а започнатите постапки продолжуваат во фазата во која се преземени.

Предлог законот на Владата доаѓа по пропадната лидерска средба и неуспехот за конечен договор меѓу партиските работни групи. Премиерот Заев рече дека Мицкоски немал аргументирана причина да ја одбие лидерската средба, а одговорноста за потребното двотретинско мнозинство за законот за јавното обвинителство сега е во рацете на пратениците.

Предлог законот в понеделник ќе биде испратен во Собранието, а уште денеска до партиите. Заев очекува мнозинството во собранието да се обезбеди до крајот на овој месец а да се гласа веќе во август.

Локализиран пожарот од страна на Пинтија

Целосно е локализиран пожарот од страна на Пинтија, останува дел над населбата Усје. 

Противпожарни екипи се на терен и се работи на негово комплетно гаснење, информираат за МИА од Територијалната противпожарна единица на Град Скопје.

Пожарот избувна денеска околу 11:30 часот во шумата над скопската населба Пинтија. Зафатена беше поголема површина мешана шума.

Територијалната противпожарна единица на Град Скопје во гаснењето на пожарот доби помош и од воздух, активирани беа и авионите на Дирекцијата за заштита и спасување. Авионите направија два прелети  и фрлија вода кон Сопиште, каде се ширеше пожарот. Пожарникарите уверуваат дека нема опасност за ширење на пожарот кон Сопиште.

Во гаснењето на пожарот во Пинтија се вклучи и градоначалникот на Кисела Вода Филип Темелковски со претставници од Општината и месното население.

Во моментов активен е само пожарот кај Обиколница Бутел, а изгаснати се пожарите во Долно Блаце и Мојанци./МИА

Во сообраќајна несреќа настрадале мајка и ќерка од Пирот

Наместо да стигнат на одмор во Грција тие настрадале во сообраќајна несреќа.

Во сообраќајната несреќа која се случила во петок изутрина во Бугарија, на магистралниот пат кон Грција се случила сообраќајна несреќа во која настрадале мајка и ќерка, додека таткото кој го управувал возилото со тешки повреди е пренесен во болница.

Како што соопштуваат бугарските медиуми, несреќата се случила откако возилото „Фиат Панда“ со пиротски регистарски таблички од непознати причини нагло свртело на другата страна од коловозната лента и направило директен судир со автобус кој се обраќал на релација Благоевград- Сапарева бања.

Семејството од Пирот на кое му се случи оваа несреќа било тргнато на годишен одмор во Грција.

Тројца мртви во инцидент меѓу навивачи во Хондурас

Тројца се убиени во инцидент меѓу навивачи пред фудбалскиот меч помеѓу Мотахуе и Олимпија на Националниот стадион во Хондурас, пишуваат локалните медиуми.

Тие пренесуваат дека навивачи на Олипија го нападнале автобусот во кој се возеле навивачи од противничкиот тим. Се слушало пукање а полицијата користела солзавец за да го сопре инцидентот. Повредени се уште тројца луѓе од скршено стакло.

притисни ентер