Ниските напади за мизогинија, личните дискредитации, навредите за интелектуални капацитети, со кои не може да се гордее ниту еден политичар, само потврдуваат дека кај Силјановска, Мицоски и ДПМНЕ расте паниката од пораз на изборите, најавен уште кога не успеаја да соберат доволно потписи за поднесување на кандидатурата на Силјановска за претседател.

Силјановска и Мицкоски немаат што да кажат за програма, план и визија за иднината на државата и на граѓаните, па затоа упатуваат навреди кон Пендаровски и Ковачевски.

Ништо не е променето во ДПМНЕ, тоа е истата режимска партија, која сее раздор, навреди, омаловажувања и закани, која на граѓаните може да им понуди враќање во минатото и изолација.

Граѓаните сакаат напред, сакаат да живеат во европска Македонија, затоа на изборите ќе го дадат својот глас за европска иднина со СДСМ и Стево Пендаровски.

СДСМ

Од нив, 13 возила се движеле со брзина над 50 километри на час повеќе од дозволеното, а едно возило со дури над 70 километри на час повеќе од дозволената брзина. Притоа, 96 возила ја пречекориле брзината во населено место, а 124 надвор од населено место.

Сообраќајните контроли продолжуваат и во наредните денови.

Кинескиот претседател Си Џинпинг денеска изјави дека односите на Кина со Германија ќе продолжат цврсто да се развиваат, се додека двете страни меѓусебно се почитуваат и бараат заеднички јазик, и покрај разликите што постојат.

Си, на средбата со германскиот канцелар Олаф Шолц, кој е во тридневна посета на Кина, рече дека билатералните односи мора да се развиваат во секој аспект, од долгорочна и стратешка перспектива.

„Се додека двете страни се почитуваат меѓусебно, бараат заеднички јазик, додека одржуваат различни позиции за одредени прашања, комуницираат и учат едни од други, а притоа постигнуваат заемна корисна соработка, односите меѓу Кина и Германија ќе продолжат постепено да се развиваат“, му порача Си на Шолц.

Пред средбата, како што пренесува ДПА, Шолц соопшти дека ќе го предупреди Си да не дава воена поддршка за Русија. Кина се смета за најважен сојузник на Москва и е осомничена дека ја снабдува земјата со стоки што може да се користат и за цивилни и за воени цели, потенцијално зајакнувајќи ја Русија во нејзината тековна војна против Украина.

Шолц ја започна тридневната посета на Кина, втора на канцеларот откако ја презеде функцијата во 2021 година, со посета на Чонгкинг, најголемиот град во светот, по што следеше застанување во Шангај каде што се сретна со претставници од германските бизниси и Германската стопанска комора во странство, каде разговараше за проблемите со кои се соочуваат компаниите во Кина.

Германскиот канцелар е придружуван од десетина извршни директори, меѓу кои и шефовите на производителите на автомобили Мерцедес-Бенц и БМВ, како и на хемиската компанија БАСФ. Фолксваген, најголемиот европски производител на автомобили, овојпат не е застапен.