Социјалните мрежи преплавени со слики од руската апликација „FaceApp“

Социјалните мрежи се преплавени од новата Руска алатка Фејс ап. Збрчкани  лица и обелени коси повторно се појавија на профилите на Фејсбук.

Секој љубопитен човек  има  можност да види како ќе изгледа во иднина ,и како ќе му прилегаат брчките на лицето. Ваквите апликации собираат податоци за лицето велат експертите со самото прифаќање на апликацијата  , достапна е електронската пошта   и телефонскиот број на лицето кој ја превзема апликацијата ,а достапни се и фотографиите .

Руската апликација создаена во  2017 година во Санкт Петербург, е една од најсимнуваните апликации во светот.

Од дирекцијата на заштита на личните податоци велат дека до сега се извршени над 100 надзори меѓу кои и за социјалните мрежи и злоупотребите на интернет.

Надзорите  се редовни , вонредни и контролни. Граѓаните најчесто се жалат за злоупотребите со лажни профили , вознемирување , и објавување на видеа  каде се нарушува приватноста. Луѓето што пријавуваат бараат да се отстранат содржините на интернет за кои мислат дека им е нарушена приватноста. Од Дирекцијата предупредуваат дека граѓаните треба да внимаваат какви апликации симнуваат од интернет и дека треба да внимаваат на својата приватност.

Неодамна Американските регулатори му изрекоа рекордна казна од пет милијарди долари на Фејсбук поради скандалот со откривањето на личните податоци на корисниците. Во тоа беше замешана британската фирма „Кембриџ аналитика“ која дојде до големо количество лични податоци преку квиз на Фејсбук и потоа ги искористи за да го проучи психолошкиот профил на американските гласачи и да влијае врз нив.

Кој и сервираше појадок во кревет на Елизабет Харли?

Елизабет Харли е жив доказ дека годините се само бројка.

Сексапилната Англичанка во шестата деценија од својот живот има совршено тело, кое често го користи за да ја рекламира својата линија на костими за капење.

Таа своевремено имала бурен љубовен живот. Но Елизабет одамна не е видена во машко друштво а да тоа не е нејзиниот син или некој пријател. Пред неколку дена таа ги заинтригира своите фанови на Инстаграм кога објави фотографија од кревет.

Позираше покриена со јорган и со чинија овошје во рацете а многумина се запрашаа кој и сервирал појадок во кревет на Елизабет?

Научниците за прв пат ја измерија брзината на отчукување на срцето на синиот кит кога ќе нурне

Научниците со помош на електрокардиограф прицврстен за телото на синиот кит за прв пат во историјата ја измериле брзината на отчукувањето на срцето на ова животно.

Кога ќе се нурне под вода во потрага по храна, заклучиле дека има само неколку отчукувања во минута.

Научниците заклучиле дека, најголемиот цицач, синиот кит, кој може да достигне должина и до 30 метри и да тежи 200 тони, ја намалува активноста на срцето на само неколку отчукувања во минута кога ќе се нурне во вода.

Кога  синиот кит е под вода на моменти срцето му чука со само две отчукувања во минута а откако ќе излезе на површината на океанот и ќе вдише воздух срцето му чука со 37 отчукувања по минута, пишува „Ројтерс“.

Кај луѓето, срцето во состојба на мирување отчукува во распон од 60 до 100 отчукувања во минута а за време на напор или вежбање околу 200 отчукувања во минута.

.

Мекларен го претстави најмоќниот модел од својата Спорт серија

Британскиот Мекларен поприлично богатата година, кога се во прашање новите модели, ја заокружи со најмоќната верзија од својата Мекларен Спорт серија.

Се работи за ограничена серија од тркачкиот модел „620R“ прилагоден за цивилна употрева.

Мекларен ќе направи само 350 примероци со 3.8 литарски „V8“ мотор кој испорачува 611 коњски сили.

Овој модел базиран на тркачката верзија  „570S GT4“ забрзува од 0 до 100 км/ч за само 2,9 секунди.

За сопирање на „620R“ се задолжени карбон- керамички сопирачки со дискови со дијаметар од 390 милиметри напред и 380 милиметри назад.

Почетната цена на моделот е 299.000 долари.

притисни ентер