Пуштен во употреба нов Ургентен Центар во Куманово

Нов Ургентен центар, опремен со современи апарати, доби Куманово од кој бенефит ќе имаат околу 200.000 граѓани од североисточниот регион кои на едно место ќе добијат хируршки, ортопедски, анестезиолошки услуги, дневна болница.

Објектот, со површина од околу 700 метри квадратни, денеска свечено беше пуштен во употреба, а на настанот присуствуваа и премиерот Зоран Заев, ресорниот министер Венко Филипче и министрите за внатрешни работи и земјоделство, Оливер Спасовски, Трајан Димковски и заменик на претседателот на Владата и министер за политички систем и односи меѓу заедниците, Садула Дураку.

Премиерот Заев рече дека оваа инвестиција во здравството, направена од парите на граѓаните, во пресрет на празникот Илинден, ги обединува сите заедно од различните етнички заедници и политички партии.

-Ќе остане трајно добро за кумановци и за целиот свероисточен регион од областа на здравството. Знаеме колку е тоа значајно во секојдневниот живот, потребите на граѓаните и е една од трите стратешки определби на Владата – здравството, образованието и социјалните дејности, изјави Заев.

Премиерот истакна дека центарот, кој е изграден од темел, делумно е опремен, а дел ќе се доопреми со постапка на набавка и е одличен спој на амбулантно работење со останатите одделенија од болницата, што ќе придонесе за унапредување на здравствената заштита на граѓаните.

-Да напоменам дека оваа година трошиме 1,3 милијарди денари за оваа општа болница, но и за реконструкција на општата болница во Кичево, продолжува и изградбата на клиничкиот центар во Штип. Крајот на годината, очекуваме да ја пушиме во употреба и во Струмица и до крајот на годинава очекуваме да ја завршиме постапката или од почетокот на идната година за отпочнување на големиот Клинички Центар, изјави премиерот Заев.

Тој истакна дека тоа се сериозни инвестиции во здравството, што заедно со поддршката на кадарот, се заокружува квалитетното здравство.

Премиерот Заев упати порака до здравствените работници, лекарите, медицинските сестри, болничарите да останат во државата.

-Останете дома, останете во нашата земја, ние ќе се потрудиме да растат платите, да се подобрат условите за работењето, бидејќи како прво никаде не е како дома и второ дефинитивно им требате на граѓаните, рече премиерот.

Тој најави дека ќе продожат со раст на платите и приходите кои ќе бидат мотивација за сите.

Министерот за здравство, Венко Филипче рече дека кумановската болница е позната по својата врвна експертиза и дека лекарите и персоналот кои со години работат во болницата, од денеска ќе работат во нов современ ургенент центар со што значајно ќе се олесни треманот на пациентите кои ќе добијат соодтветен третман.

-Ние продолжуваме да работиме на плановите за следни инвестции во овој Ургентен Центар и со директорката веќе разговаравме за набавка на нов комјутерски апарат и ултразвулен апарат. Во измината година и половина се примија огромен број вработени како никогаш досега. Капацитетот во однос на кадарот во оваа болница се зголеми за 10 проценти, се дадоа 12 специјализации, сега младите колеги ќе аплицираат и две субспецијализации. Како што ветивме го започнавме и процесот на трансофмрација на работниот однос – сите вработени во здравството кои беа вработени на договор на дело ќе станат вработени на неопределено време, изјави министерот за здравство.

Тој изрази надеж дека ќе се дооформи и центарот за дојка во Куманово и дека ќе се зајаке родилиштето кое е најголемо во државата надвор од Скопје.

Филипче нагласи дека лекарите од кумановската болница веќе применуваат нови методи поради набавените апарати, лапароскопски и ортопедски интервенции, и најави дека насокор ќе биде достапен ендоскопски апарат, со што ќе се олесни на пациентите од Куманово и соседните општини кои веќе нема да мора да патуваат за Скопје.

Директорката на болницата, Снежана Захариева истакна дека Ургентниот Центар ќе биде од исклучително значење за пациентите.

-Овде ќе добијат комплетна услуга и ќе имаат можност да бидат прегледани и оние со упат од матичен доктор и оние кои дошле заради ургентна или животно загрозувачка состојба. Кадарот ќе биде екипиран што дава подобра можност за меѓусебна консултација и решавање на нјатешките случаи. За нас ова е голем момент нашите вработени ќе имаат можност да работат во модерно опремен простор се надеваме и на нови дијагностички парати кои ќе ги добиеме особено за рентген дијагностика, комјутерски томограф и ултразвучна дијагностика што ќе биде дополнителна стимулација за работа на младите кадри и можност за нивна едукација-изјави Захариева.

Ургентниот центар е сместен во кругот на болницата, со посебен влез. На првиот кат се применото одделение, дневната болница, а на вториот хирургија со ортопедија и анестезија. /МИА

Раскинала со момчето водоинсталатер, па утрото ја дочекала шокантна глетка

На социјалните мрежи повторно се шири приказна на една девојка за бизарната одмазда на нејзиното поранешно момче, водоинсталатер.

Неименувана девојка на Редит сподели како раскинала со своето момче затоа што бил скржав и не оставал бакшиш за келнерите.

Откако раскинала со него, таа отишла во спалната соба за тој да се спакува на мир и заспала. Следното утро открила дека тој ѝ се одмаздил со тоа што ѝ ја украл тоалетната школка.

"Ми ја украде тоалетната школка! Тој е лиценциран водоводџија и знаеше што прави. Нема да лажам, и јас се смеев подоцна. Раскинувањата може да бидат интересни", напишала таа.

I split up with my boyfriend yesterday. I fell asleep while he was packing and he stole my toilet.
byu/shelblikadoo inWTF

Инаку, неговиот потег тогаш и не ѝ бил толку смешен бидејќи морала да трча во блискиот ресторан секогаш кога требало да оди во тоалет,објави Индекс.

"Ова е урнебесно. Жал ми е за раскинувањето и губењето на тоалетот, но морам да се смеам. Го отстранил многу педантно", е еден од коментарите.

Лазар Ристовски (71) ужива на Малдивите со 39 години помладата девојка (ФОТО)

Српскиот актер Лазар Ристовски (71) и неговата 39 години помлада партнерка Аница Лазиќ уживаат на Малдиви.

Аница на Инстаграм објави нивна заедничка фотографија.

„Кога води, не прашувам каде“, напишала 32-годишната актерка во описот на фотографијата на која двојката позира во море.

За потсетување, парот ја потврди врската кон крајот на 2023 година. "Точно е, уживаме во нашата љубов. Не би коментирал ништо повеќе, разберете. Се запознавме по разводот, тоа нема никаква врска со мојот поранешен брак и развод", изјавил тогаш актерот за српските медиуми. Двојката глумеше заедно во филмот Dream Team и во серијата Попадија.

Пред врската со Аница, Лазар беше 42 години во брак со сопругата Даница.

Сериозна е состојбата со морбили во Италија- загрижува состојбата во Џенова

Според професорот Матео Басети, доктор и раководител за заразни болести во поликлиниката Сан Мартино во Џенова, бројот на случаи на сипаници кај возрасните исто така прогресивно се зголемува, како што е случајот со децата.

„Во Џенова за 7 дена се појавија 5 случаи кај невакцинирани лица, а сипаниците може да имаат сериозни компликации. Можеме да очекуваме епидемија во наредните месеци“, вели професорот Басети.

Пациентите се на возраст од 15 до 40 години.

„Тоа се луѓе кои не биле вакцинирани или кои не биле заразени како деца. Целната возраст нè наведува да мислиме дека тоа се сите граѓани кои не живееле ниту еден момент во седумдесетите години на минатиот век, сипаниците биле ендемични. Родителите решиле да не да ги вакцинираат и денес би можеле да се соочат со нова епидемија. Наместо тоа, важно е да се вратиме на разговор со населението за важноста на оваа вакцина за да се избегнат компликациите што сипаниците можат да предизвикаат во староста“, објасни професорот.

На прашањето дали Италија треба да се грижи за овие бројки, професорот рече дека засега нема потреба да се вознемирува, но дека е важно да се знае дека во иднина ќе биде тешко да се ограничи појавата на сипаници доколку нешто не се направи.

„Ние лекарите доживеавме раст во периодот од 2008 до 2009 година и во тоа време имаше 114 заболени од морбили, од кои некои поминаа со тешки компликации. 26% од овие пациенти беа тешки случаи, што е загрижувачка бројка бидејќи по 15 години повторно бележиме зголемување на случаите.Досега во Џенова сме имале 5,од кои 3 се лекувале во Сан Мартин.Ова не е пријатна болест во староста.Засега не треба да се вознемируваме, но важно е да се знае дека тоа би било тешко е да се ограничи појавата на сипаници и доволно е да се грижиме“, додаде тој.

Пред сè, пневмонија, која кај возрасните може да доведе до енцефалитис и менингитис, многу сериозни системски компликации кои вклучуваат неколку внатрешни органи.

„Тоа е сè освен тивка болест во зрелата возраст. Најсериозните компликации кај децата се многу ретки, кај возрасните е токму спротивното и болеста може да доведе до епизода на фебрилни конвулзии, па дури и до ниски тромбоцити“, заклучи докторот и апелираше до сите граѓани да се вакцинираат.

притисни ентер