Се разгорува пожарот на грчкиот остров Евиа , Мицотакис го прекина одморот (ВИДЕО)

Авиони , хеликоптери и пожарникари два дена се обидуваат да го изгаснат пожарот на островот Евиа , на 110 километри од Атина , но ветрот и натаму го разгорува.

Во целото подрачје од вчера е прогласена вонредна состојба , а премиерот Киријакос Мицотакис го прекина одморот на Крит и отиде на самото место за да им даде поддршка на пожарникарите.

Чад што се издига од Евиа , ветрот го носи и над Атина , каде е загаден воздухот , предупредуваат активистите за животна средина.

Италија , по повикот од Грција за помош од земјите на ЕУ,  испрати два авиони . Иако условите се подобрени , како што јавуваат грчките медиуми  новите пожари продолжија да се разгоруваат.

„Тоа е силен пожар, тоа е реалноста ... не постои опасност по човечки животи и тоа е она што е важно“, изјави Костас Бакојанис, регионален гувернер за централна Грција, за телевизијата Скај.

Пожарникарите соопштија дека четири села и стотици луѓе вчера биле евакуирани, а еден пожарникар е хоспитализиран откако претрпел изгореници.

„Ситуацијата на Евија беше многу тешка и останува тешка“, рече Христос Стилијанид, комесар за помош на Европската унија, по состанокот со грчкиот премиер Киријакос Мицотакис.

Државната телевизија соопшти дека околу 28.000 хектари борова шума е претворена во пепел.

Воздухопловна база во САД добила закана со бомба , целото подрачје е евакуирано

Воздухопловната база ,,Патрик” во Флорида доби закана со бомба.

Областа е евакуирана , а властите истражуваат од каде потекнува заканата , пренесува Ројтерс.

Патрик АФБ (Патрик воздухопловната база) се наоѓа јужно од главниот американски ракетен центар Кејп Канаверал, на источниот брег на Флорида.

Заканата за бомба доаѓа набргу откако четири лица беа убиени, а осум повредени во пукање во поморската воздухопловна база Пенсакола во Флорида.

Напаѓачот беше идентификуван како член на Саудиските воздушни сили кој учествувал во воена обука во САД.

Истрагата за инцидентот е во тек. Властите се обидуваат да утврдат дали нападот во воздухопловната база Пенсакола е поврзан со тероризам.

Салвини најави бојкот на Нутела- Не му била доволно италијанска

Лидерот на десничарската  опозиција, Матео Салвини се закани дека ќе ја бојкотира Нутела, бидејќи нејзините состојки не биле 100 проценти италијански.

„Се премислив затоа што разбрав дека Нутела содржи лешници од Турција, затоа сакам да им помогнам на компаниите што користат италијански производи“, рече Салвини на партискиот собир.

„Повеќе би јадел италијански производи ако можам да им помогнам на италијанските земјоделци “, додаде Салвини (46).

Салвини сака јавно да ги истакне своите навики во исхраната како дел од неговата стратегија на социјалните медиуми. Тој честопати се сликал со Nutellа на своите профили на Твитер и Фејсбук.

Тој ја предводи ,,Лига” италијанската националистичка партија, чие мото е „На прво место Италијанците“. Според анкетите на јавното мислење, Лига во моментов води со околу 32 проценти поддршка.

Салвини се опиша себеси како „еден од најголемите италијански потрошувачи на Нутела“. "Кој се грижи за диети?" додаде тој.

На видеото на Фејсбук, тој ги повика Фереро и другите локални компании за храна да „набават италијански шеќер, лешници, млеко“.

Фереро, производителот на Нутела, е најголемиот купувач на лешници во светот.

Германските Социјалдемократи сепак остануваат во коалиција со Меркел

Германската Социјалдемократската партија (СПД) одлучи да остане во коалицијата на канцеларката Ангела Меркел, поставувајќи релативно умерени барања за климата, минималната плата и јавните услуги.

Предвремените избори на 30 ноември на двајцата нови лидери од левото крило на партијата предизвикаа стравувања за иднината на коалицијата, формирана со Конзервативците во 2018 година.

На партиската конференција, делегатите објавија двете партии  заеднички да ја водат коалицијата по неколкумесечните превирања и многу лошите резултати на регионалните и на европските избори.

Водачите Саскија Ескен и Норбер Валтер-Борјанс, кои бараа нови преговори за коалицијата за време на внатрешната кампања, зборуваа за неколку теми со канцеларката Меркел , без прецизен рок.

Конзервативците велат дека нема да преговараат за договорот за коалиција од 2018 година, но релативно умерените барања што ги поднесоа новите лидери на СПД се чини дека значат избегнување на директно соочување со блокот ЦДУ / ЦСУ на Меркел.

На конгресот на партијата во Берлин, новите лидери беа во можност да ги убедат 600 делегати да го прифатат компромисот и засега да не зборуваат за излез од владејачката коалиција.

„Јас бев и останав скептичен во врска со иднината на оваа голема коалиција“, призна Ескен, кој рече дека на тимот треба да му се даде шанса да продолжи да владее со земјата. Околу 64 проценти од Германците го делат тоа мислење, според студијата објавена во четвртокот.

„Во демократијата, мора да се најдат компромиси, иако тие не треба да го заматуваат нашиот став“, одговори Волтер-Борјанс, став што го сподели и шефот на младите социјалисти, Кевин Куенер.

притисни ентер