Откриени уште осум мистериозни сигнали од вселената

Освен црната дупка , најголемата мистерија на вселената се ирадио сигналите кои се повторуваат во правилни интервали.

Станува збор за брзи пробиви на радиосигнали (FRB, fast radio bursts), што се краткотрајни и непредвидливи и доаѓаат од длабоката вселена. Ненадејно се појавуваат на некој дел од небото и траат само неколку милисекунди.Кога доаѓаат поединечно не се интересни за научниците, но сега наеднаш имало пробив на осум такви радиосигнали. Биле забележани од телескопот (Canadian Hydrogen Intensity Mapping Experiment), кој се наоѓа во долината Оканаган во Британска Колумбија .

До сега се познати вкупно 10 вакви сигнали што се повторуваат. Овие сигнали се голема мистерија , зашто траат само неколку милисекунди ,а ослободуваат за тоа време повеќе енергија од 500 милиони Сонца. Шест од осумте новооткриени радиосигнали од вселената се повториле само еднаш , а најголемото временско растојание меѓу два од нив било 20 часа.

Иако научниците сè уште не можат со сигурност да знаат од каде доаѓаат овие сигнали, тие идентификуваа пет можни извори на мистериозните FRB што можат да произведат повторливи сигнали на радио-бранови.

Така, тие веруваат дека би можеле да бидат произведени од ротирачка неутронска sвезда, две ѕвезди во процес на спојување, блицстар, црна дупка и непозната вселенска цивилизација.

Неутронските sвезди се распаднати јадра на гигантски sвезди кои беа многу пати поголеми од нашето Сонце. Тие се со дијаметар од околу 10 километри и имаат маса двојно поголема од нашата матична ѕвезда. Поради сопствената тежина, тие пропаѓаат до таков степен што повеќето протони и електрони се спојуваат во неутрони.

Научниците веруваат дека брзите ротирачки неутронски sвезди со силно магнетно поле може да предизвикаат ваков вид сигнал.

„Неутронска sвезда може да генерира сигнали како овие, но сè уште не сме запознаени со физиката што стои зад овие појави“, вели астрофизичарот од Универзитет на Британска Колумбија (УБЦ),  Ингрид Скали.

Двете неутронски sвезди кои се во процес на спојување исто така би можеле да бидат одговорни за FRB.

Според астрономот Шрихарш Тендулар, од универзитетот МекГил во Канада, ова е едно од најверојатните сценарија, но не во случај на повторени сигнали, бидејќи sвездите ќе бидат уништени во одреден момент во текот на процесот.

„Ова е катаклизмичен настан, така што не може да има повторлив сигнал“, објасни тој.

Повеќето од набљудуваните сигнали со голема брзина биле регистрирани само еднаш и може да бидат предизвикани од две sвезди кои се спојуваат, но за два повторливи сигнали, треба да се најде друго објаснување.

Блицтар е брзо ротирачка неутронска sвезда што се распаѓа под сопствената тежина и формира црна дупка.

Тоа би можел да биде објаснување за поединечните FRB.

Црните дупки би можеле да ги објаснат FRB на различни начини; на пример, може да биде дека црната дупка се распаѓа во самата себе, или дека се судрила со темна супстанција.

Помалку популарно објаснување е дека станува збор за еден вид вселенско летало произведено од технолошки напредна цивилизација. Астрофизичарот Ингрид Скали не смета дека оваа опција е веројатна.

„FRB доаѓаат од различни насоки и од различни растојанија, така што веројатно тие потекнуваат од различни галаксии“, вели Скали.

„Ми се чини многу малку веројатно дека толку различни туѓи цивилизации ќе произведат ист вид сигнал на ист начин“, објаснува таа.

Дневен хороскоп за 7. декември 2019 година

Дневен хороскоп за сабота, 7. декември 2019 година. 

Стрелец 23.11.-21.12.

Љубов

Вашиот стил на забава надалеку е познат по оригиналноста. Денеска дури и ќе претерате.

Кариера

Можно е дека ќе изјавите нешто што ќе повреди некого од вашите колеги. Затоа контролирајте си го јазикот.

Здравје и совет

Бидете умерени.

Јарец 22.12.-20.1.

Љубов

Денот е идеален за да останете дома , било во двојка или сами. Многумина нема да сакаат да излезат со друштво.

Кариера

Со олеснување ќе го прифатите фактот дека се наближува викендот. Тоа ќе ви ги олесни работните часови.

Здравје и совет

Наспијте се добро.

Водолија 21.1.-19.2.

Љубов

Некои денеска би можеле да се покажат како вистински сонувачи. Ќе сонуваат за љубовта што ја нема или ќе ги малтретираат другите со такви приказни.

Кариера

Кога ќе ги сведете сите сметки , ќе видите дека има нови трошоци , но и нови добивки. Пак сте на исто , не се нервирајте.

Здравје и совет

Одморете се.

Риби 20.2.- 20.3.

Љубов

Ќе дојде до мало подобрување на вашите лични односи, но и натаму тешко ќе наоѓате вистински зборови во комуникацијата со партнерот.

Кариера

За да ги ослободите новите идеи , поврзете се со младите соработници . Тие ќе ви помогнат за да се изразите.

Здравје и совет

Следете ги своите сништа.

Овен 21.3-20.4.

Љубов

Повторно ќе најдете рамнотежа во личните односи . На некои во тоа ќе им помогнат пријателите. Саканата личност сепак ве сака.

Кариера

На работното место ќе чувствувате мир и стабилност. Тајните остануваат за некој друг да ги решава.

Здравје и совет

Продолжете да го градите започнатото.

Бик 21.4- 20.5.

Љубов

Веројатно ќе ја споите саканата личност со друштвото и така ќе минете една убава вечер или попладне.

Кариера

Веќе ништо поврзано со работата нема да ве загрижува. Вашите задачи ви се целосно јасни и тоа ви е доволно.

Здравје и совет

Вежбајте гимнастика.

Близнаци 21.5.-21.6.

Љубов

Ќе копнеете кон својот љубовен идеал, но како што ќе минува денот , така ќе бидете свесни дека тој е далеку од вас.

Кариера

Ќе чувствувате преодна потреба да се повлечете , па ако е некако можно ќе се обидете да делувате од сенка.

Здравје и совет

Грижите што ќе се појават се обична илузија.

Рак 22.6-22.7.

Љубов

Доколку излезете, има голема веројатностубаво да си поминете. Сепак , внимавајте што зборувате за да не направите збрка.

Кариера

На работното место нема да бидете кој знае колку ангажирани. Се ќе одработите рутински и ќе ви недостига мотив.

Здравје и совет

Вежбајте јога за подобра концентрација.

Лав 23.7-22.8.

Љубов

На моменти ќе имате потреба да пресечете и да избегнете некои напори или мали проблеми во врската, но тоа нема да биде потребно. Се е во ред.

Кариера

Мали недоразбирања во односите со соработниците ќе имаат преоден карактер, па не им придавајте значење.

Здравје и совет

Останете мирни.

Девица 23.8.-23.9.

Љубов

Вашиот партнер ќе покажува потреба за повеќе нежности , па без проблеми ќе го направите тоа. Добро е.

Кариера

Повремено во главата ќе си ги анализирате претходните работни денови и предизвиците што сте успеале да ги совладате. Потоа ќе се опуштите.

Здравје и совет

Вежбајте на отворено.

Вага 24.9.-23.10

Љубов

Ќе имате потреба да ги покажете своите емоции и ќе ја доживеете саканата личност на нов начин. Ќе има малку немир ,но врската е во ред.

Кариера

Ве очекува непромиослено однесување на вашите надредени , поради што ќе се чувствувате повредени.

Здравје и совет

Не ги земајте работите при срце. Ќе помине.

Шкорпија 24.10-22.11.

Љубов

Денеска наоѓате вистински начин некому да ги покажете своите чувства , било да станува збор за погледи или само за зборови.

Кариера

Поради добро завршената работа , некои денеска би биле малку под заштита и пуштени дома пред крајот на работното време.

Здравје и совет

Имате право да уживате.

Уште една смртна казна во САД , затвореникот побарал прошка од девојката која ја запалил (ВИДЕО)

Американец од Тенеси, кој бил прогласен за виновен за убиството на својата поранешна девојка откако ја запалил во неговиот автомобил пред скоро 30 години, егзекутиран е вчера на електричен стол во Нешвил, соопштија затворските власти.

Ли Хол (54) беше прогласен за мртов во 19:26 часот по локално време во затворот Ривербенд во Нешвил.

Хол беше осуден на смртна казна во 1992 година за убиството на 22-годишната Трејси Крозиер.

Во средата, гувернерот на Тенеси, Бил Ли изјави дека нема да интервенира во случајот, еден ден откако Хол беше преместен во ќелија веднаш до комората за извршување.

Хол поднел неколку неуспешни поплаки пред државните и федералните судови по неговото осудување за намерно убиство и подметнување пожар во 1992 година. Врховниот суд во Тенеси оваа недела го негираше неговото последно барање за суспензија бидејќи верува оти еден од поротниците бил пристрасен затоа што била жртва на семејно насилство.

Вчера попладне, Врховниот суд на САД  ја одби понудата за 11-часовно одложување на извршувањето.

Хол избра да му биде извршена смртната казна на електричен стол, со што стана четвртиот осуден американски затвореник што е погубен од 2018 година. Во 2014 година Тенеси повторно започна со употреба на електричен стол за извршување на смртна казна, што  се користи доколку некој затвореник го избере тоа или ако смртоносната инекција е недостапна.

Хол го изгубил видот заради глауком и е првата слепа личност што е егзекутиран  во поновата американска историја, пренесува „Дејли меил“.

„Мислам дека луѓето можат да научат да простуваат и сакаат и да го направат светот подобро место“, беа последните зборови на убиецот.

Пред егзекуцијата го добил и последниот оброк ,и тоа чизстејк, пржен кромид, торта со сирење и Пепси, соопштија затворските власти.

По извршувањето, адвокатот ја прочитал неговата изјава.

„Жал ми е за болката што ви ја предизвикав ... Ве молам простете ми“, му напишал убиецот на семејството на несреќната девојка.

Според судските документи, Хол ја полил својата поранешна девојка со бензин и ја запалил во неговиот Нисан ноќта на 16 април 1991 година, по расправија пред домот на неговата баба. Таа претрпела изгореници на 90 проценти од нејзиното тело, а починала по кратко време во болница.

Хол е 20-ти затвореник во САД и трет во Тенеси што беше егзекутиран во 2019 година.

Том Круз претерал со ботокс на лицето (ФОТО)

Според најновите фотографии на познатиот холивудски актер , тешко му е да се насмее , па американските таблоиди заклучија дека претерал со користење ботокс на лицето.

Не е тајна дека многу холивудски sвезди, во обид да го зачуваат својот младешки изглед, прибегнуваат кон естетски интервенции, а меѓу нив е и Том Круз.

Многумина на доделувањето на модните награди забележаа дека актерот има многу затегната кожа, а на фотографиите се гледа дека тој тешко се смее.

Странските медиуми претходно објавија за неговите наводни операции, а „Enquirer“ го објави и мислењето на пластичен хирург.

"Тој изгледа како да има лифтинг на лицето. Веројатно ставил и ботокс на челото. Неговото лице изгледа полно, можеби поради користење филери", изјави хирургот.

притисни ентер