Инцидент во Истанбул – гледач се излизга пред Ван Дијк (ФОТО)

Во преносот на натпреварот за Супер Купот на УЕФА , што вечерва се игра во Истанбул , го нема влетувањето на гледач на теренот.

Маж истрча на теренот во Истанбул среде првото полувреме на натпреварот меѓу Челзи и Ливерпул . Тој пред фудбалерот Ван Дијк се излизга на колена , оставајќи ја фудбалската ѕвезда во чудо.

Веднаш потоа почна трката со обезбедувањето , кое конечно успеа да го фати и да го исфрли мажот од теренот .

Не е познато дали викал некакви пароли и зошто втрча , но на телевизискиот пренос од натпреварот имаше само мал прекин, без да биде покажан мажот.

Казните на УЕФА за вакви прекршоци се ригоросни , како за руската манекенка , која плати десeт илјади евра за сличен инцидент.

Руска атлетичарка се онесвестила на тренинг и починала

Тажна вест доаѓа од Русија , каде почина 22 годишната атлетичарка Маргарита Плавунова .

Младата атлетичарка починала среде тренинг во местото Моршанск , во Тамбовската област.

Атлетичарката  се онесвести за време на тренингот откако и се слошило. Руското регионално атлетско здружение соопшти дека причина за смртта е срцев удар, и иако била повикана брза помош, на спортистката и немало спас.

Русинката беше повеќекратен регионален шампион, како и  универзитетски на трките  со пречки на 60 метри. Таа, исто така, се натпреваруваше во трките на 100 и 400 метри со пречки.

На 100 метри нејзиниот најдобар резултат беше 14.06, а покрај спортската кариера, беше и модел.

Шпанските медиуми го најавија мегатрансферот на Нејмар

Со фантастична насловна страна шпанскиот магазин АС веќе го најави мегатрансферот на Нејмар во мадридски Реал.

Шпанските медиуми објавија дека Реал ќе ја чека последната недела на преодниот рок за да го доведе Нејмар , а доколку ПСЖ прифати некоја од понудите на Барселона , веднаш ќе се впушти во аукција.

,,Во Мадрид ги бројат парите” е напишано на насловната страница на АС , каде се најавува огромниот трансфер на Нејмар во Реал. За разлика од Барселона, реал полесно би ја поднел финансиски големата плата на Бразилецот , која изнесува 37 милиони евра.

Видео: „Волшебникот“ Меси повторно тренира

Најдобриот светски фудбалер Лионел Меси повторно е во тренажен процес во кампот на Барселона.

Капитенот на Барса поради повреда на листот на ногата пропушти неколку тренизи, но сега е подготвен за нови успеси на зелениот терен.

Меси се врати на тренинг и веднаш започна со својата магија, да игра во голем стил како да немал повреда на ногата. По секој потег можеше да се забележи колку му недостасувала буба марата .

Фановите на Барселона велат дека нивниот миленик е подготвен да ги „тероризира“ одбраните на противничките екипи.

притисни ентер