Живот

Награда на ЕК за промоција на пешачењето и возењето велосипеди

 Европската комисија распиша конкурс за Осмата награда на Планот за одржлива урбана мобилност (СУМП), наменета за локалните власти ширум Европа, која годинава е насочена кон развој и промовирање на пешачењето и возењето велосипеди.

Според Еврокомисијата, цел на наградата е да се поттикнат локалните власти да го усвојат Планот за одржлива урбана мобилност (СУМП) и да бидат наградени за извонредни постигнувања во тематските приоритетни области, кои се различни секоја година.

Мотото на овогодишната награда е „Пешачете со нас!" и е насочена кон интегрирање на безбедната активна мобилност во одржливото урбано мобилно планирање, поттикнување на развојот и промоцијата на пешачењето и возењето велосипеди како начин за градски превоз и подобрување на безбедноста на пешаците и велосипедистите.

Право на учество на конкурсот имаат локалните власти од земјите членки на ЕУ и Европското економско пространство (Норвешка, Исланд и Лихтенштајн), како и државите кандидати за членство во Унијата – Северна Македонија, Албанија, Србија, Турција и Црна Гора и земјите опфатени со Процесот на стабилизација и асоцијација – Босна и Херцеговина и Косово.

Рокот за пријавување на конкурсот истекува на 31 октомври, по што специјално жири на почетокот на декември ќе ги избере кандидатите за наградата. Победникот и двајцата други финалисти ќе бидат објавени на крајот на декември годинава или почетокот на јануари 2020 година, а наградите ќе бидат врачени во март или април следната година на церемонија во Брисел.

Наградата СУМП е воведена во 2012 година и досегашни нејзини добитници се градските власти на Манчестер (Велика Британија), Турда (Романија), Брисел (Белгија), Малме (Шведска), Бремен (Германија), Ривас Васијамадрид (Шпанија) и Абедрин (Велика Британија)./MИА

Свет

Италијанската полиција го уапси најбараниот американски бегалец среде Ватикан

Италијанската полиција минатата недела го уапси „најбараниот“ американски бегалец кој носел три скриени ножеви на преполниот плоштад Свети Петар пред Ватикан, соопшти денеска судски извор.

Бегалецот, кој сега е во притвор, се вика Мозес Техада и е осуден како насилник од Одделението за истраги на казнено-поправните институции во државата Њујорк.

Тој е на листата на најбарани во одделот.

Италијанскиот весник „Република“ прв објави дека Техада е уапсена, а подоцна тоа го потврди и извор од правосудството.

Тој го привлече сомнежот на полицијата која го приведе и констатира дека носи ножеви долги 20 сантиметри. Плоштадот Свети Петар беше исполнет со верници и туристи додека папата Франциско одржа општа аудиенција тој ден, среда, 10 април. Засега не е познато дали Техада, која е осудена за грабеж и киднапирање, претставувала некаква закана за папата Франциско.

Инспекторите откриле дека тој неодамна пристигнал во Рим од Молдавија, а претходно престојувал во Украина. На истражителите им рекол дека во Украина бил од 2022 година, каде се борел против руските сили, пренесе „Република“. Италијанските власти сега чекаат американските власти да одлучат дали ќе бараат негова екстрадиција.

Забава

Меган Фокс покажа како изгледа без шминка (ФОТО)

Меган Фокс објави фотографија на Инстаграм на која позира без шминка.

Нејзината објава за еден ден им се допадна на повеќе од милион луѓе.

„Многу си поубава без шминка“, „Прво мислев дека ова е Ким Кардашијан“, „Некои изгледаат исто со и без шминка. Меган е една од нив“, „Одлична фотографија“, „Треба да си без шминка почесто“, ѝ пишувале луѓето во коментарите.

Инаку, Меган неодамна ја промени фризурата. Откако извесен период се појавуваше во јавноста со розова коса со средна должина, сега има екстензии во тиркизна боја.

На следбениците им се допадна нејзината промена. „Одам на фризер со твојата слика“, „Секоја фризура ти стои убаво“, „Косата ти прилега со очите“, „Сега морам да ја фарбам и косата“, ѝ рекле.

Инаку, 37-годишната актерка многумина ја сметаат за една од најубавите жени на светот.

Македонија

Ограбена менувачница во Чаир, крадците го одзеле сефот со пари

Неколку лица со употреба на сила и погоден предмет вчера влегле во менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.

Како што соопшти МВР, кражбата вчера во СВР Скопје во 10:15 часот ја пријавил сопственикот на менувачницата, М.Д.(42) од Скопје, а се случила околу 04.20 часот.

По преземени мерки и активности, возилото било пронајдено на паркинг простор на подрачје на Чаир.

Се преземаат мерки за целосно расчистување на случајот.

притисни ентер