Соработка за унапредување на претприемничкото образование во средните училишта

Основната идеја на активностите кои ги предвидува проектот е дека претприемничкиот дух ја гради иднината, а образованието и наставниците се тие што треба да го поттикнат и овозможат развојот на претприемничките способности кај младите.

Меморандум за соработка денеска потпишаа Министерството за образование и наука со Здружението Џуниор Ачивмент Македонија, Бирото за развој на образованието и Центарот за стручно образование и обука, кои заедно со поддршка од Канцеларијата на УСАИД во Република Македонија, интензивно, преку низа активности ќе работат на развојот на претприемничките способности кај младите, кои по завршувањето на образовниот процес ќе бидат добро подготвени за понатамошна образовна надградба или за настап на пазарот на трудот со што ќе дадат свој значителен придонес кон севкупниот општествено – економски развој на земјата.

Основната идеја на активностите кои ги предвидува проектот е дека претприемничкиот дух ја гради иднината, а образованието и наставниците се тие што треба да го поттикнат и овозможат развојот на претприемничките способности кај младите.

Меморандумот предвидува вклученост на претставниците од образовните институции на меѓународни настани, панел дискусии и работилници организирани од Џуниор Ачивмент низ цела Европа, со што, соопшти денеска Министерството за образование и наука, на учесниците ќе им се овозможи да ги прошират границите на разменети знаења и запознавање со актуелните трендови во областа на претприемникото учење и пренесување на истите во нашите училишта и на нашите ученици.

Голем придонес кон креирањето нови вештини и знаења за наставниците и учениците, се посочува, ќе дадат и сертифицираните обуки, кампови на иновации и натпревари на ученици кои исто така се предвидени со меморандумот, а ќе ги реализираат неговите потписници.

Со потпишувањето на овој документ, посочуваат од Министерството за образование и наука, институциите покажуваат дека градењето претриемничка нација не е краткотраен процес, туку процес кој континуирано трае и во кој треба постојано да се вложува

– Продолжува меѓуинституционалната и меѓуорганизациска соработка за поддршка и јакнење на претприемничкото образование во средните училишта во земјата, со цел создавање мотивирана младина за иницирање и реализација на сопствени бизнис идеи, кои ќе бидат долгорочни успешни приказни благодарение на стекнатите вештини за лидерство, тимска работа, организирање, презентирање, планирање и финансиско работење за време на средното образование, се подвлекува во соопштението од Министерство за образование и наука. 

Без вода утре дел од жителите на Аеродром

Без вода утре од 8 часот ќе останат корисниците од ниската зона од непарните броеви од бр. 61 до бр. 109 на булеварот „Јане Сандански" во населбата Аеродром.

Како што соопшти РЦУК-Скопје, прекинот е поради промена на затворач на водоводна мрежа со пречник од 100 милиметри на булеварот „Јане Сандански" бр. 107 во Аеродром.

Корисниците ќе бидат без вода се до завршување на интервенцијата. /МИА

Димитров во Њујорк учествуваше на две панел дискусии – за климатски промени и за мултиконцептуален свет

На настанот на високо ниво беа разменети мислења за потребата од координирано делување за ефективно справување со новите еко-предизвици.

„Засилување на европската лидерска улога на глобално ниво во сферата климатските промени и растот на еколошки чистата економија" е темата на панел дискусијата, која се одржа во организација на Светскиот економски форум во Њујорк, а на која учествуваше и шефот на дипломатијата Никола Димитров.

На настанот на високо ниво беа разменети мислења за потребата од координирано делување за ефективно справување со новите еко-предизвици.

Учесниците во дискусијата се осврнаа на новите глобални закани и ризици по (човековата) безбедност и потребата од заедничка европска акција во насока на обезбедување транспортна инфраструктура без штетни емисии, обновлива енергија и иновативни технологии, паралелно со процесите на креирање на нови работни места и европското преминување кон иднина со нула штетни емисии.

 Сесијата ја отвори холандскиот премиер Марк Руте, а во дебатата учествуваа претседатели на држави и влади, министри од земји-членки на ЕУ, како и високи претставници на разни засегнати страни.

 На покана на Светскиот економски форум и истражувачкиот институт Брукингс, министерот Димитров учествуваше на тематскиот настан "Обликување на партнерства за мулти-концептуален свет."

 Состојбата во Иран беше во фокусот на дискусијата, а на настанот присуствуваа група глобални лидери од јавниот и граѓанскиот сектор, истражувачките институти и бизнис заедницата.

Министерот Димитров, кој учествува на Генералната дебата на 74-тата сесија на Генералното собрание на Обединетите нации, на панел-дискусијата. /МИА

Законот за стечајци на владина седница

Владата на Република Македонија денеска ќе одржи редовна седница.

На седницата меѓу другото ќе расправа Предлог-законот за материјално обезбедување на невработените лица поради приватизација на претпријатијата во доминантна државна сопственост предложен од Министерството за труд и социјална политика.

Како што соопшти владината прес-служба на денешната седница ќе биде разгледана информација за текот и прогресот на активностите за реализација на проектот „Поддршка на воздухопловна федерација" на предлог на Акционерското друштво во државна сопственост за вршење на дејноста давање услуги во воздухопловната навигација М-НАВ АД Скопје.

На предлог на Канцеларијата на Претседателот на Владата на Република Македонија министрите ќе разгледаат информација за потпишување на Договор меѓу Република Македонија и организаторите на EXPO Dubai 2020.

Министрите ќе ја разгледаат и информацијата за вклучување на училиштата во иницијативата за саморефлексија при користење  дигитална технологија во образовниот процес преку употреба на алатката Selfie која веќе се употребува во 35 земји и е изработена од страна на Заедничкиот истражувачки центар при Европската комисија (Join Research Centre – JRC). /МИА

притисни ентер