Бигорскиот манастир го одбележува патронот

 Бигорскиот манастир го одбележува Отсекувањето на чесната глава на неговиот славен патрон и небесен застапник, великиот пророк, претеча и крстител Господов Јован.

На манастирската слава синоќа во предвечерието на празникот беше отслужена свечена архиерејска Вечерна богослужба.

На денот на патронот денеска ќе се одржи Света архиерејска Златоустова литургија со која ќе чиноначалствува митрополитот повардарски г. Агатангел.

-Славното Бигорско светилиште кое низ вековите било гордост на нашите предци и столб на нивната православна вера и самобитност, особено за жителите на овие краишта, и денес со истата ревност продолжува да сведочи за евангелската Вистина и да ја јакне верата меѓу народот. Сите заедно и ова господово лето на овој ден ја покажуваме должната почит кон Светиот Јован Крстител и нашата пожртвувана љубов кон неговото вековно Светилиште, стекнувајќи го на тој начин благословот на светиот Претеча, велат од Бигорскиот манастир.

Посочуваат дека огромното присуство на верници е проследено со огромна радост, бидејќи ова вековно духовно светилиште постојано силно сведочи за подвизите на Св. Јован Крстител.

Инаку, традиционално, како што било со векови, по повод патронот, во Бигорскиот манастир, престојуваат верници од сите делови на државава, кои овде доаѓаат неколку дена пред празникот, но најмногу вечер и утре, кога се ичекува да ги има над 2.000. Без оглед од каде се, како што самите велат, за сите нив ова е место исполнето со спокој, мир и љубов.

Манастирот е основан во далечната 1020 година од првиот Охридски Архиепископ Јован Дебранин. Посветен е на Крстителот Господов, Свети Јован, за кого самиот Господ Исус Христос рекол дека меѓу родените од жена нема поголем од него. Низ вековите минал низ многу премрежија и голготи, последната беше на 30 септември 2009, кога пожар го пеплоса Горни Палат, но опстоил за да говори за постоењето на православието на овие простори. /МИА

Фото: Моника Белучи има нова фризура!

Една од најубавите жени на светот, италијанската актерка Моника Белучи се потстрижа и стана опасна.

Убавата Моника  одлучила драстично да го промени својот имиџ.

Преубавата актерка која беше гостинка на ревијата на модната куќа „Долче и Габана“ во рамките на Неделата на модата во Милано, на црвениот тепих се прошета  со нова фризура.

Моника на црвениот тепих во Милано се појави во бел костум под кој носеше црна проѕирна кошула, но овој стајлинг сепак беше во сенка на нејзината нова фризура.

За оваа промена е заслужен познатиот фризер Џон Нолет, кој се грижи за фризурите на многу познати дами  во Холивуд.

Фото: Сексапилната сопруга на фудбалерот Икарди, Ванда повторно гола!!

Сопругата на аргентинскиот фудбалер Мауро Икарди, Ванда Нара повторно ги воодушеви своите фанови на социјалните мрежи со провокативни фотографии.

Сексапилната Ванда често знае да предизвика „земјотрес“ на социјалните мрежи со секси фотки.

Русокосата Ванда сега предизвика хаос со две фотографии на кои е гола, без ниту едно парче облека на себе.

Очигледно е дека Ванда позирала за некој магазин.

Под голите фотки сопругата и менаџер на Икарди оставила кратка порака:

-Добра ноќ. Денот да ви биде поубав!!

Инаку Ванда редовно на социјалните мрежи објавува провокативни фотографии кои експресно добиваат илјадници лајкови и коментари.

Филипче на Самитот за универзална здравствена покриеност на ГС на ОН

Заедничка цел е да се изгради достапна, квалитетна и долгорочно одржлива здравствена заштита со граѓаните во центарот на здравствениот систем.

Универзалната здравствена покриеност е главна цел за здравствени реформи во нашата земја, истакна министерот за здравство Венко Филипче во своето обраќање на Самитот за универзалната здравствена покриеност на 74-тото Генерално собрание на Обединетите нации во Њујорк.

Филипче, како што соопшти владината прес-служба, нагласи дека таа цел произлегува од заедничката визија на Владата на Република Северна Македонија и на Министерството за здравство, за здравје и благосостојба на секого и насекаде кон што се насочени и здравствените реформи во земјата.

– Заедничка цел е да се изгради достапна, квалитетна и долгорочно одржлива здравствена заштита со граѓаните во центарот на здравствениот систем, а исто така да се зајакне чувствителноста и одговорноста на поединецот за своето здравје и здравјето на другите. Поставувањето на овој проблем како приоритет осигурува дека сите луѓе имаат пристап до здравствени услуги со доволен квалитет, а тоа ќе игра голема улога во намалувањето на здравствените нееднаквости во Македонија, потенцираше министерот за здравство Филипче во своето обраќање на Самитот за универзалната здравствена покриеност на 74-тото Генерално собрание на ОН.

Филепче, како што се наведува, информираше дека Македонија е меѓу првите земји на глобално ниво што ја разгледа својата заложба за примарна здравствена заштита во согласност со Декларацијата на Астана и дека земјата го продолжи овој процес за време на првиот национален форум за здравствена заштита, што се одржа на 13 февруари 2019 година.

Министерот Филипче го запозна Самитот за универзалната здравствена покриеност за новата визија на земјата за примарната здравствена заштита како клучен национален приоритет насочен кон подобрување на севкупните перформанси на здравствениот систем и истакна дека земјата ја забрзува нејзината имплементација.

– Усогласувањето на примарната здравствена заштита со оваа визија ќе го зголеми нејзиниот капацитет за реакција и ќе обезбеди одржливост на здравствениот систем, спречување и намалување на товарот на незаразните заболувања и подобрување на здравјето и благосостојбата на населението во Македонија, рече во своето обраќање министерот Филипче. Тој посочил дека продолжува мултисекторската соработка и се фокусирани да се обезбеди достапен и висококвалитетен здравствен систем ориентиран кон граѓаните.

притисни ентер