Протести во Барселона за независност на Каталонија (ВИДЕО)

Илјадници луѓе денеска излегоа на протести во Барселона со барање за независност на Каталонија...  

Демонстрантите го организираа овој протест на ден пред да биде изречена пресудата за обвинетите за сепаратистичкото движење.

Поддржувачите на независноста на Каталонија на плоштадот во Барселона пристигнаа со знамиња и иконографија во знак на барањето за независност.

Дебранец се обидел да силува сограѓанка

 Одделението за внатрешни работи од Дебар приведе и лиши од слобода дебранец кој се обидел да силува своја сограѓанка.

-Во саботата околу 22 часот, го приведе и од слобода го лиши Б.Д.(33) од Дебар поради постоење основи на сомневање дека го сторил казненото дело „обид за силување". Тој, делото го сторил во домот на 42-годишна жена, жителка на Дебар, изјави Стефан Димоски портпарол на Секторот за внатрешни работи од Охрид.

Тој додава дека по целосно документирање на настанот, против Б.Д. ќе биде поднесена соодветна пријава.

Д-р Хасани: Повредените на ТОАРИЛУЦ се во многу тешка здравствена состојба

– За жал, во текот на вчерашниот ден почина 58-годишен пациент кој беше во критична состојба откако настрада во експлозијата на плинска боца во Романовце. 

 Здравствената состојба на повредените кои настрадаа во вчерашната експлозијата на плинска боца во кумановското село Романовце е многу тешка, изјави директорот на Клиниката за трауматологија, ортопедски болести, анестезија, реанимација и интензивно лекување и Ургентен центар – ТОАРИЛУЦ д-р Илир Хасани.

Посочи дека се примени тројца пациенти и тоа две жени на возраст од 35 и над 50 години и еден маж на возраст од 65 години.

– За жал, во текот на вчерашниот ден почина 58-годишен пациент кој беше во критична состојба откако настрада во експлозијата на плинска боца во Романовце. Состојбата на тројцата пациенти, особено на двете жени е многу критична и тешка, меѓутоа се бориме со максимални сили за да ја стабилизираме нивната здравствена состојба, рече д-р Хасани.

Појасни дека се работи за тешки изгореници кои се инкомпатибилни по живот, се работи за повреди, изгореници кои се над 80 отсто, додека мажот има изгореници кои се 45 отсто.

– Изгорениците се предоминантна повреда која го загрозува и животот на повредените. Тројцата повредени се хоспитализирани во Единицата за интензивно лекување, се интубирани и се на механичка вентилација во критична состојба, додаде д-р Хасани. 

Викендот изречени 54 казни за паркирање во зеленило на Водно

– Благодарение на овие засилени контроли на градските комунални редари викендов беше избегнат метежот од возила, бесплатните автобуси беа полни, а посетителите имаа оптимални услови за рекреација, стои во денешното соопштение од Град Скопје.

 За да се заштити планината Водно од загадување и за да се овозможи непречено и безбедно движење на сите учесници во сообраќајот, а особено на пешаците и на велосипедистите, градските комунални редари и овој викенд вршеа засилени контроли за паркирање во зеленило и изрекоа вкупно 54 казни за паркирање во зеленило, од кои осум во саботата и 46 во неделата.

Бесплатниот автобуски превоз викендов го искористиле над 4.000 патници на трите бесплатни автобуски линии кои прават 29-тури дневно кон Средно Водно. Паркингот на Водно викендов го искористиле 332 возила според бројот на испратени СМС пораки.

– Благодарение на овие засилени контроли на градските комунални редари викендов беше избегнат метежот од возила, бесплатните автобуси беа полни, а посетителите имаа оптимални услови за рекреација, стои во денешното соопштение од Град Скопје.

Како дел од континуираните заложби да се овозможи безбедно рекреирање на пешаците и на велосипедистите во деновите кога е најпосетено и спречување метеж од возила за време на викендите, се посочува во соопштението, Град Скопје воведе бесплатен автобуски превоз за време на викендите и празниците, а на паркиралиштата на Средно Водно е воведено зонско паркирање.

На паркиралиштата е поставена соодветна хоризонтална и вертикална сигнализација, како и информативни табли. Паркирањето е бесплатно за хендикепираните лица, како и за туристичките автобуси.

Градот Скопје апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. 

притисни ентер