Се распушта канадскиот Парламент , Трудо распиша избори

Досегашниот канадски премиер Жастин Трудо објави денеска дека го распуштил Парламентот и објавил почеток на изборната кампања за изборите што ќе се одржат на 21 . октомври.

Либералниот лидер, кој бара втор мандат, се состана со генералниот гувернер на Канада, Џули Пајет, за да ја замоли да го распушти долниот дом на парламентот, во согласност со нејзината улога како претставник на кралицата Елизабета Втора.

„Се сретнав со нејзината екселенција, генералниот гувернер, која го прифати моето барање за распуштање на парламентот“, рече Трудо пред новинарите.

Според анкетите, либералниот лидер (47) ја почна кампањата со мал предност пред конзервативецот Ендру Шеер.

Трудо има тешка задача бидејќи неговата популарност опадна минатата година и пол по катастрофалното патување во Индија и политичкиот скандал на почетокот од оваа година. Либералниот премиер тогаш беше обвинет од поранешниот министер за правда Jоди Вилсон-Рејболд за закана од владини службеници и под притисок за корупција од страна на СНЦ-Лавалин.

Во средата, дневниот весник Глобус и Меил објавија дека федералната полиција го испитува евентуалното попречување на правдата во случајот.

Конзервативецот Ендру Шеер не ја пропушти можноста да го обвини Трудо за „лажење на Канаѓаните“ и дека веќе нема „морален авторитет“ да владее.

Според неодамнешната анкета, аферата би можела да го придружува Трудо за време на 40-дневната кампања со главни теми за климатските промени, како и економијата , еден од приоритетите на Канаѓаните.

Има вкупно четворица сериозни претенденти за премиерската фотелја.

Најголем фаворит е Трудо. Тој е син на поранешниот премиер Пјер Елиот Трудо и татко на три деца со сопругата Софи Грегоар, поранешна ТВ презентерка.

Негов главен противник е Шеер, лидерот на Прогресивните конзервативци од 2017 година, на кого ова му е прва изборна кампања. Шеер има 40 години и има пет деца. Тој беше пратеник во округот Саскатчан 15 години и во 2011 година стана најмладиот спикер на Претставничкиот дом.

Тој се спротивставува на данокот на јаглерод , воведен од владата на Трудо и сака да воведе данок на најзагадувачките производители и да ги вложи тие пари во научни истражувања во нови технологии.

Третиот кандидат е Џагмит Синг (40), лидер на Новите демократи и е првиот лидер на партијата од етничко или верско малцинство , кој привлече внимание со тоа што носи турбан. Овој Сик е роден во Канада и е по потекло од индиската провинција Пенџаб. Тој е посветен на толерантна, отворена, праведна и еколошка Канада.

Четвртата е Елизабет Меј, која во 2011 година стана првата зелена пратеничка во канадската историја. Таа како адвокат ја водеше големата еколошка организација Канадскиот клуб Сиера 17 години и потоа го презеде раководството на Зелената партија во 2016 година.

Без вода утре дел од жителите на Аеродром

Без вода утре од 8 часот ќе останат корисниците од ниската зона од непарните броеви од бр. 61 до бр. 109 на булеварот „Јане Сандански" во населбата Аеродром.

Како што соопшти РЦУК-Скопје, прекинот е поради промена на затворач на водоводна мрежа со пречник од 100 милиметри на булеварот „Јане Сандански" бр. 107 во Аеродром.

Корисниците ќе бидат без вода се до завршување на интервенцијата. /МИА

Димитров во Њујорк учествуваше на две панел дискусии – за климатски промени и за мултиконцептуален свет

На настанот на високо ниво беа разменети мислења за потребата од координирано делување за ефективно справување со новите еко-предизвици.

„Засилување на европската лидерска улога на глобално ниво во сферата климатските промени и растот на еколошки чистата економија" е темата на панел дискусијата, која се одржа во организација на Светскиот економски форум во Њујорк, а на која учествуваше и шефот на дипломатијата Никола Димитров.

На настанот на високо ниво беа разменети мислења за потребата од координирано делување за ефективно справување со новите еко-предизвици.

Учесниците во дискусијата се осврнаа на новите глобални закани и ризици по (човековата) безбедност и потребата од заедничка европска акција во насока на обезбедување транспортна инфраструктура без штетни емисии, обновлива енергија и иновативни технологии, паралелно со процесите на креирање на нови работни места и европското преминување кон иднина со нула штетни емисии.

 Сесијата ја отвори холандскиот премиер Марк Руте, а во дебатата учествуваа претседатели на држави и влади, министри од земји-членки на ЕУ, како и високи претставници на разни засегнати страни.

 На покана на Светскиот економски форум и истражувачкиот институт Брукингс, министерот Димитров учествуваше на тематскиот настан "Обликување на партнерства за мулти-концептуален свет."

 Состојбата во Иран беше во фокусот на дискусијата, а на настанот присуствуваа група глобални лидери од јавниот и граѓанскиот сектор, истражувачките институти и бизнис заедницата.

Министерот Димитров, кој учествува на Генералната дебата на 74-тата сесија на Генералното собрание на Обединетите нации, на панел-дискусијата. /МИА

Законот за стечајци на владина седница

Владата на Република Македонија денеска ќе одржи редовна седница.

На седницата меѓу другото ќе расправа Предлог-законот за материјално обезбедување на невработените лица поради приватизација на претпријатијата во доминантна државна сопственост предложен од Министерството за труд и социјална политика.

Како што соопшти владината прес-служба на денешната седница ќе биде разгледана информација за текот и прогресот на активностите за реализација на проектот „Поддршка на воздухопловна федерација" на предлог на Акционерското друштво во државна сопственост за вршење на дејноста давање услуги во воздухопловната навигација М-НАВ АД Скопје.

На предлог на Канцеларијата на Претседателот на Владата на Република Македонија министрите ќе разгледаат информација за потпишување на Договор меѓу Република Македонија и организаторите на EXPO Dubai 2020.

Министрите ќе ја разгледаат и информацијата за вклучување на училиштата во иницијативата за саморефлексија при користење  дигитална технологија во образовниот процес преку употреба на алатката Selfie која веќе се употребува во 35 земји и е изработена од страна на Заедничкиот истражувачки центар при Европската комисија (Join Research Centre – JRC). /МИА

притисни ентер