Денеска во Белград се одржува јубилејната Парада на гордоста

Неделата на гордоста не завршува со денешната парада , што се одржува под паролата ,,Не се одрекувам” , порачаа организаторите.

Горан Милетиќ од Организацијата на парадата на гордоста рече дека не очекува проблеми затоа што тие веруваат во полицијата.

Степенот на доверба во полицијата го потврдуваат и организаторите кои аплицираа за организација на Европската гордост, но исто така забележува дека парадата се уште се смета за „удар на традицијата“ на целиот Балкан.

Белградската гордост под слоганот „Не се одрекувам“ е посветена на сите родители кои не се откажуваат од своите деца и кои се горди на нив.

Според нивната страница на Фејсбук во Белград, годинешната рута за одење е подолга од вообичаеното. Поворката ќе помине покрај сите релевантни институции за унапредување на ЛГБТИ  заедницата од која активистите со години бараше  донесување нови закони и нивно поефикасно и доследно спроведување.

Собирот на гордоста започнува на плоштадот Славија од 16 часот, а самата прошетка започнува во 17 часот од хотелот Хилтон.

Информативниот центар на Прајд ќе биде отворен до пролет, а не само еден месец, како претходните години.

Овој пат, седум барања ќе бидат доставени до владата. Имено, се бара одговорност од  државата и подобра заштита на правата на ЛГБТ популацијата, санкционирање на сите случаи на насилство и криминал од омраза, донесување закони за родов идентитет, донесување закони за регистрирани истополови заедници.

Исто така, услов е да се известува објективно за ЛГБТ заедницата, потоа да се реформира образованието и да се отстрани дискриминаторската содржина од учебниците за ЛГБТ и да се донесат закони што би спречиле врсничко насилство засновано врз родовиот идентитет и сексуалната ориентација.

Костадинов од граѓанската трибина во Тетово: На 12 април ќе донесеме победа голема како Шар Планина!

Душата ми трепери кога го гледам Тетово сплотено, сите заедно Македонци, Албанци, Турци, Власи, Бошњаци, и други во една цел, да го продолжиме правиот пат. 

Сме сработиле многу. Затоа, на 12 ти април да им покажеме што сме сработиле, дека не ги бива и дека сме многу подобри од нив.

Ова го истакна членот на ИО на СДСМ Костадин Костадинов, вечерва на трибината „На прав пат" во Тетово, додавајќи дека на 12 април ќе донесеме победа голема како Шар планина.

ВМРО-ДПМНЕ и Христијан Мицкоски тврдат дека се патриоти, а на 27 април влегоа во собранието со намера да убијат, рече Костадинов, додавајќи дека се лицемерни.

Бараат пари за опашката на бикот, а само за опашки потрошиле 1 милион евра, истакна Костадинов. Тој додаде дека за 2021 сите ние треба да вратиме 980 милиони евра, за спомениците, барокни фасади, жални врби, сега сакале или не мора да ги враќаме и ги враќаме.

Тетово е парадигма на концептот за едно општество за сите, истакна Костадинов, додавајќи дека за тој едноставен концептот ни требаа цели 11 години да им докажеме на ВМРО - ДПМНЕ дека нема ништо лошо Македонец и Албанец да седат заедно.

Најважно од се е дека успеавме а ја стабилизираме економијата. Од минус 1.8% економијата има раст од 4,1%, рече Костадинов.

Минималната плата ја покачивме на 14.500 денари, планираме да достигне 16.000 денари а просечната 30.000 денари. Пак ќе излеземе пред граѓаните и ќе им погледнеме во очи, бидејќи сме на прав пат, заклучи Костадин Костадинов, вечерва на трибината „На прав пат" во Тетово,се наведува во соопштението на СДСМ.

Сан Франциско забранува приватни возила во центарот на градот

Од следната година во центарот на Сан Франциско ќе бидат дозволени да се возат само такси возила и градскиот превоз.

Поради сообраќајниот метеж на улицата Маркет, Сан Франциско ќе го забрани сообраќајот за приватни автомобили, а градските власти го направија овој чекор затоа што сакаат да го намалат загадувањето, да го направат сообраќајот побрз, да ги направат улиците побезбедни и да станат главно шеталиште.

Ќе бидат забранети „Убер“, „Лифт“ и други начини на транспорт , а пешаците ќе можат само да повикаат такси или да патуваат со јавен превоз, додека приватните возила ќе можат да се движат само по улиците што минуваат преку улицата Маркет, но доколку свртат по неа, ќе бидат казнети.

Џонсон : Ќе направиме пауза за Брегзит , следуваат консултации со ЕУ

Британскиот премиер Борис Џонсон вечерва изјави дека ќе  направи пауза кога станува збор за усвјување на законот за Брегзит .

Вечерва британските пратеници за прв пат го прифатија законот за Брегзит , но гласаа против негово усвојување за краток временски рок.

Говорејќи откако Парламентот го отфрли планираниот временски распоред на владата за донесување на законот, Џонсон рече дека ќе се консултира со лидерите на ЕУ и ја повика Унијата да одлучи како ќе одговори на барањето на Парламентот за одложување на Брегзит.

притисни ентер