Ноќта кога била убиена , си играла видео игри со својот внук , додека мајка и била во болница.
Полицицаецот пукал во неа низ прозорецот во спалната соба околу 2 часот по полноќ во саботата, убивајќи ја додека била покрај нејзиниот 8-годишен внук.
Мајката на Ататијана Џеферсон била во болницата кога загрижена сосетка забележала дека вратата кон нејзината куќа е отворена среде ноќ. Повикала полицијата, која наскоро пристигнала.
Снимките на камерата од полициската униформа прикажуваат дека полицаецот пукал кон Џеферсон само две секунди откако ја предупредил дека ќе отвори оган.
„Подигнете ги рацете! Покажете ги рацете!“, Се слуша како вика полицаец кој не се идентификувал.
Две секунди по предупредувањето, се гледа како полицаецот пука низ прозорецот. Ататијана Џеферсон беше прогласена за мртва неколку минути подоцна.
Полициското одделение во Форт Ворт соопшти дека офицерот пукал со пиштол откако „забележал закана“, но не кажаа зошто се чувствувал загрозен.
„Ова нема смисла“, рече таткото на Ататијана, Маркис Џеферсон.
„Тие мораа да помислат дека таа е нечија ќерка, дека некој ја сакал. Мора да има подобар начин. Не мораше да дојде до ова“, додаде тој.
Ататијана имала диплома по биологија од универзитетот Ксавиер. По дипломирањето, работела за компанија која продава медицинска опрема.
„Полицискиот службеник кој го застрела Џеферсон поднесе оставка и може да се соочи со судска постапка“, рече денеска шефот на полицијата, Ед Краус.
Градоначалникот на Форт Ворт, Бетси Прајс рече дека убиството е неоправдано.