Бремените жени од Кина ја шверцуваат сопствената крв во Хонг Конг

Бремените жени од Кина пренесуваат епрувети со својата крв во Хонг Конг , каде се вршат утврдувања на полот на бебето.

Во Кина е забрането да се знае полот на бебето пред породувањето , поради големата разлика во бројот на машките и женските деца.

Едно 12-годишно девојче е последниот случај на приведување во Луоху, на границата со Хонг Конг и Народна Република Кина, при што во нејзиниот ранец се пронајдени 142 примероци крв на бремени жени , а девојчето ги криело епруветите за шверцување во играчки. Царински службеник изјавил: „Беше чудно да се види девојче со натрупан ранец со оглед на тоа што студентите од Кина кои редовно влегуваат во Хонг Конг на овој премин обично носат само книги и храна“.

Шверцот со крв во Хонг Конг од Кина стана честа појава во последните три години. Примероците се испраќаат во клиниките во Хонг Конг за ДНК-тестирање, што им овозможува на потенцијалните родители рано да го детектираат полот на своето дете.

И покрај промената на законот во однос на политиката на едно дете во НР Кина, многу кинески парови сепак избираат да имаат само едно дете и, како по правило, сакаат тоа да биде машко.

Во нивниот очаен обид да дознаат дали ќе имаат момче или девојче, многу кинески родители се обраќаат на посредници кои ги пренесуваат примероците од крв на идните мајки во Хонг Конг. Десетици агенции нудат услуги од ваков вид на социјалната мрежа Веибо, кинески еквивалент на Твитер.

Портпаролот на една од овие агенции рече: „Жените можат да започнат со тестирање во шестата или седмата недела од бременоста. “.

Бремените жени се охрабруваат да испраќаат шишиња со примероци од крв во Хонг Конг, скриени во полнети играчки или кутии со спакувана храна. „Ние веќе не вработуваме луѓе да носат примероци преку границата. Тоа стана премногу ризично“, додаваат од агенцијата.

Споменатата агенција на Веибо има 380.000 следбеници и наплаќа по 490 долари за своите услуги. Тестирањето се врши на тајна локација во Хонг Конг.

Кинескиот закон за планирање на семејството забранува тестови за утврдување на полот на децата од 2002 г. Според податците за 2017 година, Кина има 32,7 милиони повеќе мажи отколку жени.

За време на политиката на едно дете, селективните абортуси во Кина беа вообичаени. Околу 12 милиони женски деца биле абортирани меѓу 1970 и 2017 година.

Иако законите во Кина од 2015 година им овозможуваат на родителите да имаат повеќе од едно дете, многумина од нив сè уште раѓаат по едно дете поради високите трошоци на живот.

Убила 19-годишна трудница и ѝ го украла бебето од матката-осудена е на 50 години затвор (ВИДЕО)

Клариса Фигуероа (51) е осудена на половина век затвор откако убила бремена тинејџерка во Чикаго намамувајќи ја во нејзината куќа за да ѝ го украде бебето од утробата, кое потоа го претставила како свое.

Тоа е, накратко, епилогот од страшното злосторство што го потресе овој дел на САД, а се случи во 2019 година, објави Еј-Би-Си Њуз.

Марлин Очоа-Лопез (19), мајка на двегодишно момче, која била во поодмината бременост, била намамена од Клариса во нејзиниот дом со ветување дека ќе ѝ даде бесплатна облека за бебето. Страшното злосторство го извршила со помош на нејзината ќерка Дезире, која во јануари ја признала вмешаноста во убиството кога била осудена на 30 години затвор. Мајката и ќерката ја задавиле трудница со електричен кабел. Клариса, која е медицински работник, сакала да го претстави бебето како свое, а откако го извлекла од стомакот на мајката повикала брза помош. Поради повредите, бебето два месеци било на интензивна нега во болница, но и покрај сите напори на лекарите, починало.

За време на судењето, се тврдело дека Клариса Фигуероа го изгубила своето бебе пред злосторството, а потоа им кажала на членовите на семејството дека повторно е бремена. Во октомври 2018 година, таа ѝ кажала на својата ќерка дека ѝ треба помош да убие трудница и да го украде бебето од нејзината утроба.

Ракел Уриостеки, мајката на убиената трудница, по изрекувањето на пресудата видно се потресе:

- Губењето на ќерка ми е нешто што никогаш нема да го прежалам.

Откако украденото бебе било сместено во болница, Клариса Фигуероа и нејзиниот партнер Пјотр Бобак тврделе дека бебето е нивно, па дури започнале и хуманитарна кампања за собирање помош за негово лекување. Пјотр подоцна на судењето признал дека помогнал да се отстранат трагите по убиството на бремената тинејџерка.

Страшното злосторство било неоткриено неколку недели, иако Џовани Лопез, сопругот на убиената, уредно ја пријавил за исчезната, но немал помош од надлежните да ја пронајдат. Полицијата реагирала дури по анонимна пријава во која било наведено дека е видена како исчезнатата влегува во куќата на Клариса Фигуероа. На 07.05.2019 година полицијата извршила претрес. Автомобилот на жртвата бил пронајден во близина на куќата на убиецот, а набрзо била наредена и ДНК анализа на бебето. Откако дошле резултатите од ДНК, полицијата ги уапсила мајката убиец, нејзината ќерка и нејзиното момче. Телото на жртвата било пронајдено закопано во дворот.

- Казната што ја доби никогаш нема да биде доволна и мојот син никогаш повеќе нема да ја прегрне мајка си. Изгубив дел од семејството и тоа секогаш ќе ме следи – низ солзи изјавил сопругот Џовани Лопез.


Нуркачи снимија како изгледа силен земјотрес под вода: Сега имам уште еден страв (ВИДЕО)

Страшно искуство е да се почувствува силен земјотрес, а група нуркачи го доживеале под вода додека јачината била 7,2 степени според Рихтеровата скала.

Видеото се рашири на социјалните мрежи, а корисниците пишуваат дека откако го погледнале, се наежиле и откриле нов страв.

На видеото се гледаат неколку нуркачи како пливаат меѓу коралниот гребен и уживаат во живописната глетка. Но, сè се менува кога ќе започне земјотресот. Прашина и нечистотија од морското дно се креваат и изгледаат како морничава магла.

So this is what an earthquake looks like underwater
byu/Literally_black1984 ininterestingasfuck

Се гледаат и нуркачи како се држат до коралите додека водата се движи побрзо и побрзо. „Да, мора да е кошмар“, „Изгледа страшно“, „Морничаво“, се само дел од коментарите.

Ужас во Англија: 80- годишен човек е запален во двор, соседите слушнале крици (ВИДЕО)

Две лица се уапсени откако полицијата пронашла изгорено тело на маж во задната градина на домот на едно „многу повлечено“ семејство, како што ги опишале соседите во Бредфорд.

Соседите во тивка уличка во Бредфорд пријавиле дека слушнале врисоци пред да видат како чад се издига зад куќата. Според извештаите, жртвата била 80-годишен маж кој живеел во куќата со помлада жена и нејзиниот син, објави Сан.

Многумина во соседството биле убедени дека човекот починал, затоа што не го виделе од пандемијата на коронавирус.

„Од градината доаѓаше чад, но не можевме да влеземе бидејќи портата беше затворена. Се обидовме насилно да ја отвориме портата и можевме да видиме крв и осакатено тело. Не можев да верувам, беше како нешто од хорор филм“, рекол соседот Мухамед.

„Семејството буквално никогаш не излегуваше надвор, тие се многу повлечени. Ова се случи целосно од ведро небо и сите се многу шокирани од тоа“, рече друг сосед кој сакал да остане анонимен.

Полицијата денеска соопшти дека го идентификувала телото на возрасен маж, но дека се уште се обидуваат официјално да го идентификуваат мажот и да им влезат во трага на неговите најблиски.

„Според информациите достапни во овој момент, ова го третираме како истрага за убиство. Мојот тим работи на утврдување на околностите кои довеле до смртта на човекот. Имаме две лица во притвор и не бараме никој друг во врска со овој инцидент, што се случи во тивка станбена улица, разбирам дека овој инцидент предизвика загриженост во пошироката заедница и има многу шпекулации за тоа што се случило и кој бил инволвиран.“

На местото на настанот се испратени пожарникарски екипи, полиција и брза помош, а соседите велат дека досега не виделе толку големо присуство на итните служби.

Противпожарната и спасувачка служба во Западен Јоркшир соопштија дека екипите го изгаснале пожарот на имотот.

„Ова беше многу шокантен инцидент за многу тивка и мирна заедница“, рече локалниот лабуристички советник Сајмон Канингам.

притисни ентер