Изјава на претседателот Пендаровски по првиот дел од лидерската средба

Да ве информирам дека сме на половина од средбата. Начелно зацртавме да има две точки за кои ќе разговараме.

Првата се неодамнешните заклучоци на Европскиот Совет, кои беа такви какви што сите ги знаеме. Од сите учесници на денешната средба побарав да го реафирмираме нашиот став дека продолжуваме по истиот пат кон Европската унија. Во тој дел ќе кажам неколку специфики и неколку заклучоци кои ги постигнавме со апсолутен консензус. Втората точка е можноста за организирање предвремени парламентарни избори.

Првата точка ја завршивме и јас сум тука бидејќи и е во склад со моите надлежности да ве информирам што е договорено. По паузата веднаш продолжуваме со втората точка околу можноста за предвремени парламентарни избори, за што ќе добиете информација кој и како ќе ве информира. Можеби ќе идеме со изјави на лидерите кои се тука присутни, но како ќе биде, откако ќе го завршиме вториот дел од вечерашната средба.

За првиот дел, можеби должам објаснување. Некој од вас ме прашуваа зошто е форматот на поканети таков каков што е. Сакам накусо да објаснам. Имавме еден принцип според кој се водевме. Значи поканети се политички лидери на политички партии кои освоиле самостојно пратеници на последните парламентарни избори, не биде дел од коалиција и затоа е составот таков каков што е. Се разбира, за тоа нема стриктна законска одредба, ова се објективно неформални средби кои ниту еден закон не ги предвидува во кој формат ќе бидат, меѓутоа сакам да ви кажам дека не било баш случајно тоа што овие луѓе се поканети.

Почитувани, ова го кажав на почетокот на средбата. Мислам дека некој од вас го забележаа. Според моето сеќавање или паметење, нашата држава е по трет пат во слична ситуација, барем што се однесува до нашето етаблирање на меѓународен план и нашите евро-атлантски аспирации.

Во 1991-та бевме во една ваква слична ситуација, во сосема поинаков меѓународен и политички контекст, кога беше донесена познатата Лисабонска декларација која велеше државата нема да биде признаена воопшто ако во своето име го содржи зборот Македонија. Тоа беше заклучок на тогашната Европска унија. Тоа беше надминато, година дена потоа станавме членки на Обединети нации и понатаму на сите други глобални и регионални меѓународни организации. Во 2008-та бевме во слична ситуација, јас имам доволно години да ви кажам дека бев присутен во македонската делегација која 2008 беше на самитот на НАТО во Букурешт, кога од познати причини, поради спорот околу името со нашиот јужен сосед бевме де факто блокирани, односно немавме одлука на целата алијанса дека треба да станеме членки и сега после овие крајно неповолни заклучоци на Европскиот совет од пред неколку дена со кои нашата понуда да почнеме конечно после долги години чекање, после 14 години статус на земја кандидат и после исполнување практично на сите предуслови кои ни беа поставени и од самата Европска унија на нејзиниот јунски самит минатата година, кога бевме пак одбиени, односно прашањето беше одложено за пролет за следното претседавање со Европската унија кое ќе биде направено од страна на Република Хрватска. Мене ми е драго, и тоа сакам да го истакнам во јавноста што сите поканети лидери на политички партии искажаа јасен државотворен капацитет и застанаа зад оваа стратешка цел која ни е зацртана уште во раните деведесетти години. Значи ниту еден од нив не испушти да каже дека ова е единствениот пат по кој треба да оди нашата земја, Република Северна Македонија сега, и дека не постојат никакви алтернативи на тој пат, затоа што тоа е единствената алтернатива која гарантира на среден и на долг рок дека државата може да биде трансформирана во просперитетна, во демократска и во економски успешна држава и општество.

Ви кажувам што побарав од нив и што добивме од нив. Имаме јасен државен консензус на релевантните политички лидери во нашата земја дека, независно од заклучоците на Европскиот совет, стојат зад идејата Република Македонија што е можно поскоро да ги почне и што е можно поскоро да ги заврши тие преговори, за да стане полноправна членка. Сите присутни на средбата се согласни дека ние немаме проблем со евентуално нова и подобрена методологија за водење на пристапните преговори. Сите присутни на средбата рекоа дека немаат проблем ако новата методологија подразбира реверзибилност на процесот. Значи, едно поглавје кога ќе го затворите, ако трендовите во таа област се негативни, слободно можат да не вратат назад, па дури и до самиот почеток на процесот.

Немаме од што да се плашиме, тоа е во наш интерес и во интерес на нашите граѓани. Ако немаме добри резултати, ако не се резултатите во склад со европските принципи нека не враќаат назад. Меѓутоа, сите присутни лидери на состанокот рекоа „не" за било какви евентуални алтернативи на процесот на приклучување за нашето полноправно членство. До сега тоа никој не ни го нуди, меѓутоа на маргините на таа дебата која сите ние ја следевме, а што се водеше во Брисел и во Луксембург постоеја некакви поинакви размислувања дека можеби и ние треба да бидеме ставени во категоријата на соседство, а тоа е сосема друга категорија. Во однос на ЕУ, ние сме дел од Европа и според базичните документи, според основачките документи на ЕУ, ние имаме право да бидеме членка на ЕУ на денот кога ќе ги задоволиме критериумите. Затоа што базичните документи од 57' година велат, секоја држава на континентот може да аплицира и да стане членка на таа организација. Ние не бараме никаква алтернатива на овој формат, на ова придружување, туку само како полноправна членка на таа организација. Ова е првиот дел, тука запревме. Имаме комплетен консензус дека ги реафирмираме овие вредности и ставови и дека немаме и воопшто не размислуваме за алтернатива. Било кој да е на власт, денеска, утре, задутре, во годините што доаѓаат, и било кој да е во опозиција сите се обврзаа дека ќе работат, секој од позицијата која што ќе ја има во дадениот момент, ќе работат на нашето што побрзо приклучување кон ЕУ. Во вториот дел ќе зборуваме за точката за предвремени парламентарни избори.

Кабинет на претседателот на Република Македонија

Секојдневна рутина на 80-годишна баба за порцелански тен (видео)

Една повозрасна дама од Кореја стана популарна на Интернет по својата блескава и свежа кожа, откако нејзината внука сподели видео со трикови за нега на кожата.

Брчките, старечките дамки и губењето на колагенот се природен дел од стареењето на кожата, но многу луѓе тешко го прифаќаат овој процес, обидувајќи се да најдат начини за да го задржат свежиот изглед на кожата што е можно подолго. 80-годишната Тошико Ето стана позната откако нејзината 36-годишна внука Јури Ли од Лос Анџелес објави видео на кое бабата се појавува со блескава кожа.

Нејзината внука тврди дека баба ѝ сето тоа го постигнала без ботокс и филери, а нејзините придружници беа љубопитни да слушнат како оваа баба го одржува својот младолик и свеж изглед.

Ли за локалните медиуми открила дека нејзината баба се грижи за својата кожа уште од својата 20-та година, што е потсетник за тоа дека нашата кожа ни возвраќа во позрелите години доколку сме ја негувале уште од раната младост, кога сè уште изгледала беспрекорно.

Бабата ја има својата секојдневна рутина за нега

Во изминатите 60 години, Ето следи дневна рутина за нега на кожата, користејќи некои производи на кои останала доследна со децении. Еден од нејзините вообичаени производи е лосионот за навлажнување, што таа го прска на лицето. Дерматолозите велат дека овој лосион содржи активна состојка дикалиум глициризинат, кој го изедначува тонот на кожата и помага во одржувањето на хијалуронската киселина, пренесува Business Insider.

Друг производ кој е незаменлив во секојдневната рутина за нега на кожата на oваа баба е серумот со витамин Ц, специјална есенција за избелување. Дерматолозите истакнуваат дека формата на витаминот Ц во овој производ помага да се поправат оштетувањата од УВ зраците, го поттикнуваат создавањето на колаген и помалку ја иритираат кожата. Витаминот Ц помага и при хиперпигментација и го изедначува тенот на кожата. Покрај тоа, г-ѓа Ето нанесува уште еден серум кој содржи транексамична киселина која го подобрува тенот. Оваа баба користи и хидратантна крема против брчки, како и подлога која содржи церамиди кои помагаат во обновување на кожната бариера. По миењето користи ноќна крема.

Не се изложува на сонце

Ли открила дека нејзината баба не излегува често надвор и дека ја штити кожата од сонцето. Од друга страна, за Business Insider, дерматологот д-р Тина Алстер изјави дека генетиката и заштитата од сонце се двата најважни фактори кои придонеле за младешкиот изглед на кожата на г-ѓа Ето.

Алстер изјавила дека секојдневната рутина за нега на кожата на оваа баба веројатно минимално придонела за нејзината кожа без брчки. Таа додала дека, на пример, ако витаминот Ц е со соодветна јачина и формулација, тој е најдобриот производ во нејзината програма.

Додатоци и протеини

Исто така, Ето 20 години секојдневно пиела протеински прав од соја и витамин Ц во прав измешани со екстракт од суви сливи. Освен тоа, таа додала дека и маслото од авокадо е исклучително заслужно за нејзиниот беспрекорен тен.

Истражувањата покажаа дека доволниот внес на протеини позитивно влијае на здравјето на кожата. Витаминот Ц помага да се заштити кожата од сонцето и е поврзан со намалување на брчките.

@yurileeeee She has literaly the most beautiful skin i’ve ever seen!! #grandma #grandmatiktok #beautifulskin #flawlessskin #skincarevideo #glassskin #skincarroutine ♬ Cartoon Eye Blinking Sound - Anna

Моќта на ферментираната храна

За корисниците на Тикток, оваа баба открила дека можеби храната што ја внесува е позаслужна за нејзината кожа отколку гелот против брчки. Таа изјавила дека има обилен појадок и дека оброците најчесто ги приготвува дома. На нејзината трпеза доминира зеленчукот и ферментираната храна, вклучувајќи ја и традиционалната јапонска кујна која вклучува ферментирана соја.

Ферментираната храна, според експертите, е поврзана со здравјето на цревата, кое пак е поврзани со здравјето на кожата. Иако сите овие фактори се важни за убава кожа, генетиката и заштитата од сонце играат најголема улога, тврдат експертите.

Извор: srecna.republika.rs

Полицајци добиле повик на гробишта- таму затекнале жена, која ги „замрзнала“ (ВИДЕО)

Гратчето Лулес, во аргентинската провинција Тукуман, го „потресе“ необичен настан кој е снимен пред неколку дена.

Полициската патрола добила дојава дека „непознато лице ноќе се шета во близина на гробиштата“, па решиле да проверат за што се работи. Видеото од интервенцијата се појави на мрежите и започна дебата за постоењето на паранормалниот свет.

Кога пристигнале на гробиштата, полицајците затекнале непозната жена со долга црна коса како бесцелно одела, облечена во „излитена“ облека.

„Таа не сакаше да комуницира со нашите полицајци. Испушташе чудни звуци и во еден момент клекна пред нив“, соопштија властите.

Жената продолжила да си зборува, а потоа почнала да вреска. Таа потоа тргнала во правец на локалниот каменолом, пишува Мендоза пост.

Медиумите објавија дека полицијата на крајот успеала да воспостави комуникација со жената која наводно рекла дека „го бара синот“.

Локалните власти остануваат цврсто затворени за информаци додека не заврши истрагата. Во исто време, локалните гробишта во Лулес се најдоа во центарот на вниманието на корисниците на социјалните мрежи.

Како што можете да замислите мислењата се поделени.

Додека некои веруваат дека се работи за дух, или некаков вид привидение, други се прашуваат од кога духовите имаат сенка и заклучуваат дека на жената ѝ е потребна медицинска или психијатриска помош.

Тамара починала додека 12 часа чекала доктор да ја прегледа во Итната помош во Британија

Тамара Дејвис (31) починала откако 12 часа била оставена во инвалидска количка во болницата во Сасекс во Велика Британија каде таа и нејзиното семејство биле сведоци на сцени „налик на војна“.

Семејството жената која починала откако поминала 12 часа на болничка количка рече дека одделението изгледало како „сцена од воена зона“. Тврдат дека 30 пациенти со видливи повреди лежеле на носилки и во ходниците.

„Таму беше апсолутен масакр. Беше како медицинска воена зона. Имаше 30 луѓе на колички кои чекаа соодветен третман и повеќе луѓе на подот и седиштата. Беше тотален хаос“, рече мајката на Тамара.

Вечерта на 10 декември 2022 година, Тамара Дејвис била однесена со автомобил во болницата во округот Сасекс откако се пожалила на тешкотии со дишењето.

На рочиштето на истражниот суд во Брајтон Сити беше кажано дека нејзиниот партнер, Рафаел Ифил, направил пет очајнички повици на 999 за да се обиде да добие брза помош. Кога тие не одговориле, тој го натерал својот брат да ја вози Тамара до болницата во округот Сасекс.

"Раф не можеше да добие брза помош. Помина два часа обидувајќи се да добие. Пет пати се јави и не ги доби", додала мајката.

Веднаш била испратена во област каде ѝ дале кислород пред да ја однесат до ходникот каде што чекала повеќе од 10 часа. Нејзината уништена помлада сестра Мија (25), која веднаш дошла во болница за да биде со неа, рече дека персоналот едноставно заборавил на нејзината сестра.

„Требаше да се грижат за неа, но едноставно заборавија на неа и таа остана свиткана во количка во ходникот. Се чувствувавме беспомошни. Беше лудо. Тие ѝ дадоа антибиотици, но потоа не успеаја да ѝ дадат уште една доза, иако тоа го напишаа во нејзините белешки. Подоцна беше пречкртано, но нема објаснување зошто и нема иницијали до пречкртаниот запис. Се чинеше дека имало моменти кога сестра ми ја третирале како товар. Ниту една медицинска сестра, лекар или вратар не ја погледна“, рече Мија.

Состојбата на Тамара продолжила да се влошува и на крајот била примена на интензивна нега каде што била ставена на респиратор, но починала три дена подоцна на 13 декември поради сепса и нејзините органи постепено откажуваа.

Со скршено срце изјави дека Тамара „колабрирала“ во болница и починала по „одвратното“ лекување во болницата Сасекс. Велат дека нејзината смрт можела да биде спречена доколку добиела соодветна нега во Итната помош и дека не успеале да ја лекуваат во болница.

„Никогаш не сум почувствувала како ми се крши срцето како кога ми рекоа дека сестра ми нема да се опорави. Тоа беше како последователна мисла. Таа беше оставена, речиси заборавена. Третманот со сестра ми беше ужасен. Никој не дојде да провери. Никој не застана да праша дали имаме сè што ни е потребно или дали ѝ е удобно. Срцето ми се крши кога знам дека нејзината смрт можеше да се спречи ако ја добиеше грижата и вниманието што ѝ требаше.“

Смртта ќе биде предмет на целосна истрага откако Џоан Ендрјус, судски вештак за Западен Сасекс, Брајтон и Хов, рече дека има причина да се сомнева дека нејзината смрт е „неприродна“.

По краткото сослушување, семејството рече дека сака објаснување зошто лекарите „не“ и пружиле соодветна грижа.

"Сакам одговори. Апсолутно е одвратно што не успеаја да се грижат за неа како што треба. Поразително е да се знае дека ако ја завршеа својата работа, таа ќе беше тука", рекла мајката.

„Разговаравме директно со семејството на Тамара за да изразиме сочувство“, рече д-р Енди Хипс, главен оперативен директор во Универзитетските болници Сасекс NHS Foundation Trust.

„Не можам јавно да зборувам за грижата за Тамара, но генерално кажано, нема сомнеж дека нашиот персонал понекогаш мора да работи под голем притисок, во тешки околности, но тие секогаш ќе дадат сѐ од себе за да обезбедат грижа, сочувство и достоинство на своите пациенти. “ додаде докторот.

Истрагата ќе продолжи и прелиминарниот датум со последните информации е 28 јуни.

притисни ентер