Средба Путин – Ердоган во Сочи

Точно напладне во рускиот град Сочи почна состанокот на двајцата лидери Путин и Ердоган посветен на турската офанзива.

Состанок кој доаѓа токму пред истекот на договореното примирје на северот од Сирија, со кое се предвидува курдските сили да се повлечат од границата со Турција.

Официјална Анкара го бара нивното повлекување за да воспостави безбедносна зона за да ги смести неколкуте милиони бегалци згрижени на турска територија. На средбата како што пренесуваат руските медиуми, се очекува Путин да го притисне Ердоган за директна комуникација со официјален Дамаск, нешто кое до пред неколку години беше неприфатливо за турскиот претседател.

-Нашите односи во изминатите години се повеќе се подобруваа и верувам дека денешната средба ќе придонесе кон тоа да се решат проблемите во тој регион. Постојат различни динамики и мислења околу ситуацијата во Сирија и ние сме свесни за сето тоа,изјави Владимир Путин – Претседател на Русија.

-Овој состанок денеска ќе ни овозможи да ја разгледаме ситуацијата во Сирија детално и да постигнеме некакво решение кое ќе помогне да се смири ситуацијата. Сепак, турската операција во Сирија е реалност, истакна Реџеп Таип Ердоган – Претседател на Сирија

Двете држави имаат различни ставови од почетокот на конфликтот. Русија го поддржува режимот на Асад, додека Турција ги прекина односите со сириската влада и ги поддржува бунтовниците. Во меѓувреме, силите на САД започнаа со најавеното повлекување од регионот под контрола на курдските сили на големо незадоволство на локалното население.  

Турција ја започна офанзивата откако американскиот претседател Трамп даде наредба за повлекување на околу 1.000 војници од северот на Сирија, со што се овозможи на Ердоган за ја започне воената операција. Турската офанзива потоа ги затегна и односите на релација Вашингтон – Анкара.

Бугарин низ Хрватска ,,летал” со 193 км/час со Ламборџини

Хрватската полиција вчеравечер запрела автомобил Ламборџини на автопатот А3 на делницата Брегана- Загреб-Липовац.

Ламборџини со бугарски таблички, возел од правец од Липовац со брзина од 193 км на час, а го управувал 60-годишен бугарски државјанин.

Поради прекршок за надминување на максимално дозволената брзина, на возачот му е изречена задолжителна прекршочна потерница и парична казна од 5.000 куни (670 евра) и заштитна мерка забрана за управување со моторни возила од Б категорија на територијата на Република Хрватска во рок од  еден месец, jaвуваат хрватските медиуми. 

Мас: Мора да се најде начин како Македонија што побрзо да ги почне преговорите со ЕУ

Се уште нема договорена методологија како ќе течат преговорите со земјите кандидати за членство во Европската Унија.

Ова го изјави Германскиот министер за надворешни работи Хајко Мас кој е во официјална посета на земјава. Предлогот на официјален Париз се уште никој  во Германија не го видел, но сојузната влада смета дека мора да се најде начин како Македонија што побрзо да ги почне преговорите...

Сличен е ставот и министерот Димитров, кој кажа праведно Европската Унија да ја цени секоја држава според заслуженото, бидејќи во спротивно се губи целата смислам во однос на спроведување на бараните критериуми.

По вчерашната информации од Париз, според кој францускиот претседател Макрон на Пендаровски му рекол дека очекува до март да биде усогласена нова процедура за водење преговори, во земјава се подграа надежите дека е можно на пролетниот самит на Унијата во Заграб да биде донесена одлука за почнување на преговорите. Порака дека земјава треба да продолжи по евроинтегративниот пат, а Германија ќе застане силно за Македонија, Мас му пренесе и лично  на претседателот Пендаровски.

СДСМ и ВМРО-ДПМНЕ интензивно се подготвуваат за изборите

И власта и опозицијата ги засилија подготовките за предвремените парламентарни избори. 

Откако минатата недела СДСМ го избраа партискиот генерален секретар Љупчо Николовски за прв човек на Изборниот штаб, вчера и ВМРО ДПМНЕ истата доверба му ја додадоа на нивниот генерален секретар, Игор Јанушев.

Лидерот на опозицијата, Христијан Мицкоски вели изборната програма се подготвува, а во тек се и мерења на рејтингот на идните пратениците. Мицкоски најавува сосема нови лица на кандидатските листи.

Предизборно премиерот Заев го засилува својот кабинет. Агенцијата за администрација објави оглас за вработување на три лица во кабинетот на претседателот на Владата.  Премиерот вели не се работи за предизборни вработувања, туку за редовни постапки за вработувања.

„Крајот на годината е можност за сите што поминале осуммесечен, деветмесечен приправнички стаж да може да напредува, да добијат решенија за трајно вработување и слично, а крајот на годината исто така ги прави и буџетските баланси за сите оние што отишле во пензија. Нема нешто повеќе, нема нешто помалку од она што постоело во годините без разлика дали следуваат избори или не, се пополнуваат испразнети места. Знаете дека администрацијата од 165 илјади е намалена на нешто под 140 илјади. Продолжуваме со тој тренд заради тоа што севкупната рационализација и потребата во приватниот сектор е се поизразена и исклучиво веруваме дека е тоа добро за државата“, изјави Заев.

Инаку, за потребите на премиерскиот кабинет се бара раководител на сектор за следење на спроведување на владината програма со плата од над 37 илјади, потоа помлад соработник со плата од 22 илјади и помошник раководите за односи со јавност и протокол со 31 илјада денари нето плата.

притисни ентер