Ова е прв пат браќата да се видат заедно во јавноста уште од документарецот на Хари „Хари и Меган: Африканско Патување“ во кој тој откри дека се дистанцирал од Вилијам.
Според „Дејли меил“, Хари и Меган седеле во вториот ред зад премиерот Борис Џонсон и неговата девојка Кери Симондс, додека на Вилијам и на Кејт им биле дадени места покрај кралицата Елизабета Втора.
Бакингемската палата објасни дека не е невообичаено браќата и нивните сопруги да седат одделно - згора на тоа, тие потсетија дека на минатогодишниот собир по повод Фестивалот на сеќавање, аранжманите за седење биле скоро идентични.
Сепак, британските медиуми истакнуваат дека Хари и Меган пристигнале одделно од Вилијам и Кејт и не се сликале заедно - но експертите во кралското семејство потенцираат дека ова е повторно вообичаен протокол.
Инаку , принцот Хари во шокантниот документарец рече дека со Вилијам имале „разделени начини на живот“, што многумина го толкуваа како потврда за големиот раскол меѓу браќата.
Во истиот филм, тој ги обвини и медиумите, кои „бескрупулозно го гонат него и неговата сопруга Меган“.
„Нема да ме вметнете во валканата игра што ја уби мајка ми (принцезата Дајана)“, рече Хари, алудирајќи на папараците.
На прашањето за коментар за споменатиот документарен филм, помладиот принц рече:
- Вилијам и јас сме браќа, ние секогаш ќе бидеме браќа ... Јас секогаш ќе бидам таму за него, како што тој ќе биде за мене. Точно е дека не се гледаме толку често како порано затоа што двајцата сме многу зафатени, но сепак го сакам. Како и сите браќа, имаме добри и лоши денови.