Млади фудбалери од повеќе од 40 националности се натпреваруваа на меѓународен турнир во Скопје

Меѓународен фудбалски турнир на кој учествуваа младинци од нашата земја како и од Полска, Австрија, Русија и Унгарија се одржа од седми до деветти ноември на теренот на академијата „Вардар" во Градскиот парк во Скопје.

Домаќин на овој интернационален настан беше меѓународното училиште „Нова", а тимот составен од средношколци од оваа образовна институција се пласираа на второто место. Натпреварите се дел од спортските активности кои се организираат во рамки на Асоцијацијата на училишта од Централна и Источна Европа (CEESA) чиј член е и „Нова". Покрај редовните турнири во фудбал, се одржуваат и натпревари по кошарка, крос кантри, трчање, одбојка, пливање, тенис и софтбол.

„Нова" со свои тимови учествува на овие фудбалските турнири за средношколци од октомври 2009 година и за овие десет години има освоено шест први и две трети места.

- За време на оддржување на овие турнири најчесто имаме ученици од повеќе од 40 националности со оглед дека учествуваат меѓународни образовни институции. Досегашното искуство е дека учениците кои како гости се задоволни од начинот на кој ги организираме овие турнири. Воодушевени се од гостопримството на нашите семејства кои ги отвораат своите домови за да ги сместат гостите за неколку ноќи и ја ценат дадената можност да го запознаат Скопје и да се дружат со своите врсници од „Нова". Токму комбинацијата од запознавање на нова култура, дружење со свои врсници од друго училиште и играњето на омилениот спорт е нешто што создава сеќавања кои долго траат – објаснува Александар Ристовски, координатор на спортската програма во „Нова".

Училиштата кои учествуваат на овие CEESA турнири се едни од најреномираните во Европа по повеќе параметри.

- Имаат импресивни училишни кампуси кои дозволуваат да се одвива едукативен процес соодветен за 21-виот век, со буџети на кои би позавиделе некои од нашите поголеми македонски компании. Дополнително ги имаат имплементирано најдобрите едукативни програми, исто како и „Нова", и регруритаат квалитетен кадар од целиот свет, којшто има долгогодишно искуство во меѓународното образование – објаснува Ристовски.

Тој посочува дека во „Нова" постои значителен интерес за програмата за фудбал која не е резервирана само за момчињата и секоја година повеќе од 30 средношколци (машки и девојчиња) се регистрираат како членови на фудбалските тимови. Тие тренираат заeдно вo текот на сезоната (од почеток на септември до средина на ноември) и на крајот на сезоната учествуваат на вакви меѓународни турнири.

Нејмар докажа дека нема непријатели во тимот

Нејмар потсети колку е моќен во дуелот помеѓу ПСЖ и Галатасарај (5-0).

Бразилецот постигна еден гол и забележа две асистенции, но неговиот потег за петтиот гол привлече најголемо внимание.

По изречената казна во корист на  ПСЖ , Нејмар ја однесе топката на белата точка. Сепак, тој не го шутираше пеналот, туку му го препушти  шутот на  Единсон Кавани.

"На себичноста не и е место во фудбалот. На Единсон му беше потребен гол. На крајот, сите напаѓачи постигнаа по еден и сите си одиме дома среќни", изјави Нејмар и изненади многумина со таквата порака.

Ова е уште почудно ако се знае дека судирот меѓу Нејмар и Кавани започна пред две години токму поради пенал. Бразилецот сакаше да шутира пенал на натпреварот против Лион, но Кавани не му ја даде топката и тој го промаши ударот од белата точка. Подоцна, расправиите продолжија во соблекувалната и навивачите на ПСЖ јавно застанаа на страната на Кавани, кој е подолго во клубот.

Оваа сезона Кавани има проблеми со повреда и постигнал само два гола на 10 настапи пред натпреварот со Галатасарај.

Има 23 години , 17 трофеи и 22 повреди: Можеби нозете не ми се за фудбал

Новиот рекордер, според бројот на бизарни и чести повреди е еден чуден играч на Баерн - Кингсли Коман.

23-годишниот Французин постигна гол во 14-та минута против Тотенхем во Лигата на шампионите, но мораше да ја напушти играта уште во 27-та минута по бизарна повреда на коленото. Првите информации се дека тој го скршил коленото, а прогнози велат дека младиот фудбалер нема да биде на теренот најмалку 20 дена.

По натпреварот следуваше лавина за поддршка на Коман, која на 23-годишна возраст се здоби со 22 повреди. Скоро нема повреда што фудбалерот на Баерн не ја доживеал во последните пет години, поради што тој е надвор од терените вкупно една година и 25 дена, со 65 натпревари кои ги испуштил.

"Имав досега две операции и тешко би ја преживеал третата. Го пропуштив Светскиот куп каде што сонував да играм и тоа ме фрустрираше. Франција на крајот стана светски шампион без мене, но јас имам волја да се вратам во најдобра форма во националниот тим. Но, ако повторно се случуваат некои сериозни повреди, тоа би било премногу. Јас сум внимателен и вредно тренирам, но ако тоа се случи, тогаш можеби нозете не ми се за фудбал и ќе живеам без него“, изјави  Коман пред една година, не исклучувајќи крај на неговата кариера ако настанат нови проблеми.

Потоа, тој претрпе уште шест повреди минатата година и стана сериозна тема на светскиот фудбал. Неспорно е голем талент , а веќе играше за ПСЖ, Јувентус и Баерн и за француската репрезентација и вреди околу 60 милиони евра. Сепак, поради повредите, доколку продолжи со ова темпо, би можел да го пропушти Европското првенство летото 2020 година.

Интересно е што од друга страна, скромната животна приказна на Коман не е баш како онаа на најголемите фудбалски sвезди. Роден е во Париз, а неговото разбирање за животот открива кој е надвор од теренот.

"Пораснав во предградие на Париз каде животот не е секогаш лесен. И покрај моето потекло од Гвадалупе, секогаш се чувствував французин иако живеам во странство веќе пет години и зборувам повеќе англиски со девојката и германски со соиграчите во Баерн отколку што зборувам француски. Сепак, ми се допаѓа оваа мешавина и мислам дека е убаво да се комбинираат повеќе култури и да се искористи најдобрите од сите земји. Разновидноста може само да ни користи “, рече Коман пред десетина дена во интервју за веб-страницата на Баерн.

Ѕвездата на Баварците, кој досега има освоено 17 трофеи, откри дека планира да ја посети родната Гвадалупе по Божиќ, но тоа сега е под знак прашање по новата повреда.

"Се чувствувам одлично во Гвадалупе. Таму не сум фудбалска sвезда . Луѓето се многу љубезни. Ме препознаваат, но почитуваат и дека сакам да уживам во мир со семејството. Затоа, планирам да одам таму за празниците", изјави Коман.

Марсело си заминува од Лион по тепачката меѓу неговите колеги со навивачите (ВИДЕО)

Тепачката  на играчите и навивачите на Лион на нивниот стадион, откако драматично се изборија за влез во следната група во Лигата на шампионите, го шокира фудбалскиот свет.

Лион загуби со 0-2 од Лајпциг во второто полувреме, но потоа изедначи со 2: 2 за да ја обезбеди нокаут фазата на ЛШ.

Мемфис Депај, капитенот, најдобриот играч и стрелец за Лион, кој го постигна вториот погодок, забележа како еден од нивните фанови  на теренот развил знаме на кое пишува „Марсело оди си “. Покрај пораката до дефанзивецот на Лион бил и цртеж на магаре.

Лидерот на тимот го одбрани својот соиграч и се стрча кон навивачот и му го скина знамето.  Голем број навивачи се упатија кон  Депај, кои тешко беа запрени од чуварите и полицајците , така што неколкумина успеаја да се пробијат на теренот и да го нападнат капитенот. Но наскоро другите играчи на Лион влегоа и им се спротивставија. Реакцијата на Депај и другите фудбалери јавно ја пофали тренерот на Лион, Руди Гарсија.

Марсело Антонио Гуедос Филјо им се спротивстави на навивачите на Лион за време на поразот од Бенфика, исто така во ЛШ, по што беше нападнат на социјалните медиуми. Другите играчи на Лион се солидаризираа со Марсело, па затоа веќе не ги поздравуваат навивачите по победите.

Радио Монте Карло известува дека искусниот (32) бразилски стопер, по синоќешниот инцидент, решил да го напушти клубот во кој дошол летото 2017 година, без оглед на неговиот договор со Лион е потпишан до летото 2021 година.

притисни ентер