„Кажав и претходно. Можеби го потценувате ова. Таа врата ќе биде отворена. Почна испраќањето на членовите на Даеш и тоа ќе продолжи.“, изјави Ердоган користејќи го арапскиот акроним за Исламската држава.
„Тогаш ќе бидете препуштени самите на себе“, додаде тој.
„Не обидувајте се да ја загрозите Турција за активностите на Кипар“, им порача Ердоган пред новинарите, откако предупреди дека ЕУ ќе треба да обрне внимание за своите односи кон земја што примила четири милиони бегалци.
„Размислете за позицијата што ја имате против Турција, која држи голем број членови на Даеш во затвор и ги контролира на сириската страна“, предупреди Ердоган.
Тој исто така го критикуваше блокирањето на претпристапните преговори на Турција со Унијата и за кршење на ветувањата.
„Тие велат„ ќе наметнеме санкции. “Веќе наметнавте санкции кон нас од 1959 до 1963 година. Постојано ја кочите Турција и никогаш не ги исполнувате вашите ветувања“, рече турскиот претседател.
Турција може „веднаш“ да ги заврши преговорите за членство, смета Ердоган .
„Еј ЕУ, Турција е различна од земјите што сте ги знаеле досега“, повика во негов стил , Ердоган.
Преговорите на Турција за членство во ЕУ започнаа во 2005 година, но односите се влошија по обидот за воен удар во Турција во 2016 година.