Американска анализа: Во Европа живеат 4 милиони нелегални мигранти

Меѓу 3,9 и 4,8 милиони илегални мигранти , повеќето млади и неодамна пристигнати мажи живееле во Европа во 2017 , покажува истражувањето на американскиот институт Пју.

„Помалку од 1 процент од 500 милиони луѓе што живеат во Европа во 2017 година биле нелегални имигранти, а 3 проценти од 325 милиони луѓе живеат во САД“, истакнува Пју во компаративната студија, објавена денес.

Пју ги анализирал податоците од Европската Унија и земјите од Европската зона за слободна трговија (Швајцарија, Лихтенштајн, Норвешка и Исланд) за податоците за Европа.

Институтот ги смета за нелегални мигранти лицата кои нелегално влегле во земјата, оние на кои им истекла дозволата за престој, оние што биле протерани и барателите на азил чијашто апликација се обработува, а тоа се околу еден милион луѓе, со оглед на ниската стапка на издадени дозволи.

Пју објави  дека најголем број на илегалци во Европа имало во 2016 година (помеѓу 4,1 и 5,3 милиони).

Околу 30% од нелегалните странци доаѓаат од Азија, 23% од европските земји кои не се членки на ЕУ или ЕФТА, 21% од Северна Африка и Блискиот исток, 17% од субсахарска Африка и 8 проценти од американскиот континент.

Германија и Велика Британија, кои имаат 1,2 милиони нелегални мигранти, секоја од нив прифатија половина од вкупниот број. Заедно со Италија и Франција, 70% од илегалците живеат во овие четири земји, каде што живее и половина од вкупното население на Европа.

Во Италија, која прифати голем број мигранти кои дојдоа преку Медитеранот, одлуката на соседните земји да ја контролираат нејзината граница би можела да се толкува со голем број од 700.000 нелегалци.

Нивниот помал број во Франција, 400.000, може да се толкува како резултат на регулирање на приливот.

Во 2017 година, илегалците претежно биле мажи под 35-годишна возраст кои дошле пред помалку од пет години. Половина од нив се баратели на азил, а во САД ги има само 20 проценти.

Пју проценува дека има меѓу 10,3 и 10,7 милиони илегални мигранти во САД . Огромното мнозинство потекнува од Латинска Америка, од кои скоро половината се од Мексико дојдени пред најмалку десет години.

Трамп со остра реакција: Отповикувањето е срамно!

Претседателот на САД, Доналд Трамп, го нарече денеска процесот на отповикување измама и дека нема да му пречи долгото судење во  Сенатoт, додавајќи дека тој би сакал да го види свиркачот поради чии поплаки демократите го иницирале отповикувањето. 

Во обраќањето пред новинарите во Белата куќа откако Судскиот комитет во Претставничкиот дом одобри две обвиненија против него, Трамп го осуди процесот и го нарече „срамен“ и рече дека Демократите го тривијализирале инпичментот.

„Тоа е многу тажна работа за нашата земја, но изгледа дека ќе биде многу добро за мене“, изјави Трамп.

„Повлекувањето е измама. Срамно е“, додаде тој.

Одборот во кој мнозинство имаат Демократите денес ги одобри обвинувањата за злоупотреба на службената должност и опструирање на истрагата на претседателот Доналд Трамп и тој скоро сигурно ќе стане третиот претседател во историјата што ќе биде отповикан.

Судскиот одбор со 23 гласа „за“ и 17 „против“ го усвои обвинението против Трамп за злоупотреба на службената должност наводно вршење притисок врз Украина да го испита Jо Бајден, негов можен ривал на изборите во 2020 година.

Комитетот исто така го одобри второто обвинение за спречување на истрагата на Конгресот за аферата со тоа што Трамп ги повикал поранешните и сегашните членови на администрацијата да не соработуваат во истрагата.

Целиот Претставнички дом, каде демократите имаат мнозинство, треба да го одобрат обвинението следната недела, со што ќе се стави крај на истрагата за отповикување и испраќање на Трамп на судење во наредните недели.

Американскиот претседател рече дека е отворен за краткотрајно или долготрајно судење во Сенатот, што треба да започне во јануари.

„Ќе направам што сакам. Ќе го сторам тоа долго или кратко“, рече Трамп. „Не би ми пречел долгиот процес затоа што би сакал да го видам свиркачот што ја кажал оваа измама“.

Веројатно е дека Сенатот во кој доминираат Републиканците нема да го прогласат претседателот виновен за да го отповикаат од функцијата.

Унгарците загубиле 8 милијарди долари поради блокадата на ЕУ кон Русија

Унгарија загуби осум милијарди долари во можен извоз од кога се воведоа санкциите на Западните земји кон Русија, додека земјите од ЕУ ги прошируваат економските односи со Москва.

Ова денеска го изјави унгарскиот министер за надворешни работи Питер Сијарто на отворањето на новата канцеларија на унгарската агенција за промоција на извозот (ХЕПА) во Москва, пренесуваат унгарските медиуми.

„Работата на унгарската влада е да го следи примерот на западноевропските земји и да помогне во напредокот на унгарските компании на рускиот пазар“, изјави  Сијарто.

Во тој контекст, тој рече дека минатата година, од земјите од групата 7, Германија ја зголемила трговијата со Русија за 56 проценти, Франција за 40 проценти и Италија за 37 проценти.

Трговскиот промет меѓу Германија и Русија надминал 60 милијарди американски долари во 2018 година, додаде тој.

Наспроти тоа, унгарско-руската трговска размена, која достигна 10 милијарди американски долари во 2014 година, пред Русија да се најде под економски санкции, минатата година падна на само 6,4 милијарди американски долари, рече Сијарто.

Заврши блокадата на српската опозиција на РТС , и Вучиќ се огласи (ВИДЕО)

Лидерите и поддржувачите на Сојузот за Србија се повлекоа вечерва ,  откако осум часа го блокираа влезот  во зградата на јавниот сервис РТС.

Претходно денес, српскиот претседател Александар Вучиќ на прес-конференција рече дека „нема причина за стравување“ кога станува збор за блокирање на влезот во зградата на РТС.

Запрашан од новинар на РТС за блокадата што ја најави Сојузот за Србија, Вучиќ рече дека „гарантира дека никој нема да биде загрозен“.

"Не грижете се за блокирањето на РТС. Гарантирам дека никој нема да биде загрозен, дека ќе постапиме во согласност со законот, нема опасност. Ние ќе зачуваме сè што треба да се зачува", рече Вучиќ пред новинарите на заедничката прес-конференција со францускиот министер за одбрана.

Лидерите и поддржувачите на Сојузот  за Србија се собраа на пладне пред влезот во зградата на Српската радио телевизија и ги блокираа сите три влеза во зградата до 20  часот.

Меѓу собраните беа опозициските лидери  Драган Ѓилас, Вук Јеремиќ, Бошко Обрадовиќ, Марко Бастац, Борко Стефановиќ, Мариника Тепиќ, Никола Јовановиќ ...

„Неточно е дека  Сојузот за Србија уредно го пријавила денешниот митинг пред зградата на РТС, а организаторите не го испочитуваа законот за јавно собирање и немаше регистрација“, изјави Милан Станиќ, началник на полициската управа за Град Белград.

Насобраните бараа оставка од претседателот Александар Вучиќ и неговата тоталитарна власт. Во моментов пред зградата на телевијата и натаму е зголемено полициското присуство.


притисни ентер