Петмина мажи со пакистанско потекло се на судење за постојано силување девојче кое своевремено имало само 12 години и ја продавале на други мажи кои исто така ја силувале.
Жртвата сведочеше со заштитена изјава, која се емитувала на суд, дека „не може да изброи“ колку пати сторителите ја силувале во двете години на „пеколот“, колку траела нејзината агонија.
„Мохамед Али Султан, Амад Хусеин, Шафик Јунас, Назам Ахтар и Мохамед Ризван негираат дека сториле нешто незаконско“, пренесува Би-Би-Си.
Меѓутоа, обвинителите во судот во Бирмингем тврдат дека обвинетите, меѓу другото,го силувале девојчето на валкан душек над киоск за брза храна „Совршена пица“ , а ја принудиле да има секс и во дворот на црквата.
Жртвата раскажа дека испорачувачот Танвер Ахмед, а подоцна и Мохамед Али Султан ја земале „секој ден после училиште“ и „ја делеле“ со други „азиски мажи“.
Таа додаде дека „ниту еден наставник“ во нејзиното училиште не интервенирал, иако се ширеле гласини низ целото училиште за тоа што се случува.
„Бев премногу исплашена за да одам некаде и да побарам помош“, призна неименуваната жртва.
Во една прилика, еден од петмината обвинети уринирал врз неа, рече таа.
Девојчето раскажало и дека размислувала за самоубиство.
Таа раскажа како Ахмед се дружел со неа , за потоа да ја наведе на пријателсто пред да ја силува, а потоа продолжил да ја принудува да има секс со други мажи. Тој, меѓутоа, не е меѓу обвинетите, бидејќи во меѓувреме бил депортиран во Пакистан за „неповрзани злосторства“.
Сепак, Ахмед е клучна фигура во оваа педофилска банда. Жртвата, исто така, сведочеше дека видела дека непознати постари мажи му даваат пари на Ахмед, откако ја силувале горе над киоскот за брза храна, изјави обвинителот Мишел Хели.
Кога жртвата се обидела да одбие принуден секс, Султан ја тепал и ќе и се заканил со семејството, велејќи и, меѓу другото, дека „ќе ја запали нивната куќа до темел“.
Султан (33) веќе е осуден за „слични дела против млади девојчиња“, соопшти судот.